Mumbai: ముంబైలో అక్రమ ఫిల్మ్ స్టూడియోలు కూల్చివేత.. బీజేపీ సంబరాలు

అక్రమంగా నిర్మించిన స్టూడియోలపై ముంబై మున్సిపల్ అధికారులు కొరడా ఝుళిపించారు. ముంబైలోని మలాడ్ ప్రాంతంలో అక్రమంగా నిర్మించిన డజన్ల కొద్దీ ఫిల్మ్ స్టూడియోలను కూల్చివేసేందుకు బుల్డోజర్లు ప్రవేశించాయి. వీటిని మహా వికాస్ అఘాడి ప్రభుత్వ రక్షణలో నిర్మించారని బిజెపి ఆరోపించింది. నేషనల్ గ్రీన్ ట్రిబ్యునల్ (NGT) నుండి వచ్చిన ఉత్తర్వుల మేరకు బృహన్ ముంబై మున్సిపల్ కార్పొరేషన్ చర్యను ప్రారంభించింది. ఎన్జీటీ(NGT) యొక్క వెస్ట్రన్ జోన్ బెంచ్ గురువారం మాద్ ఐలాండ్‌లోని ఐదు స్టూడియోల కూల్చివేతపై స్టేను ఉపసంహరించుకుంది. అదే సమయంలో స్టూడియో నిర్వహకులు దాఖలు చేసిన అభ్యర్థనను కొట్టివేస్తూ, తదుపరి కార్యకలాపాలకు అనుమతినిచ్చింది. దీనిపై బీజేపీ హర్షం వ్యక్తం చేసింది.

Also Read:Rishi Sunak: గర్వించదగ్గ రోజు.. సుధామూర్తికి దక్కిన గౌరవంపై స్పందించిన రిషి సునాక్

చాలా కాలంగా ఈ అంశాన్ని లేవనెత్తిన బీజేపీకి చెందిన సోమయ్య తన మద్దతుదారులతో పారతో ఘటనా స్థలానికి వెళ్లారు. మహారాష్ట్ర కోస్టల్ జోన్ మేనేజ్‌మెంట్ అథారిటీ (MCZMA)ను ఉల్లంఘించి, అనుమతి లేకుండా, మోసపూరిత పత్రాల ఆధారంగా స్టూడియోలను నిర్మించారని ఆయన ఆరోపించారు. ఈ అక్రమ కుంభకోణం గురించి బీఎంసీ కమీషనర్ ఇక్బాల్ చాహల్‌కు తెలిసినా చర్యలు తీసుకోలేదని సోమయ్య అన్నారు.
Also Read: Kunamneni Sambasiva Rao: బీఆర్‌ఎస్‌, కాంగ్రెస్ కలిస్తే స్వాగతిస్తాం.. కూనంనేని కీలక వ్యాఖ్యలు

అక్రమ నిర్మాణాలను ఎలా అనుమతించారని బీఎంసీని ప్రశ్నించే కోర్టును తాము ఆశ్రయించామన్నారు. దీనిపై ముఖ్యమంత్రి, డిప్యూటీ సీఎం విచారణకు ఆదేశించాలని ఆయన అభ్యర్థించారు. కాగా, ఈ ఐదు స్టూడియోలకు తాత్కాలిక నిర్మాణం కోసం అనుమతి ఇవ్వబడింది. అయితే వారు భారీ నిర్మాణాన్ని ఏర్పాటు చేశారు. ఇందులో చాలా స్టీల్ మరియు కాంక్రీట్ మెటీరియల్‌ను ఉపయోగించారు.