Harish Rao : ఇది కాలం తెచ్చిన కరువు కాదు.. కాంగ్రెస్ తెచ్చిన కృత్రిమ కరువు
- 12 లక్షల ఎకరాల్లో పంట నష్టం
- కాంగ్రెస్పై హరీష్ రావు ఫైర్
- మల్లన్న సాగర్ నీళ్లపై విమర్శలు
- కరువు మండలాల ప్రకటనకు డిమాండ్
- Follow Us :
-
-
Add as a preferred
source on google
కాంగ్రెస్ ప్రభుత్వ నిర్లక్ష్యం, ఘోర వైఫల్యం వల్లే తెలంగాణ రాష్ట్రంలో నేడు లక్షలాది ఎకరాల్లో పంటలు ఎండిపోయి రైతాంగం తీవ్ర అల్లాడుతోందని మాజీ మంత్రి, బిఆర్ఎస్ సీనియర్ నాయకులు హరీష్ రావు తీవ్రస్థాయిలో ధ్వజమెత్తారు. సిద్దిపేటలో ఏర్పాటు చేసిన విలేకరుల సమావేశంలో ఆయన మాట్లాడుతూ.. రాష్ట్రంలో నెలకొన్న పరిస్థితులపై స్పందించారు. ఇది ప్రకృతో, కాలమో తెచ్చిన కరువు కాదని, కేవలం రేవంత్ రెడ్డి మార్క్ నిర్వహణా లోపం వల్ల సంభవించిన “కాంగ్రెస్ కృత్రిమ కరువు” అని దుయ్యబట్టారు.
ముందస్తు హెచ్చరికలు పట్టించుకోక మొద్దునిద్ర..
పది నెలల ముందే ఎల్ నినో (El Niño) ప్రభావంతో నీటి, విద్యుత్ ఇబ్బందులు ఎదురవుతాయని శాస్త్రవేత్తలు, నిపుణులు స్పష్టంగా హెచ్చరించినప్పటికీ ఈ ప్రభుత్వం కనీసం పట్టించుకోకుండా మొద్దునిద్ర పోయిందని హరీష్ రావు విమర్శించారు. సకాలంలో రివ్యూలు నిర్వహించకపోవడం వల్లే నేడు సాగు, తాగునీటికి పలు జిల్లాల్లో ప్రజలు, రైతులు విలవిలలాడుతున్నారని ఆవేదన వ్యక్తం చేశారు. రైతులు వేసిన పంటలకు పెట్టిన పెట్టుబడి కూడా తిరిగి వచ్చే పరిస్థితి లేకుండా పోయిందన్నారు. పొలాల్లో కరెంట్ కోతలతో పంటలను కాపాడుకునేందుకు రైతులు మళ్లీ జనరేటర్లు, ఇన్వెర్టర్లు తేవాల్సిన దుస్థితి వచ్చిందని, కేసీఆర్ హయాంలో మాయమైన ఆ పాత రోజులను రేవంత్ ప్రభుత్వం మళ్లీ తిరిగితెచ్చిందని ఎద్దేవా చేశారు.
Also Read
- Warangal Fake Doctors : పెద్ద ఆసుపత్రుల్లో బిల్లుల బాదుడు.. చిన్న క్లినిక్లలో నకిలీ వైద్యులు.!
- Pensions: తెలంగాణలో కొత్త పెన్షన్లు.. 4.63 లక్షల మందికి మంజూరు.. కేటగిరీల వారీగా ఇలా..
- Big Rain Alert: అక్వాన్ తుఫాన్ ఎఫెక్ట్.. తెలంగాణలోని ఈ జిల్లాల్లో భారీ వర్ష సూచన..
- CM Delhi Tour: ఢిల్లీ చేరుకున్న సీఎం రేవంత్ రెడ్డి.. ప్రధాని మోదీతో కీలక భేటీ..!
తప్పులు కప్పిపుచ్చుకోవడానికి అధికారులపై బెదిరింపులు
రాష్ట్రవ్యాప్తంగా దాదాపు 12 లక్షల ఎకరాల్లో పంటలు ఎండిపోతుంటే, రైతులు రోడ్లెక్కి సబ్స్టేషన్లను ముట్టడిస్తున్న తరుణంలో సీఎం రేవంత్ రెడ్డి బీద అరుపులు అరుస్తున్నారని హరీష్ రావు మండిపడ్డారు. “తన సొంత తప్పిదాలను, వైఫల్యాలను కప్పిపుచ్చుకోవడానికి అధికారులపై చిందులు వేస్తూ, వారిని బెదిరిస్తున్నారు. అసలు సస్పెండ్ చేయాల్సింది అమాయక అధికారులను కాదు.. సీఎంను, విఫలమైన విద్యుత్ శాఖ మంత్రిని!” అని ఘాటుగా వ్యాఖ్యానించారు. మహారాష్ట్ర, ఆంధ్రప్రదేశ్ వంటి పొరుగు రాష్ట్రాలు ఇప్పటికే కరువు మండలాలను ప్రకటించి రైతులకు ఎకరానికి పరిహారం అందిస్తుంటే.. ఇక్కడ రేవంత్ ప్రభుత్వం మాత్రం చేష్టలు ఉడుగి చూస్తోందని విమర్శించారు.
రాజకీయ కక్షతోనే మల్లన్న సాగర్, కాళేశ్వరం నీళ్లు బంద్
కేసీఆర్కు ఎక్కడ మంచి పేరు వస్తుందోననే రాజకీయ కక్షతోనే రేవంత్ రెడ్డి మల్లన్న సాగర్ను నింపలేదని హరీష్ రావు సంచలన ఆరోపణ చేశారు. నేషనల్ డ్యామ్ సేఫ్టీ అథారిటీ (NDSA) కన్నెపల్లి వద్ద మోటార్లు ఆన్ చేయవచ్చని స్పష్టం చేసినప్పటికీ ప్రభుత్వం నిమ్మకు నీరెత్తినట్లు వ్యవహరించిందని ఆరోపించారు. మల్లన్న సాగర్కు నీళ్లు ఎత్తిపోసి ఉంటే సిద్దిపేట, మెదక్ జిల్లాల్లో వేలాది ఎకరాలకు సాగునీరు అందేదని, నీళ్లున్నా ఎత్తలేని చేతకానితనంతో ప్రభుత్వం కృత్రిమ కరువును సృష్టించిందని మండిపడ్డారు.
ఇప్పటికైనా కనీసం రాబోయే 20 రోజులైనా రైతాంగానికి నిరంతర, సరైన విద్యుత్ ఇస్తే ఊపిరి పీల్చుకుంటున్న మిగిలిన పంటలైనా పండుతాయని హరీష్ రావు సూచించారు. తక్షణమే రాష్ట్రవ్యాప్తంగా కరువు మండలాలను ప్రకటించి, ఎండిపోయిన పంటలకు నష్టపరిహారం చెల్లించాలని బిఆర్ఎస్ పార్టీ తరఫున ఆయన ప్రభుత్వాన్ని గట్టిగా డిమాండ్ చేశారు.
తాజావార్తలు
-
OTR: కోనసీమ ZP పీఠంపై ఉత్కంఠ.. ఇద్దరు మహిళా నేతల మధ్య నువ్వా నేనా..?
-
OTR: కూటమి నేతలకు కొత్త టెన్షన్.. ఎందుకంటే..?
-
Sai Pallavi: ప్లీజ్ అలా చేయొద్దు.. ధనుష్కు సాయి పల్లవి ఎమోషనల్ రిక్వెస్ట్!
-
OTR: విజయనగరం ZP పీఠం కోసం ముగ్గురి పోటీ.. చంద్రబాబు మనసులో ఎవరున్నారు..?
-
Shreyas Iyer: సంతోషం మాటల్లో చెప్పలేకపోతున్నా.. క్రెడిట్ అంతా వారిదే: శ్రేయస్ అయ్యర్
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!