ఆగస్టు 18, బుధ‌వారం దినఫ‌లాలు

మేషం : ఈ రోజు ఈ రాశివారికి ఆర్థిక ఇబ్బందులు లేకపోయినా సంతృప్తికానరాదు. అధిక ఉష్ణం వల్ల కుటుంబ పెద్దల పట్ల ఆందోళన చెందుతారు. చిన్నతరహా పరిశ్రమలలో వారికి అనుకూలత. సంతానం మొండివైఖరి మీకు ఎంతో చికాకు కలిగిస్తుంది.

వృషభం : ఈరోజు ఈ రాశిలోని వస్త్ర, బంగారు, వెండి వ్యాపారస్థులకు జయం చేకూరగలదు. వృత్తుల వారికి సంఘంలో మంచి గుర్తింపు. శ్రమకు తగిన ఆదాయం లభిస్తుంది. కొన్ని అనుకోని సంఘటనలు మనస్తాపం కలిగిస్తాయి. ముఖ్యుల కోసం మీ పనులు వాయిదా వేసుకోవలసి వస్తుంది.

మిథునం : ఈ రోజు ఆదాయ వ్యయాల్లో ఈ రాశివారి అంచనాలు తలకిందులవుతాయి. ప్రముఖుల కలయిక వల్ల ఏమాత్రం ఫలితం ఉండదు. స్త్రీల ఆరోగ్యం విషయంలో జాగ్రత్త వహించండి. కాంట్రాక్టర్లకు, బిల్డర్లకు నిర్మాణ పనుల్లో ఏకాగ్రత ముఖ్యం.

కర్కాటకం : ఈ రోజు మీ గృహమునకు కావాల్సిన వస్తువులు అమర్చుకుంటారు. విద్యార్థులకు హడావుడి తొందరపాటుతగదు. కీలకమైన సమావేశాల్లో మితంగానే సంభాషించండి. పెద్దల ఆరోగ్యం గురించి ఆందోళన చెందుతారు.

సింహం : ఈ రోజు మీరు చేయదలుచుకున్న మంచి పని వాయిదా వేయకండి. మీ సంతానం కోసం ఫీజులు బిల్లులు చెల్లిస్తారు. బంధు మిత్రుల నుంచి ఒడిదుడుకులను ఎదుర్కొంటారు. విద్యార్థులకు ఇంజనీరింగ్, మెడికల్ కోర్సులలో ప్రవేశం లభిస్తుంది.

కన్య : ఈ రోజు ఈరాశిలోని ఉద్యోగస్తులకు పై అధికారుల నుంచి మంచి పేరు ఖ్యాతి లభిస్తుంది. లౌక్యంగా వ్యవహరించి మీ పనులు చక్కబెట్టవలసి వస్తుంది. హోటల్, కేటరింగ్ రంగాల్లో వారు పనివారితో ఇబ్బందులను ఎదుర్కొంటారు. వైద్యులు అరుదైన ఆపరేషన్లను విజయవంతంగా పూర్తి చేస్తారు.

తుల : ఈ రోజు కొంతమంది మీ పలుకుబడి ద్వారా లబ్ధి పొందుతారు. క్యాటరింగ్ పనివారలకు సదావకాశాలు లభిస్తాయి. విదేశీయానం కోసం చేస్తున్న యత్నాలు ఫలిస్తాయి. ఏదైనా స్థిరాస్తి కొనుగోలు లేక అభివృద్ధి చేయాలనే మీ ఆలోచనలుంటాయి.

వృశ్చికం : ఈ రోజు ఈ రాశిలోని స్త్రీలు, టీవీ చానెళ్ల కార్యక్రమాల్లో రాణిస్తారు. ఉద్యోగ రీత్యా దూర ప్రయాణాలు చేయవలసి వస్తుంది. మనోధైర్యంతో యత్నాలు సాగించాల్సి ఉంటుంది. స్థిరాస్తి క్రయ విక్రయం విషయంలో మంచి లాభం ఉంటుంది.

ధనస్సు : ఈ రోజు ఉద్యోగస్తులు పై అధికారులతో సంభాషించునపుడు కాస్త జాగ్ర‌త్త అవసరం. వాహన చోదకులు జరిమానాలు చెల్లించవలసి వస్తుంది. ఉమ్మడి, సొంత వ్యాపారాల అభివృద్ధికి బాగా శ్రమిస్తారు. కుటుంబీకుల మధ్య ఆసక్తికరమైన విషయాలు చర్చకు వస్తాయి.

మకరం : ఈ రోజు మీ గృహమునకు కావాల్సిన వస్తువులను కొనుగోలు చేస్తారు. ఖర్చులు ఊహించినవే కావడంతో ఇబ్బందులంతగా ఉండవు. ప్రముఖుల సిఫార్సుతో నిరుద్యోగులకు మంచి అవకాశం లభిస్తుంది. మీ శ్రీమతి సలహా పాటించడం వల్ల అన్ని విధాలా శ్రేయస్కరం. ప్రయాణాలు అనుకూలిస్తాయి.

కుంభం : ఈ రోజు పుణ్యక్షేత్ర సందర్శనలు ఉల్లాసం కలిగిస్తాయి. ధనం ఏమాత్రం నిల్వ చేయలేకపోతారు. మీ వాహనం ఇతరులకిచ్చి ఇబ్బందులెదుర్కొంటారు. వృథా ఖర్చులు అధికంగా ఉంటాయి.

మీనం : ఈ రోజు రాజకీయ నాయకులు సభలు, సమావేశాల్లో చురుకుగా పాల్గొంటారు. స్త్రీలకు పరిచయాలు వ్యాపకాలు అధికమవుతాయి. పాత మిత్రుల కలయికతో మానసికంగా కుదుటపడతారు. నిరుద్యోగులు రాత మౌఖిక పరీక్షల్లో విజయం సాధిస్తారు.