Srisailam: స్వామివారి ఉచిత స్పర్శ దర్శనం వేళల్లో మార్పులు

శ్రీశైల మహాక్షేత్రానికి భక్తులు పోటెత్తుతున్నారు. శ్రీశైలంలో మంగళవారం, శుక్రవారాలలో స్వామివారి ఉచిత స్పర్శదర్శనం వుంటుంది. అయితే ఈ ఉచిత స్పర్శ దర్శనం వేళల్లో మార్పులు చేశారు దేవస్థానం అధికారులు. శ్రీ శైలంలో భక్తుల సౌకర్యార్థం దేవస్థానం మంగళవారం నుండి శుక్రవారం వరకు భక్తులకు కల్పిస్తున్న మల్లికార్జునస్వామి స్పర్శ దర్శన వేళలు మార్చాలని దేవస్థానం నిర్ణయించింది.

నేటినుండి నుంచి వారంలో నాలుగు రోజులపాటు అనగా మంగళ వారం నుంచి శుక్రవారం వరకు మధ్యాహ్నం 2 గంటలనుంచి 4 గంటలవరకు భక్తులందరికీ శ్రీస్వామివార్ల ఉచిత స్పర్శదర్శనానికి అనుమతిస్తుంది. గతంలో వారంలోని నాలుగు రోజులలోమంగళ వారం నుంచి శుక్రవారం వరకు మధ్యాహ్నం 2 నుంచి 3 వరకు తిరిగి సాయంత్రం 6 నుంచి 7 వరకు భక్తులందరికీ స్పర్శదర్శనం కల్పిస్తుండేది. అయితే మధ్యాహ్నం 3 తరువాత స్వామివారి అలంకార దర్శనం మాత్రమే వుండటంతో స్పర్శదర్శనం కోసం సాయంత్రం 6 గంటలవరకు వేచి వుండాల్సి వస్తున్నది.

దీనివలన దర్శనం ముగించుకొని ఇతరప్రాంతాలకు వెళ్ళేందుకు ఇబ్బందికరంగా ఉందని పలువురు భక్తులు దేవస్థానం దృష్టికి తీసుకురావడంతో ఈవిషయమై భక్తుల సౌకర్యాన్ని దృష్టిలో ఉంచుకుని ఇవాళ్టి నుంచి మధ్యాహ్నం 2 నుంచి 4 గంటల వరకు భక్తులందరికీ స్పర్శదర్శనం కల్పిస్తామని ఆలయ ఈవో లవన్న తెలియజేసారు. మధ్యాహ్నం గంటసేపు అదనంగా స్పర్శదర్శనం కల్పిస్తున్న కారణంగా సాయంత్రం 6 నుంచి 7 వరకు అమలులో ఉన్న స్పర్శ దర్శనం నిలుపుదల చేస్తామని ఈవో లవన్న తెలిపారు. అలాగే, స్సర్శదర్శనానికి వచ్చే భక్తులందరూ తప్పనిసరిగా సంప్రదాయ దుస్తులు ధరించి రావాలని భక్తులను ఈవో లవన్న కోరారు.

TDP : ఆ మాజీమంత్రి మహానాడుకు వెళ్తే ఆదరించరని సందేహం కలిగిందా..?