హైదరాబాద్లో ఘోర ప్రమాదం జరిగింది. ఆదివారం రోజు తీవ్ర విషాదం చోటు చేసుకుంది. కొండాపూర్ లోని కొత్తగూడ బ్రిడ్జిపై నుంచి పడి ఇద్దరు యువకులు మృతి చెందారు. బ్రిడ్జి పై డివైడర్ ని ఢీ కొట్టి కింద పడటంతో వారిని ఆస్పత్రికి తరలించారు. అక్కడ వారు చికిత్స పొందుతూ మృతి చెందారు. మృతులు.. ఆంధ్రప్రదేశ్ రాష్ట్రం గుంటూరు జిల్లాకు చెందిన యువకులు సాప్ట్‌వేర్ ఇంజనీర్ రోహిత్, బాల ప్రసన్నగా గుర్తించారు. కాగా.. తెల్లవారుజామున మసీద్ బండ నుంచి హఫిజ్ పేట్ వెళుతుండగా ఈ ప్రమాదం జరిగింది.
Read Also: Ayodhya Rape Case: 12 ఏళ్ల బాలిక కడుపులో 12 వారాల పాప..నిందితుడి ఇంటికి బుల్‌డోజర్‌!
అతివేగంగా, నిర్లక్ష్యంగా బైక్ నడపడటంతో బ్రిడ్జి పైన డివైడర్ ని ఢీకొట్టారు. దీంతో.. బ్రిడ్జి పైనుంచి కింద పడ్డారు. కిందపడిని ఇద్దరి తలలకు తీవ్ర గాయాలు కావడంతో స్థానిక హస్పిటల్ కు తరలించారు. కాగా.. వారు చికిత్స పొందుతూ మృతి చెందారు. ఈ ప్రమాదంపై సంఘటన స్థలానికి చేరుకున్న గచ్చిబౌలి పోలీసులు.. పరిశీలించారు. ఈ సంఘటన తెల్లవారుజామున నాలుగు గంటల సమయంలో జరిగిందని పోలీసులు చెబుతున్నారు. అనంతరం కేసు నమోదు చేసుకుని దర్యాప్తు చేస్తున్నారు. పోస్టుమార్టం నిమిత్తం మృతదేహాలను ఉస్మానియా హాస్పిటల్ కు తరలించారు.
Read Also: Hyderabad: అబిడ్స్లో అగ్నిప్రమాదం..