అలర్ట్: సెప్టెంబర్‌లో బ్యాంకులకు వరుస సెలవులు..

మరో మూడు రోజుల్లో ఆగస్టు నెల ముగిసి.. సెప్టెంబర్‌లోకి అడుగుపెట్టబోతున్నాయం.. లావాదేవీల కోసం నిత్యం బ్యాంకులకు చుట్టూ తిరిగేవారు అప్రమత్తం కావాల్సిన సమయం వచ్చింది.. ఎందకంటే సెప్టెంబర్ నెలలో బ్యాంకులకు వరుసగా సెలవులు రానున్నాయి. బ్యాంక్‌ సెలవుల జాబితాను ఆర్బీఐ విడుదల చేసింది. వచ్చే నెలలో బ్యాంకులకు 7 రోజుల సెలవులు ఇస్తున్నట్లు ప్రకటించారు. రిజర్వ్‌ బ్యాంక్‌ ఆఫ్‌ ఇండియా ప్రకారం సెప్టెంబర్‌ నెలలో ఆయా రాష్ట్రాల్లో పండుగలకు అనుగుణంగా బ్యాంకులకు మొత్తంగా 12 రోజుల సెలవులు రానుండగా.. తెలుగురాష్ట్రాల్లో మాత్రం 7 రోజులు బ్యాంకులు బంద్‌ కానున్నాయి. అందులో సెప్టెంబర్‌ 5, 12, 19, 26 ఆదివారాలు కాగా, 11వ తేదీ రెండో శనివారం, 25వ తేదీ నాలుగో శనివారం బ్యాంకులు విధులు నిర్వహించవు.. ఇవి సాధారణ సెలవులే అయిన.. ఇక, సెప్టెంబర్‌ 10వ తేదీ వినాయక చవితి రావడంతో.. 10, 11, 12 తేదీల్లో వరుసగా మూడు రోజులు బ్యాంకింగ్‌ సేవలు నిలిచిపోనున్నాయి. దీంతో.. బ్యాంకు లావాదేవీలు నెరిపేవారు.. ఆ తేదీలను దృష్టిలో ఉంచుకుని.. తమ కార్యకలాపాలను ముందుగానే చూసుకోవడం మంచిది.