Panipuri Challenge in uttar pradesh: పానీపూరీ పేరు చెప్పగానే కొందరికి నోట్లో నీళ్లూరుతాయి. ప్రతిరోజూ సాయంత్రం పానీపూరి బండి దగ్గరకు వెళ్లి ఒక ప్లేట్ పానీపూరీ లాగించకపోతే కొందరికి ఏం తిన్నా రుచించదు. కరోనా లాక్‌డౌన్ సమయంలోనూ పానీపూరీ బండ్లు పెట్టలేదని ఏకంగా ఇళ్లల్లోనే పానీపూరీలు చేసుకుని మరీ లాగించేశారు మన పానీపూరీ ప్రియులు. ఈ రేంజ్‌లో పానీపూరీ లవర్స్ ఉంటే.. ఎవరైనా పానీపూరీ ఛాలెంజ్ అంటే ఎగబడకుండా ఉండగలరా?. అయినా ఓ వ్యక్తి బస్తీమే సవాల్ అంటూ పానీపూరీ ఛాలెంజ్ విసురుతున్నాడు. తాను ఇచ్చే పానీపూరీ తింటే రూ.500 ఇస్తా అని బెట్ కడుతున్నాడు.
Read Also: BJP MP Ravi Kishan: జనాభా నియంత్రణ బిల్లుపై రవికిషన్ కు చుక్కలు చూపిస్తున్న నెటిజెన్లు
వివరాల్లోకి వెళ్తే.. ఉత్తరప్రదేశ్‌లోని శిఖోహాబాద్‌కి చెందిన ఓ వ్యక్తి పానీపూరీలు విక్రయిస్తుంటాడు. తాజాగా అతడు ఓ సవాల్ విసిరాడు. ఇంతకీ ఆ సవాల్ ఏంటంటే.. .. మామూలు గప్‌చుప్‌తో పోలిస్తే రెండింతలు ఉండే భారీ పూరీ.. దాని నిండా కూర, మసాలా దట్టించి.. పుల్లటి పానీ నింపి అందిస్తాడు. ఆ పూరీని ఒక్కబుక్కలో తినేయాలి. ఒక్క చుక్క పానీ కూడా కిందపడకూడదు. అలా ఎవరైనా తినేస్తే వెంటనే రూ.500 ఇచ్చేస్తానని ప్రకటించాడు. ఒకవేళ తినకపోతే గప్‌చుప్ ఖరీదు రూ.100 చెల్లించాలని చెప్తున్నాడు. దీంతో చాలామంది ఈ పానీపూరీ ఛాలెంజ్‌లో పాల్గొంటున్నారు. ఇప్పటివరకూ ఆరుగురు మాత్రమే విజేతలుగా నిలిచారు. మరి మీరు కూడా ఈ ఛాలెంజ్‌లో పాల్గొనాలంటే యూపీ వెళ్లాల్సి ఉంటుంది.
https://www.facebook.com/brijwasisomesh/videos/953138935297443/