Love Affair: ఇద్దరి ప్రాణాలు బలితీసుకున్న ప్రేమ..

Love Affair: వాళ్ళిద్దరూ ప్రేమించుకున్నారు. పెళ్లి చేసుకుని ఒకటవుదామనుకున్నారు. కానీ.. విధి వక్రీకరించింది. కుటుంబ సభ్యుల పట్టుదలకు వారిద్దరు తిరిగిరాని లోకాలకు వెళ్లిపోయారు. ఈఘటన జనగామ జిల్లాలో చోటుచేసుకుంది. జనగామ జిల్లా వెంకిర్యాల గ్రామంలో ప్రేమవ్యవహారం ఇద్దరు ప్రాణాలను బలితీసుకుంది. ప్రియురాలు చనిపోయిన ఎనిమిది రోజులకే ప్రియుడు ఆస్పత్రిలో చికిత్స పొందుతూ మృతి చెందడంతో ఇద్దరి కుటుంబాల్లో విషాదఛాయలు అలుముకున్నాయి. పెళ్లికి ఒప్పుకోవడం లేదనే మనస్తాపంతో ప్రియురాలు కావేరి గతేడాది డిసెంబర్ 25న ఆత్మహత్య చేసుకుంది. అయితే.. తన కూతురు మృతికి ప్రియుడు అరవింద్ కారణమంటూ ఇంటి ముందు ప్రియురాలి మృతదేహంతో మృతురాలి తల్లిదండ్రులు ఆందోళనకు చేశారు. తమకు న్యాయం చేయాలని డిమాండ్ చేయడంతో ఉద్రికత్త నెలకొంది. అయితే.. దీన్ని భరించలేక అవమానంతో ప్రియుడు అరవింద్ కూడా అదే నెల 26న పురుగుల మందు తాగి ఆత్మహత్యకు పాల్పడ్డాడు. గమనించిన కుటుంబసభ్యులు అతడి పరిస్థితి విషమంగా ఉండటంతో హైదరాబాద్ లోని ఓ ప్రైవేటు ఆస్పత్రికి తరలించారు. చికిత్స పొందుతున్న అరవింద్‌ నిన్న సాయంత్రం చనిపోయాడు. దీంతో ఇరు కుటుంబాల్లో తీవ్ర విషాదం నెలకొంది. ఇద్దరిని కోల్పోయి కుటుంబ సభ్యులు బోరున ఏడ్చారు.

Read also: CM YS Jagan: టార్గెట్‌ @ 175.. టీడీపీ నియోజకవర్గాలపై సీఎం జగన్‌ స్పెషల్‌ ఫోకస్‌

అయితే.. వెంకిర్యాల గ్రామానికి చెందిన కావేరి, అరవింద్ గత కొన్నేండ్లుగా ప్రేమించుకుంటున్నారు. వారిద్దరూ ఒకరిని విడిచి మరొకరు ఉండలేనంతగా ప్రేమలో మునిగిపోయారు. పెద్దలను ఒప్పింది పెళ్లి చేసుకుని ఒక్కటవుదామని తమ బంగారు భవిష్యత్తు కోసం ఎన్నో కలలు కన్నారు. అయితే.. సీన్ కట్ చేస్తే ప్రియుడు పెళ్లికి నో అని చెప్పాడంతో.. కావేరి మనోవేదనకు గురై ఆత్మహత్య చేసుకుందని ఆమె తల్లిదండ్రులు ఆరోపించారు. దీంతో ప్రియురాలు చనిపోయిన ఎనిమిది రోజులు తర్వాత చికిత్స పొందుతూ అరవింద్ కూడా మృతి చెందాడు. తన కన్నబిడ్డలు చనిపోవడంతో ఇరు కుటుంబాల్లో విషాదం నెలకొంది.
Umran Malik: ఉమ్రాన్ మాలిక్ అరుదైన ఘనత.. బుమ్రా రికార్డ్ బద్దలు