CM Chandrababu: సభ్యత్వ నమోదు, పార్టీ బలోపేతం, నామినేటెడ్ పదవుల భర్తీపై సీఎం ఫోకస్..
- సభ్యత్వ నమోదు.. పార్టీ బలోపేతం.. నామినేటెడ్ పదవుల భర్తీపై సీఎం ఫోకస్
- రేపటి నుంచి ప్రారంభమయ్యే సభ్యత్వ నమోదు కార్యక్రమంపై చర్చించిన చంద్రబాబు
- రేపు టీడీపీ సభ్యత్వ కార్యక్రమాన్ని ప్రారంభించనున్న ముఖ్యమంత్రి.
సభ్యత్వ నమోదు, పార్టీ బలోపేతం, నామినేటెడ్ పదవుల భర్తీపై ముఖ్యమంత్రి చంద్రబాబు నాయుడు దృష్టి పెట్టారు. ఈ క్రమంలో.. రేపటి నుంచి ప్రారంభమయ్యే సభ్యత్వ నమోదు కార్యక్రమంపై పార్టీ నేతలతో సీఎం చంద్రబాబు చర్చించారు. రేపు టీడీపీ సభ్యత్వ కార్యక్రమం ప్రారంభం కానుంది. రూ.100 సభ్యత్వంతో రూ. 5 లక్షల మేర బీమా సౌకర్యం కల్పించేలా సభ్యత్వ కార్యక్రమాన్ని తెలుగు దేశం పార్టీ రూపొందించింది.
Read Also: Naga Vamsi: లక్కీ భాస్కర్ కి అదే రిపీట్ చేస్తున్న నాగవంశీ
రెండో దఫా నామినేటెడ్ పదవుల భర్తీపై ఉదయం నుంచి ఉండవల్లి నివాసంలో చంద్రబాబు కసరత్తు ప్రారంభించారు. మూడు గంటల పాటు పదవులపై ముఖ్యమంత్రి చంద్రబాబు కసరత్తు చేశారు. సాధ్యమైనంత త్వరగా రెండో లిస్ట్ ఇచ్చేందుకు ప్రయత్నాలు చేస్తున్నారు. మొదటి ఫేజ్లో ఇచ్చిన 21 నామినేటెడ్ పదవులకు రెట్టింపు సంఖ్యలో ఈ దఫా లిస్ట్ ఉంటుందని పార్టీ వర్గాలు పేర్కొంటున్నాయి. నామినేటెడ్ పదవుల భర్తీ విషయంలో కూటమి పక్షాలతో కూడా సంప్రదింపులు జరుపుతున్నారు ముఖ్యమంత్రి చంద్రబాబు. కష్టపడిన వారికి పదవి అనే విధానంలో విస్తృత కసరత్తు చేస్తున్నారు చంద్రబాబు నాయుడు. దీని కోసం వివిధ మార్గాల ద్వారా వచ్చిన సమాచారాన్ని సీఎం విశ్లేషిస్తున్నారు.
Read Also: Narudi Brathuku Natana Review: నరుడి బ్రతుకు నటన రివ్యూ