12 నుంచి రామ్-లింగుసామి సినిమా రెగ్యులర్ షూటింగ్

‘ఉస్తాద్’ రామ్ పోతినేని, లింగుసామి కాంబినేషన్‌లో శ్రీనివాస్ చిట్టూరి తీస్తున్న ద్విభాషా చిత్రం రెగ్యులర్ షూటింగ్ 12 నుంచి ఆరంభం కానుంది. తెలుగు, తమిళ భాషల్లో ఊర మాస్ సినిమాగా శ్రీనివాసా సిల్వర్ స్క్రీన్ బ్యాన‌ర్‌పై తెరకెక్కనుంది. రామ్ తొలి బైలింగ్వల్ సినిమా ఇది. ‘రన్’, ‘ఆవారా’, ‘పందెంకోడి’ వంటి హిట్ సినిమాలతో తెలుగు ప్రేక్షకులకు సుపరిచితమైన లింగుసామి తీస్తున్న మొదటి స్ట్రయిట్ తెలుగు చిత్రమిది. రామ్ సరసన ‘ఉప్పెన’ ఫేమ్ కృతీశెట్టి హీరోయిన్‌గా నటించనుంది. ‘దృశ్యం’, ‘లూసిఫర్’ వంటి బ్లాక్‌బస్టర్ చిత్రాలకు పని చేసిన సినిమాటోగ్రాఫర్ సుజీత్ వాసుదేవ్ ఈ చిత్రానికి పని చేస్తున్నారు. అన్బు- అరివు యాక్షన్ కొరియోగ్రఫీ చేయనున్నారు. సాయిమాధవ్ బుర్రా ఈ చిత్రానికి మాటలు రాస్తున్నారు. ఈ నెల 12 నుంచి ఈ సినిమా రెగ్యులర్ షూటింగ్ ప్రారంభం కానుంది.

ఈ సందర్భంగా నిర్మాత శ్రీనివాస్ చిట్టూరి మాట్లాడుతూ ‘‘లింగుసామి చెప్పిన ప‌వ‌ర్‌ఫుల్ ఊర మాస్ స‌బ్జెక్ట్ మా అంద‌రికీ న‌చ్చి రామ్‌కి వినిపించాం. పుల్ నేరేషన్ విన్న రామ్ చాలా ఎగ్జైట్ అయ్యారు. ఇప్పటికే మ్యూజిక్ సిట్టింగ్స్ స్టార్ట్ అయ్యాయి. రాక్‌స్టార్ దేవిశ్రీ ప్రసాద్ లవ్ సాంగ్ ట్యూన్ కంపోజ్ చేశారు. మా బ్యాన‌ర్‌లో భారీ బ‌డ్జెట్‌తో, హై టెక్నిక‌ల్ వేల్యూస్‌తో తెలుగు, త‌మిళ భాష‌ల్లో ప్రెస్టీజియ‌స్‌గా ఈ మూవీని రూపొందిస్తున్నాం. త్వర‌లో ఇత‌ర న‌టీన‌టులు, సాంకేతిక నిపుణుల వివ‌రాల‌ను ప్రక‌టిస్తాం’’ అన్నారు.