RRR Mania: గ్యాస్ సిలిండర్ కొంటే.. ఆర్.ఆర్.ఆర్ సినిమా టిక్కెట్లు ఉచితం

ప్రస్తుతం ప్రపంచ వ్యాప్తంగా ఆర్.ఆర్.ఆర్ సినిమా మేనియా నడుస్తోంది. రాజమౌళి దర్శకత్వంలో యంగ్ టైగర్ ఎన్టీఆర్, మెగా పవర్‌స్టార్ రామ్‌చరణ్ హీరోలుగా నటించిన ఈ మూవీ ఈనెల 25న విడుదల కానుంది. ఈ సినిమా టిక్కెట్ బుకింగ్స్ అప్పుడే ప్రారంభం కాగా హాట్ కేకుల్లా అమ్ముడుపోతున్నాయి. ఈ నేపథ్యంలో పలువురు వ్యాపారులు ఆర్.ఆర్.ఆర్ మూవీ క్రేజ్‌ను వినియోగించుకుంటున్నారు.

గుంటూరు జిల్లా దుగ్గిరాలకు చెందిన హెచ్‌పీ గ్యాస్ ఏజెన్సీ వినూత్నంగా ఆలోచించింది. సింగిల్ గ్యాస్ సిలిండర్ కలిగిన వినియోగదారులు మరో సిలిండర్ తీసుకుంటే ఉచితంగా ఆర్.ఆర్.ఆర్ మూవీ టిక్కెట్లు ఇస్తామని ప్రకటించింది. ఈ మేరకు ప్రత్యేకంగా ఫ్లెక్సీని ఏర్పాటు చేసింది. దీంతో కొందరు అభిమానులు సిలిండర్‌ కొనుగోలుకు ముందుకు వచ్చారు. ఇప్పటికే ముగ్గురు వినియోగదారులు సిలిండర్లు బుక్‌ చేసుకున్నారని హెచ్‌పీ గ్యాస్ ఏజెన్సీ నిర్వాహకుడు శ్రీనివాసరావు వెల్లడించారు.