క‌రోనా క‌ల‌క‌లం.. సీఐ, ఎస్సై స‌హా 9 మందికి పాజిటివ్‌

ఆంధ్ర‌ప్ర‌దేశ్‌లో క‌రోనా మ‌హ‌మ్మారి ఇంకా పూర్తిస్థాయిలో అదుపులోకి రాలేదు.. ఎప్పుడు నుంచి ఎలా క‌రోనా సోకుతుందో తెలియ‌ని ప‌రిస్థితి ఉంది.. తాజాగా నెల్లూరు జిల్లాలోని కావలి రూరల్‌ పోలీస్‌ స్టేషన్ క‌రోనా క‌ల‌క‌లం సృష్టించింది.. ఒకే పోలీస్ స్టేష‌న్‌లో ఏకంగా 9 మందికి క‌రోనా పాజిటివ్‌గా తేలింది.. కొంద‌రిలో క‌రోనా ల‌క్ష‌ణాలు క‌నిపించ‌డంతో.. అనుమానంతో అంద‌రికీ కోవిడ్ నిర్ధార‌ణ ప‌రీక్ష‌లు నిర్వ‌హించారు.. అయితే, సీఐ, ఎస్సై, హెడ్‌ కానిస్టేబుల్‌ సహా మొత్తం 9 మంది పోలీసు సిబ్బంది మ‌హ‌మ్మారి బారిన‌ప‌డిన‌ట్టు తేలింది.. ఇక‌, అప్రమత్తమైన వైద్య ఆరోగ్యశాఖ అధికారులు.. ఆ పీఎస్‌కు సంబంధించిన అధికారులు, సిబ్బంది.. వారి కుటుంబ‌సభ్యులందరికీ కరోనా నిర్ధారణ పరీక్షలు చేసేప‌నిలో ప‌డిపోయారు..