Kajal Aggarwal Reveals her Charecter in Bhagavanth kesari: నందమూరి బాలకృష్ణ హీరోగా సక్సెస్ ఫుల్ డైరెక్టర్ అనిల్ రావిపూడి దర్శకత్వంలో, ప్రముఖ నిర్మాణ సంస్థ షైన్ స్క్రీన్స్ బ్యానర్‌ లో రూపొందుతున్న మోస్ట్ అవైటెడ్ మూవీ ‘భగవంత్ కేసరి’ రిలీజ్ కి ఇంకా కొన్ని గంటలు మాత్రమే మిగిలి ఉన్నాయి. కాజల్ అగర్వాల్ హీరోయిన్ గా నటిస్తున్న ఈ సినిమాలో శ్రీ లీల కీలక పాత్ర పోషిస్తున్నారు. ఇప్పటికే విడుదలైన ఈ సినిమా ప్రమోషనల్ కంటెంట్ మంచి బజ్ ని క్రియేట్ చేశాయి. భగవంత్ కేసరి దసరా కానుకగా అక్టోబర్ 19న విడుదల కానున్న నేపథ్యంలో హీరోయిన్ కాజల్ అగర్వాల్ విలేకరుల సమావేశంలో సినిమా విశేషాలని పంచుకున్నారు. ‘భగవంత్ కేసరి’లో మీరు చేసిన కాత్యాయని పాత్ర ఎలా ఉంటుంది ? అని ఆమె అడిగితే కాత్యాయని ఒక సైకాలజిస్ట్ అని చాలా స్మార్ట్, ఇంటెలిజెంట్, అలాగే నా పాత్ర చాలా సరదాగా ఉంటుంది అని అన్నారు.
Japan: దీపావళికి థియేటర్స్ లోకి ‘జపాన్’
నా పాత్రలో చాలా హ్యుమర్ ఉంటుంది అని ఈ పాత్ర చేస్తున్నప్పుడు చాలా ఎంజాయ్ చేశానని అన్నారు. ‘భగవంత్ కేసరి’ స్త్రీశక్తి, మహిళా సాధికారతని చాటే కథని తెలుస్తుంది, ఇలాంటి కథలో భాగం కావడం ఎలా ఉంది అని అడిగితే ఈ కథని ఎంచుకోవడానికి కారణం ఇదేనని అన్నారు. ‘భగవంత్ కేసరి’ కాన్సప్ట్ నాకు చాలా నచ్చిందని, ఆడపిల్లని ధైర్యంగా పెంచడం, అలాగే మహిళా సాధికారత గురించి మాట్లాడే అవసరం ప్రస్తుత సమాజంలో ఉందని అన్నారు. మన సూపర్ స్టార్స్ ఇలాంటి కథలు చెప్పడానికి ముందుకు రావడం చాలా ఆనందాన్ని ఇస్తుందని పేర్కొన్న ఆమె నా పాత్ర ఎలా వుందో అని కాకుండా ఈ కథ చెప్పాల్సిన అవసరం వుందని చేసిన సినిమా ఇదని అన్నారు. ఇలాంటి మంచి సందేశం ప్రజల్లోకి వెళ్ళాలని, అలాంటి ఓ గొప్ప సినిమాలో భాగం కావడం ఆనందం ఉందని అన్నారు.