నాని సమర్పణలో ‘మీట్ క్యూట్’ ఆరంభం
వాల్ పోస్టర్ పతాకపై సినిమాలు తీస్తున్న హీరో నాని సోమవారం మరో సినిమాను మొదలెట్టారు. ‘మీట్ క్యూట్’ పేరుతో తెరకెక్కుతున్న ఈ సినిమా ద్వారా దీప్తి గంటా దర్శకురాలుగా పరిచయం అవుతున్నారు. గతంలో ప్రశాంత్ వర్మ, శైలేష్ కొలను వంటి టాలెంటెడ్ దర్శకులు ఈ వాల్ పోస్టర్ బ్యానర్ ద్వారా పరిచయం అయ్యారు. సత్యరాజ్ పై చిత్రీకరించిన ముహూర్తపు సన్నివేశానికి నాని క్లాప్ కొట్టారు. ఫిమేల్ కాస్ట్ ఎక్కువగా ఉండే ఈ సినిమాకి సంబంధించి తారాగణాన్ని అతి త్వరలో ఎంపిక చేయనున్నారు. వసంతకుమార్ కెమేరామేన్ గా వ్యవహరించే ఈ సినిమాకు విజయ్ బల్గానియన్ సంగీతం అందిస్తున్నారు. ఈ సినిమాకు నాని సమర్పకులు కాగా ప్రశాంతి త్రిపురనేని నిర్మాత.