Shivam Bhaje: సెన్సార్ పూర్తి చేసుకున్న ‘శివం భజే’ రిలీజ్ ఎప్పుడు అంటే..?

Shivam Bhaje: స్టార్ యాంకర్ ఓంకార్ తమ్ముడు అశ్విన్ బాబు గురించి అందరికి తెలిసిందే. తొలి చిత్రం జీనియస్ అన్నే మూవీతో సినీ ఇండస్ట్రీ లోకి అడుగుపెట్టాడు. కానీ ఆ సినిమా ఆశించిన ఫలితాన్ని ఇవ్వలేదు. అయిన వెనకడుగు వేయకుండా విభిన్న కథలను ఎంచుకుంటూ పలు చిత్రాలలో నటించాడు. ఆ తరువాత ‘రాజు గారి గది’ చిత్రంతో సూపర్ హిట్ కొట్టాడు అశ్విన్. తాజాగా తాను నటించిన లేటెస్ట్ చిత్రం “శివం భజే” అనే మూవీతో అలరించడానికి సిద్ధమయ్యాడు. ఇప్పటికే ఈ మూవీ నుంచి విడుదలైన పోస్టర్స్, ట్రైలర్ సినిమాపై అంచనాలు పెంచింది. గంగా ఎంటర్టైన్మంట్స్ మహేశ్వర్ రెడ్డి మూలి నిర్మాణంలో ఈ చిత్రం తెరకెక్కుతుంది.

Also Read: Raja Saab: Raja Saab: ‘రాజాసాబ్‌’ ఫస్ట్‌ గ్లింప్స్‌ వచ్చేసిందోచ్‌.. రిలీజ్‌ డేట్‌ కూడా ఫిక్స్!

అప్సర్ డైరెక్ట్ చేస్తున్న ఈ మూవీలో బాలీవుడ్ నటుడు అర్బాజ్ ఖాన్, హైపర్ ఆది, సాయి ధీన, మురళీ శర్మ, బ్రహ్మాజీ, తులసి ముఖ్య పాత్రలు పోషిస్తున్నారు. ఇక అశ్విన్ సరసన దిగంగనా సూర్యవంశీ కథానాయికగా నటిస్తుంది. దాదాసాహెబ్ ఫాల్కే ఫిల్మ్ ఫెస్టవల్-24 ‘బెస్ట్ సినిమాటోగ్రఫీ’ అవార్డు గ్రహీత దాశరథి శివేంద్ర ఈ చిత్రంలో అదిరిపోయే విజువల్స్ అందించారు. ఇటీవల షూటింగ్ పూర్తి చేసుకున్నఈ మూవీ తాజాగా సెన్సార్ రివ్యూ కూడా కంప్లీట్ చేసుకుంది. 2 గంటల 6 నిమిషాల నిడివితో నేడు సెన్సార్ పూర్తి చేసుకుని యు/ఎ సర్టిఫికెట్ అందుకుంది. మూవీ పైన మంచి బజ్ రావడంతో ప్రపంచవ్యాప్తంగా ఆగస్టు 1న గ్రాండ్ రిలీజ్ కి సిద్ధం చేస్తున్నారు మేకర్స్.