Dead Body: దుబాయ్ నుంచి రాజక్కపేటకు డెడ్ బాడీ

బతుకు తెరువు కోసం విదేశాలకు వెళ్లినవారు అక్కడ దురదృష్టవశాత్తూ మరణిస్తే ఆ కుటుంబాల పరిస్థితి అగమ్యగోచరంగా మారుతుంది. సిద్దిపేట జిల్లా దుబ్బాక మండలం రాజక్క పేట గ్రామానికి చెందిన మధు అనే యువకుడు బతుకుదెరువు కోసం సౌదీ అరేబియాకు వెళ్లి రోడ్డు ప్రమాదానికి గురై మృత్యువాత పడ్డాడు. 24 రోజుల క్రితం సౌదీ అరేబియాలో మృతి చెందడంతో కుటుంబ సభ్యులు మృతదేహాన్ని స్వగ్రామానికి తెప్పించాలని కేంద్ర రాష్ట్ర ప్రభుత్వాలకు విన్నవించారు.

స్పందించిన కేంద్ర రాష్ట్ర ప్రభుత్వాలు మధు మృతదేహాన్ని గ్రామానికి తీసుకురావడంతో గ్రామస్తులు కుటుంబ సభ్యులు కన్నీటి పర్యంతమయ్యారు. బతుకుదెరువు కోసం సౌదీ అరేబియా వెళ్లి విగతజీవిగా మధు తిరిగి రావడం బాధాకరమన్నారు. మధు మృతదేహాన్ని చూసి కుటుంబ సభ్యులు ఒక్కసారిగా భోరున విలపించారు. మధు మృతదేహం కోసం 24 రోజులుగా ఎదురు చూడాల్సిన పరిస్థితి నెలకొందని వారంతా వాపోయారు. బతుకుదెరువు కోసం సౌదీ అరేబియా వెళ్లి మృతి చెందిన మధు కుటుంబాన్ని ప్రభుత్వం ఆదుకోవాలని గ్రామస్తులు కోరారు. మధు మృతదేహానికి గ్రామస్తులు నివాళులు అర్పించారు. అధైర్య పడవద్దని బాధిత కుటుంబాన్ని ఓదార్చారు.మధుకు భార్య. కూతురు. కుమారుడు ఉన్నారు.

Vijayawada Crime: డబ్బు తిరిగి ఇవ్వమన్న కారు వాష్ యజమానిపై దాడి