Harish Rao : కరువు ముందే తెలుసు కదా.. నీళ్లెందుకు నిల్వ చేయలేదు.?
- కరువు నివారణ చర్యలపై శ్వేతపత్రం డిమాండ్
- నీళ్లు, కరెంట్పై ప్రభుత్వాన్ని నిలదీత
- కేసీఆర్ పాలనను ప్రస్తావించిన హరీశ్ రావు
- రైతులకు పరిహారం ఇవ్వాలని డిమాండ్
- Follow Us :
-
-
Add as a preferred
source on google
తెలంగాణలో తలెత్తిన కరువు పరిస్థితులు , విద్యుత్ సంక్షోభంపై ముఖ్యమంత్రి రేవంత్ రెడ్డి చేస్తున్న వ్యాఖ్యలపై బీఆర్ఎస్ నేత, మాజీ మంత్రి హరీశ్ రావు తీవ్ర స్థాయిలో మండిపడ్డారు. అసమర్థుడికి అధికారం అప్పగిస్తే ఇల్లు పీకి పందిరి వేసినట్టుగా రేవంత్ పాలన సాగుతోందని ఎద్దేవా చేశారు. కరువు రాగానే ప్రభుత్వం చేతులెత్తేసిందని, ప్రజలకు భరోసా ఇవ్వాల్సింది పోయి భయభ్రాంతులకు గురిచేస్తున్నారని ఆరోపించారు. రెంకెలు వేసినంత మాత్రాన నిజాలు అబద్ధాలు కాదని, ఇది ప్రకృతి తెచ్చిన కరువు కాదని, ముమ్మాటికీ కాంగ్రెస్ చేతగానితనం వల్ల వచ్చిన కరువేనని హరీశ్ రావు స్పష్టం చేశారు.
కరువు నివారణలో ప్రభుత్వం విఫలం.. ముందస్తు చర్యలేవి?
ఎల్నినో ప్రభావం గురించి ఆరు నెలలుగా చెబుతున్నామని అంటున్న ప్రభుత్వం, ఆ కాలంలో కరువు నివారణకు తీసుకున్న ముందస్తు చర్యలు ఏమిటో శ్వేతపత్రం విడుదల చేయాలని హరీశ్ రావు డిమాండ్ చేశారు. కరువు వస్తుందని ముందే తెలిసినప్పుడు గోదావరి, కృష్ణా నదుల నుంచి నీళ్లను ఎందుకు ఎత్తిపోలేదని, ప్రాజెక్టుల్లో నీటి నిల్వలు ఎందుకు పెంచుకోలేదని నిలదీశారు. పక్కనే ఉన్న ఆంధ్రప్రదేశ్లో లేని కరువు తెలంగాణలోనే ఎందుకు కనిపిస్తోందని, రిజర్వాయర్లు ఎందుకు వెలవెలబోతున్నాయని ప్రశ్నించారు. కరువు పేరుతో వ్యవసాయానికి నీళ్లు ఇవ్వలేమని ముందే చేతులెత్తేయడం పాలనా దక్షత కాదని, రైతులను సంక్షోభంలోకి నెట్టడమేనని ఆగ్రహం వ్యక్తం చేశారు. 20 వేల మెగావాట్ల విద్యుత్ వినియోగాన్ని గొప్పగా చెప్పుకుంటున్న ప్రభుత్వం, కరెంట్ కోతలతో ఎండుతున్న పంటలు , ట్యాంకర్లతో నీళ్లు పోసుకుంటున్న రైతుల గోస ఎందుకు పట్టించుకోవడం లేదని మండిపడ్డారు.
Also Read
- Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
- Fire Accident: చర్లపల్లి రైల్వే స్టేషన్లో అగ్నిప్రమాదం.. తగలబడిన బోగీలు..
- Dating App Crime: డేటింగ్ యాప్ వేదికగా వల.. ఇళ్లకు వెళ్లి మత్తు ఇచ్చి దోపిడీలు..
- Koti Deepotsavam 2026: అంగరంగ వైభవంగా కోటి దీపోత్సవం.. మూడో రోజు విశేష కార్యక్రమాలు ఇవే..!
కేసీఆర్ పాలనపై ప్రశంసలు.. కరోనా కష్టకాలం గుర్తింపు
ముఖ్యమంత్రి రేవంత్ రెడ్డి తనపై, కేసీఆర్ పై వ్యక్తిగత దూషణలు మాని ప్రజలకు నీళ్లు, కరెంట్ అందించడంపై దృష్టి పెట్టాలని హరీశ్ రావు హితవు పలకారు. ఒకవేళ ఇప్పుడు కేసీఆర్ కనుక సీఎంగా ఉంటే వచ్చిన నీటిని వచ్చినట్టుగా ఒడిసిపట్టి తెలంగాణకు కరువు రాకుండా చూసేవారని, ముందస్తు చర్యలతో కరెంట్ కోతలను నివారించేవారని తెలిపారు. కరోనా విపత్కర సమయంలో కేసీఆర్ తీసుకున్న చర్యలను ప్రపంచమంతా కొనియాడిందని, వ్యాక్సిన్ అందజేయడంతో పాటు వలస కూలీలను కూడా కాపాడి ప్రజలకు పూర్తి భరోసా ఇచ్చారని గుర్తుచేశారు. ఆనాటి పరిస్థితులను వక్రీకరించి రేవంత్ దగుల్బాజీ మాటలు మాట్లాడుతున్నారని విమర్శించారు.
ప్రభుత్వానికి హరీశ్ రావు కీలక డిమాండ్లు
రాష్ట్రంలోని ప్రాజెక్టుల వారీగా నీటి నిల్వలు, తాగునీటి అవసరాలు, సాగునీటి పరిస్థితి , కరువు నివారణకు కేటాయించిన నిధులపై ప్రభుత్వం వెంటనే శ్వేతపత్రం విడుదల చేయాలని హరీశ్ రావు డిమాండ్ చేశారు. ప్రచార ఆర్భాటాలను పక్కనబెట్టి కరువును ఎదుర్కొనే సమగ్ర కార్యాచరణను ప్రకటించాలని కోరారు. రైతులందరికీ సాగునీరు, ప్రజలకు తాగునీరు, మూగజీవాలకు పశుగ్రాసం, కూలీలకు ఉపాధి కల్పించాలని, నష్టపోయిన రైతులకు తక్షణ పరిహారం అందించాలని స్పష్టం చేశారు. రైతులకు రైతు బీమా, పంటల బీమా పథకాలను వెంటనే అమలు చేయాలని డిమాండ్ చేశారు.
తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!