మార్కాపురం కోర్టుకు హాజరైన హీరో సుమంత్.. కారణం ఏంటంటే..?
వివాదాలకు దూరంగా ఉండే అక్కినేని కుటుంబం చిక్కుల్లో పడింది. అక్కినేని ఫ్యామిలీకి చెందిన హీరో సుమంత్ గురువారం నాడు ప్రకాశం జిల్లా మార్కాపురం కోర్టుకు హాజరుకావడం స్థానికంగా చర్చనీయాంశంగా మారింది. సుమంత్ హీరోగా గతంలో ‘నరుడా.. డోనరుడా’ సినిమాలో నటించాడు. ఈ మూవీకి సంబంధించి తనకిచ్చిన చెక్ బౌన్స్ అయిందని మార్కాపురం కోర్టులో ఫైనాన్షియర్ కారుమంచి శ్రీనివాసరావు కోర్టులో కేసు వేశాడు.
Read Also: వినోదం ఆశించే ప్రేక్షకులపై ఆంక్షలు సమంజసమా?
నరుడా.. డోనరుడా సినిమాకు నిర్మాతగా అక్కినేని ఫ్యామిలీకి చెందిన సుప్రియ వ్యవహరించారు. ఈ మూవీకి కారుమంచి శ్రీనివాసరావు ఫైనాన్స్ అందించాడు. ఈ వ్యవహారంలో తనను హీరో సుమంత్, నిర్మాత సుప్రియ ఇద్దరూ మోసం చేశారని మార్కాపురం కోర్టులో శ్రీనివాసరావు కేసు వేశాడు. ఈ నేపథ్యంలో ఈ కేసుకు సంబంధించిన వాయిదా కోసం హీరో సుమంత్తో పాటు నిర్మాత సుప్రియ గురువారం నాడు మార్కాపురం కోర్టుకు హాజరు కావడంతో ఈ ఇద్దరినీ చూసేందుకు పెద్ద ఎత్తున ప్రజలు కోర్టు వద్దకు వచ్చారు.