AP Weather Alert: అలర్ట్.. మరో మూడు రోజులు పిడుగులతో కూడిన భారీ వర్షాలు..

AP Weather Alert: ఇప్పటికే అకాల వర్షాలు భారీ నష్టాన్ని మిగిల్చాయి.. మరోవైపు, ఆంధ్రప్రదేశ్ రాష్ట్ర విపత్తుల నిర్వహణ సంస్థ ప్రకారం, రాబోయే మూడు రోజులపాటు రాష్ట్రంలో పిడుగులతో కూడిన వర్షాలు కురిసే అవకాశం ఉంది. ఉపరితల ఆవర్తనం మరియు ద్రోణి ప్రభావాల కారణంగా, రాత్రి సమయంలో కోనసీమ, పశ్చిమగోదావరి, కృష్ణా, గుంటూరు, బాపట్ల జిల్లాల్లో అక్కడక్కడ మోస్తరు వర్షాలు పడే అవకాశం ఉంది. రేపు రాష్ట్రవ్యాప్తంగా విస్తారంగా పిడుగులతో కూడిన వర్షాలు కురిసే అవకాశం ఉంది. ఎల్లుండి ఉత్తరాంధ్ర, కోస్తా జిల్లాల్లో తేలికపాటి నుంచి మోస్తరు వర్షాలు పడే అవకాశం ఉంది. ఆదివారం కూడా ఉత్తరాంధ్ర జిల్లాల్లో పిడుగులతో కూడిన తేలికపాటి నుంచి మోస్తరు వర్షాలు కురుస్తాయని హెచ్చరించారు.

Read Also: TPCC Mahesh Goud : డీసీసీ కమిటీలను ప్రకటించిన టీపీసీసీ చీఫ్

పంటలకు మరియు ప్రజలకు సూచనలు
మినుము, మిరప, పసుపు వంటి పంటలను తడవకుండా భద్రపరచుకోవాలని సూచించారు.. వర్షాల సమయంలో చెట్ల కింద నిలకండి, ఉరుములు, మెరుపులతో కూడిన వాతావరణంలో అప్రమత్తంగా ఉండాలని హెచ్చరించారు.. అప్రమత్తంగా ఉండండి.. అవసరమైతే భద్ర స్థలాల్లో తల దాచుకోండి. విద్యుత్ సమస్యలు, నీరు నిలిచే ప్రాంతాలు, గాలి వేగం ఎక్కువ ప్రాంతాలపై ప్రత్యేక శ్రద్ధ పెట్టండి అని సూచించారు.. రాష్ట్ర విపత్తుల నిర్వహణ సంస్థ ప్రఖర్ జైన్, ఎండీ ప్రకారం, అన్ని అధికారులు మరియు పౌరులు ముందస్తుగా జాగ్రత్తలు తీసుకోవాలని సూచించారు.