SR Nagar Mobile Shop: అరే ఏంట్రా ఇది.. మొబైల్ షాపులో పొట్టు పొట్టు కొట్టుకున్నయువకులు..!

SR Nagar Mobile Shop: ఓ మొబైల్ రిపేర్ షాపులో కొందరు యువకులు వార్ జోన్ సృష్టించారు. దుకాణం సిబ్బందిపై విచక్షణా రహితంగా దాడి చేశారు. దీంతో షాపు సిబ్బంది యువతతో కలిసి ప్రతిఘటించినా ఫలితం లేకుండా పోయింది. దీంతో ఇరు వర్గాల మధ్య తీవ్ర వాగ్వాదం చోటుచేసుకుంది. తమకు లభించిన వస్తువులను ఒకరిపై ఒకరు విసురుకున్నారు. దీనికి సంబంధించిన వీడియో సోషల్ మీడియాలో వైరల్ అవుతుంది. ఈ ఘటన హైదరాబాద్‌లోని ఎస్‌ఆర్‌నగర్‌ సమీపంలో చోటుచేసుకుంది.

Read also: CMRF Applications: జులై 15 తర్వాత సీఎంఆర్ఎఫ్ ధరఖాస్తులు.. ఆన్ లైన్ ద్వారా మాత్రమే స్వీకరణ..

హైదరాబాద్ లోని ఎస్ ఆర్ నగర్ సమీపంలో మొబైల్ రిపేర్ షాప్ ఉంది. కూకట్ పల్లికి చెందిన అఖిల్ అనే వ్యక్తి మొబైల్ రిపేర్ షాపు నిర్వాహకుడితో గొడవ పడ్డాడు. పాత బకాయిలు అడగడంతో ఆగ్రహించిన అఖిల్ మొబైల్ షాపు యజమానితో వాగ్వాదానికి దిగాడు. దీంతో ఇరువురి మధ్య వాగ్వాదం పెరగడంతో అఖిల్ తన అనుచరులతో కలిసి షాపు మేనేజర్, సిబ్బందిపై దాడికి పాల్పడ్డాడు. వారిపై విచక్షణారహితంగా దాడి చేసి దుకాణంలో ఉన్న వస్తువులను ధ్వంసం చేశారు. అతని అనుచరులను అడ్డుకునేందుకు షాపు మేనేజర్ అఖిల్, సిబ్బంది ప్రయత్నించినా ఫలితం లేకపోయింది.

Read also: BRS MLA Kaushik Reddy: హుజురాబాద్ ఎమ్మెల్యే పాడి కౌశిక్ రెడ్డి పై క్రిమినల్ కేసు..

ఇరువర్గాల మధ్య వాగ్వాదం తారాస్థాయికి చేరింది. ఇది గమనించిన స్థానికులు ఎస్‌ఆర్‌నగర్‌ పోలీసులకు సమాచారం అందించారు. దీంతో పోలీసులు సంఘటనా స్థలానికి చేరుకుని షాపు నిర్వాహకుడిపై దాడి చేసిన అఖిల్ సహా ఏడుగురిని అదుపులోకి తీసుకున్నారు. కేసు నమోదు చేసి రిమాండ్‌కు తరలించారు. దుకాణంపై దాడికి సంబంధించిన దృశ్యాలు సీసీటీవీ ఫుటేజీల్లో రికార్డు కావడంతో వాటి ఆధారంగా నిందితులపై పోలీసులు చర్యలు తీసుకున్నారు. పాత బకాయిలు అడగడంతోనే అఖిల్ దాడి చేసినట్లు వెల్లడించారు.

Heavy Rains: తెలుగు రాష్ట్రాలకు రెయిన్ అలర్ట్.. ఐదు రోజుల పాటు మోస్తరు వర్షాలు..