ఈజిప్ట్‌లో బ‌య‌ట‌ప‌డిన సూర్య‌దేవాల‌యం… ఏ కాలానికి చెందిన‌దో తెలుసా…
- Follow Us :
-
-
Add as a preferred
source on google
ప్ర‌పంచంలో అనేక సూర్య‌దేవాల‌యాలు ఉన్న సంగ‌తి తెలిసిందే. ప్ర‌తీ దేశంలో సూర్యుడిని కొలుస్తుంటారు. ఇక పూర్వ‌కాలంలో సూర్యుడికి నిత్యం పూజ‌లు చేసే తెగ‌లు అనేకం ఉన్నాయి. ఈజిప్ట్‌లో సూర్యుడిని వివిధ పేర్ల‌తో పూర్వం కొలిచేవారు. ఆ దేశంలో సూర్యునికి అనేక ఆల‌యాలు నిర్మించారు. ఈజిప్ట్ పురావ‌స్తుశాఖ నేతృత్వంలో అబు ఘ‌ర‌బ్ ప్రాంతంలో తవ్వకాలు జ‌రుపుతుండ‌గా ఓ సూర్యుడి ఆల‌యం బ‌య‌ట‌ప‌డింది. త‌వ్వ‌కాల్లో బ‌య‌ట‌ప‌డిన ఆ ఆల‌యం సుమారు 4500 ఏళ్ల క్రితం నిర్మించిన ఆల‌యంగా పురావ‌స్తు శాస్త్ర‌వేత్త‌లు పేర్కొన్నారు.
Read: క‌బేళా నుంచి త‌ప్పించుకొని 800 కిమీ ప‌రుగులు తీసిన గోవు… వైర‌ల్‌..
ఫారోహ్ పాల‌నా కాలంలో అప్ప‌టి రాజులు సూర్యునికి ఆరు ఆల‌యాలు నిర్మించారు. కాగా, 1898లో త‌వ్వ‌కాల్లో ఓ ఆల‌యం బ‌య‌ట‌ప‌డ‌గా, తాజాగా రెండో ఆల‌యం బ‌య‌ట‌ప‌డింది. శిధిలావ‌స్థ‌కు చేరిన టెంపుల్ స్టోన్ అనే ఆల‌యంలో తవ్వకాలు జ‌రుపుతుండ‌గా ఈ సూర్యాల‌యం బ‌య‌ట‌ప‌డిన‌ట్టు శాస్త్ర‌వేత్త‌లు పేర్కొన్నారు. ఫారోహ్ రాజులు నిర్మించిన ఇంకా నాలుగు ఆలయాలను గుర్తించాల్సి ఉంద‌ని పురావ‌స్తు నిపుణులు చెబుతున్నారు.