బీజేపీకి డిపాజిట్ రాకుండా చేయాలి : మంత్రి హరీష్ రావు

కరీంనగర్ జిల్లా వీణవంకలో మంత్రి హరీష్ రావు మాట్లాడుతూ… మీ సహకారంతో గెల్లు శ్రీనును.. గెలుపు శ్రీనుగా సీఎం కేసీఆర్ కు బహుమతిగా ఇద్దాం. వీణవంకలో 2-3 రోజుల్లో 24/7 పనిచేసేలా ఆస్పత్రి, పోస్ట్ మార్టం కేంద్రం మంజూరుకు కృషి చేస్తా. బీజేపీ నేతలు జితేందర్ రెడ్డి, వివేక్, సంజయ్ ఇక్కడి వాళ్లా… అసహనంతో ఈటెల ఇష్టం వచ్చినట్లు మాట్లాడుతున్నాడు. బీజేపీ ప్రభుత్వంలో అచ్చేదిన్ కాదు.. సచ్చేదిన్ వచ్చింది అన్నారు. ప్రభుత్వ రంగ సంస్థలను అమ్మడం తప్ప కేంద్రంలోని బీజేపీ ప్రభుత్వం ఏం చేసింది. బీజేపీ అమ్మకానికి.. టీఆర్ఎస్ నమ్మకానికి మరో రూపం. చావు నోట్లో తలపెట్టి ఢిల్లీని కదిలించి తెలంగాణ తెచ్చిన నాయకుడు సీఎం కేసీఆర్. 24 గంటల కరెంటు ఇస్తామంటే కిరణ్ కుమార్ రెడ్డి విమర్శించారు. ఇవాళ రాష్ట్రంలో 24 గంటల విద్యుత్ ఇస్తున్నామ్. కాళేశ్వరం పూర్తవుతదా అన్నారు.. రైతులు వద్దనే రీతిలో నీళ్లు వస్తున్నాయి. నీటి తీరువా రద్దు చేసింది టీఆర్ఎస్ ప్రభుత్వం అని తెలిపారు.

Read Also : దళిత బంధు కోసం మరో 500 కోట్లు విడుదల…

ఇక రైతులకు ఏ కష్టం లేకుండా అన్ని సౌకర్యాలు కల్పిస్తున్నాం. బీజేపీ ప్రభుత్వం వ్యవసాయానికి విద్యుత్ మీటర్లు పెడతామంటోంది. రైళ్లు, రోడ్లు అమ్మితే సామాన్య ప్రజల పరిస్థితి ఏంది. సీఎం కేసీఆర్ రైతు బంధు ఇస్తుంటే.. కేంద్రం ధరలు పెంచుతూ రైతుల నడ్డి విరుస్తోంది. ఈటలకు రైతుల పట్ల ప్రేమ ఉంటే యాసంగి లో ఎన్ని వడ్లు పండినా కొంటామని ఒప్పించాలి. ఈటల తన బాధను ప్రపంచ బాధగా చిత్రీకరిస్తున్నాడు. ప్రజల కష్టం తన కష్టంగా భావించే గొప్ప నేత సీఎం కేసీఆర్ అన్నారు. మేనిఫెస్టోలో పెట్టకున్నా పేదింటి ఆడబిడ్డ పెండ్లికి కల్యాణలక్ష్మీ అందిస్తున్నాము. గెల్లు శ్రీనివాస్ యాదవ్ పనిచేయించగలిగిన నాయకుడు. ఆనాడు ప్రజల కోసం కేసీఆర్ రాజీనామా చేసాడు.. ఈటెల రాజేందర్ ఎందుకు రాజీనామా చేసాడో చెప్పాలి. ప్రజలు బాగుపడలా.. ఈటల బాగుపడలా ఆలోచించండి అని సూచించారు హరీష్ రావు.

హుజురాబాద్ కు మీరు కూడా వెయ్యి కోట్లు తెచ్చి ఓట్లు అడగండి. బీజేపీ చేసిన మంచి పని ఏందో చెప్పాలి. కాంగ్రెస్ కు డిపాజిట్ కూడా రాదు. రైతులను బాగు చేసిన టీఆర్ఎస్ కు ఓటేద్దామా.. రైతు నడ్డి విరిచిన బీజేపీకి ఓటేద్దామా ఆలోచించాలి. పోటీ టీఆర్ఎస్, బీజేపీకి మధ్య జరుతోంది. ఎవరు గెలిస్తే లాభం జరుగుతుందో ఆలోచించాలి. మీ చరిత్రలో నీళ్లు, కరెంటు కోసం బాధ పడే రోజులు ఉండవు. ఈటల గడియారాలు, కుట్టు మిషన్లు, కుంకుమ భరిణలను నమ్ముకుంటే.. టీఆర్ఎస్ చేసిన అభివృద్ధిని నమ్ముకుంది. టీఆర్ఎస్ కష్టాల్లో తోడుగా ఉన్నాం.. ఆపద మొక్కులు మొక్కే వాళ్ళం కాదు. ఏడేళ్లు మంత్రిగా ఉండి చేయని అభివృద్ధి.. ఈటెల ప్రతిపక్ష ఎమ్మెల్యేగా ఉండి చేస్తాడా… గడప గడపకు వెళ్లి చేసిన అభివృద్ధి కార్యక్రమాలు తీసుకెళ్లండి. బీజేపీ నేతలు ఇక్కడ తీర్ధ యాత్రలు కాదు.. ఢిల్లీకి యాత్ర చేయాలి. కేంద్రం 6 లక్షల కోట్లను కుదువు పెట్టే ప్రయత్నం చేస్తోంది. బీజేపీ వ్యవస్థను కూలదొస్తోంది.. కుదువు బెడుతోంది. వ్యవస్థను కూలదోసే వాళ్ళ వైపు ఉందామా.. వ్యవస్థను నిలబెట్టే వాళ్ళ వైపు ఉందామా… గెల్లు శ్రీనివాస్ యాదవ్ గెలుపు విషయంలో ఎలాంటి సందేహం లేదు. హుజురాబాద్ టీఆర్ఎస్ గడ్డ. ఈటల రాక ముందు ఈ గడ్డపై గులాబీ జెండా ఎగిరింది.. ఎప్పుడు కూడా ఎగురుతుంది. బీజేపీకి డిపాజిట్ రాకుండా చేయాలి అన్నారు. బీజేపీ ఏం చెప్పి హుజురాబాద్ ప్రజలను ఓటు అడుగుతది. హుజురాబాద్ కు బీజేపీ ఏం చేసింది. బండి సంజయ్ వీణవంకలోని ఏ గ్రామలోనైనా 10 లక్షలైనా ఖర్చు చేశాడా… దత్తత తీసుకున్న రామకృష్ణపూర్ కు బండి సంజయ్ రూపాయి పని చేయలేదు. ఢిల్లీ బీజేపీ వాళ్ళు వచ్చినా ఏం చేయలేరు అని పేర్కొన్నారు మంత్రి హరీష్ రావు.