అందరివాడు… సురేశ్ బాబు!
- Follow Us :
-
-
Add as a preferred
source on google
తెలుగు చిత్రసీమలో ఏదైనా సమస్య తలెత్తినప్పుడు దాని పరిష్కారం నడుం బిగించేవారిలో ముందువరుసలో ఉంటారు దగ్గుబాటి సురేశ్ బాబు. అంతకు ముందు ఆయన తండ్రి స్టార్ ప్రొడ్యూసర్ డి.రామానాయుడు కూడా అదే తీరున తెలుగు సినిమా అభివృద్ధి కోసం తనవంతు కృషి చేశారు. ఇప్పుడు తెలుగు సినిమా రంగంలో నెలకొన్న పరిస్థితులను చక్కదిద్దడానికి సురేశ్ బాబుతో పాటు పలువురు ప్రముఖ నిర్మాతలు ప్రయత్నం సాగిస్తున్నారు. ముఖ్యంగా ఆంధ్రప్రదేశ్ లో నెలకొన్న పరిస్థితుల దృష్ట్యా అక్కడ మన తెలుగు సినిమాను బ్రతికించుకోవడానికి పలువురు పలు విధాలా కృషి చేస్తున్నారు. త్వరలోనే పరిష్కారం లభిస్తుందని ఆశిస్తున్నారు. ఈ నేపథ్యంలో అందరి చూపు సురేశ్ బాబు వైపు సాగుతోంది. ఎందుకంటే నిర్మాతగానే కాదు, స్టూడియో అధినేతగా, డిస్ట్రిబ్యూటర్ గా, ఎగ్జిబిటర్ గా సురేశ్ బాబుకు అపారమైన అనుభవం ఉంది. అందువల్ల సురేశ్ బాబు ఏదో ఒక పరిష్కారంతో రాబోయే సినిమాలకు సులువైన మార్గం చూపిస్తారని సినీజనం ఆశిస్తున్నారు.
తండ్రి బాటలో…
డి.రామానాయుడు పెద్దకొడుకుగా సురేశ్ బాబు 1958 డిసెంబర్ 24న జన్మించారు. మద్రాసులోని డాన్ బోస్క్ స్కూల్ లోనూ, లయోలా కాలేజ్ లోనూ విద్యనభ్యసించారు సురేశ్. తరువాత యూనివర్సిటీ ఆఫ్ మిచిగాన్ లో డిగ్రీ చదివారు. స్వదేశం వచ్చిన తరువాత నుంచీ తండ్రి చిత్ర నిర్మాణంలో పాలు పంచుకుంటూ సాగారు.
ఆయన తండ్రి డి.రామానాయుడు నిర్మాతగా గిన్నిస్ బుక్ ఆప్ వరల్డ్ రికార్డ్స్ లో చోటు సంపాదించారు. తండ్రి చాటున బిడ్డగా ఉంటూనే సురేశ్ బాబు 1990లో ‘బొబ్బిలిరాజా’తో నిర్మాతగా మారారు. అప్పటి నుంచీ తమ సురేశ్ ప్రొడక్షన్స్ పతాకంపై సురేశ్ బాబు పలు చిత్రాలు నిర్మించారు. తన తమ్ముడు వెంకటేశ్ ను టాలీవుడ్ స్టార్ హీరోస్ లో ఒకరిగా నిలపడం కోసం సురేశ్ బాబు చేసిన కృషిని ఎవరూ మరచిపోలేరు. ఇక నిర్మాతగా తన ప్రతి చిత్రంలోనూ ఏదో ఒక కొత్తదనం చొప్పించడానికి సురేశ్ బాబు సదా ప్రయత్నించేవారు.
Also Read
- Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
- Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
- Sun Transit : రేపు సూర్యుడి రాశి మార్పుతో అదృష్టం.. ఈ 8 రాశులకు శుభ ఘడియలు!
- Kondagattu Temple : 60 ఏళ్ల నిరీక్షణకు తెర.. కొండగట్టులో అంజన్న నిజరూప దర్శనం
తెలుగులోనే కాదు, దక్షిణాదిన ఎందరో ప్రముఖ నిర్మాతల తనయులు తండ్రుల బాటలోనే పయనిస్తూ నిర్మాతలయ్యారు. అయితే సురేశ్ బాబు మాత్రం కాలానికి అనుగుణంగా సాగుతూ చిత్రనిర్మాణం సాగించారు. అరుదైన విజయాలను సొంతం చేసుకున్నారు. తండ్రి తనకు ఆస్తిగా ఇచ్చిన నిర్మాణసంస్థ, స్టూడియోస్, పంపిణీ సంస్థ, పబ్లిసిటీ సంస్థ వంటి వాటిని ఎంతో చాకచక్యంగా నిర్వహించారు. ముఖ్యంగా తెలుగునాట థియేటర్లను లీజుకు తీసుకొని మూతపడిపోనున్న ఎన్నో సినిమా హాళ్ళకు ఆ దుస్థితి పట్టకుండా కాపాడిన ఘనత సురేశ్ బాబుదే అని చెప్పవచ్చు. ఇక క్రేజీ కాంబినేషన్స్ లో రూపొందే చిత్రాలకు భాగస్వామిగానూ ఉంటున్నారు సురేశ్ బాబు. ఈ మధ్య మునుపటిలా వేగంగా చిత్రనిర్మాణం సాగించడం లేదు.
సురేశ్ బాబు తనయుడు రానా నవతరం నాయకునిగా సాగిపోతున్నారు. రానా సైతం తండ్రి బాటలో పయనిస్తూ కొంతకాలం గ్రాఫిక్స్ నిర్వహించారు. తరువాత బాబాయ్ వెంకటేశ్ ను ఆదర్శంగా తీసుకొని నటనలో అడుగుపెట్టారు. సురేశ్ బాబు నిర్వహణలోనే రామానాయుడు ఫిలిమ్ ఇన్ స్టిట్యూట్ సాగుతోంది. అందులో శిక్షణ పొందిన వారికి తమ చిత్రాల ద్వారా అవకాశాలూ కల్పిస్తున్నారు. కరోనా కల్లోలంలో సతమతమై పోయిన తెలుగు సినిమాను మళ్ళీ మునుపటి స్థితికి తీసుకురావడానికి ఎందరో నడుం బిగించారు. వారిలో ముందు వరుసలో ఉన్నారు సురేశ్ బాబు. అయితే ప్రస్తుత పరిస్థితుల్లో కొన్ని సినిమాలు థియేటర్లలో కన్నా ఓటీటీల్లో విడుదలయితేనే మంచిదని ఆయన భావించారు. అందువల్లే తన తమ్ముడు వెంకటేశ్ నటించిన “నారప్ప, దృశ్యం-2” చిత్రాలను ఓటీటీలోనే విడుదల చేశారు. ఆయన బాటలోనే మరికొందరు నిర్మాతలు పయనించారు. కానీ, థియేటర్లలో సందడి చేసిన చిత్రాలను చూసి, చాలామంది మళ్ళీ సినిమా హాళ్ళలోనే తమ సినిమాలు నడవాలని ఆశిస్తున్నారు. ఈ నేపథ్యంలో ఏపీ గవర్నమెంట్ తో చర్చలు సాగించాలని చాలామంది తెలుగు సినిమా జనం భావిస్తున్నారు. వారికి దిశానిర్దేశం చేయడంలో సురేశ్ బాబు ముందుంటారని సినీజనం ఆశిస్తున్నారు. ఏమవుతుందో చూడాలి.
తాజావార్తలు
-
Badrinath Highway Tragedy: బద్రీనాథ్ హైవేపై ఘోర ప్రమాదం.. లోయలో పడిన బస్సు.. ఆరుగురు మృతి!
-
IND vs NZ 1st Test: తొలి టెస్టుకు టీమిండియా ప్లేయింగ్ కాంబినేషన్ ఖరారు.. గిల్ కీలక వ్యాఖ్యలు!
-
CM Chandrababu Delhi Tour: మరోసారి ఏపీ సీఎం హస్తిన బాట.. కేంద్ర మంత్రులతో కీలక సమావేశాలు
-
Sai Pallavi & Sreeleela Dance: స్టేజ్పై డాన్స్ తో సందడి చేసిన స్టార్ హీరోయిన్స్.. వైరల్ వీడియో..!
-
Koti Deepotsavam 2026: కన్నుల పండుగగా కోటి దీపోత్సవం.. నాలుగో రోజు ప్రత్యేక కార్యక్రమాలు ఇవే..
ట్రెండింగ్
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!