Chennur: చెన్నూర్‌లో భారీ ఆధిక్యం దిశగా వివేక్.. వెనుకంజలో బాల్క సుమన్..

Chennur: రాష్ట్రంలో ఎంతో ఆసక్తి రేపిన చెన్నూర్ నియోజవర్గంలో కాంగ్రెస్ విజయం దిశగా దూసుకుపోతోంది. సిట్టింగ్ ఎమ్మెల్యే, ప్రభుత్వ విప్ బాల్క సుమన్ వెనుకంజలో ఉన్నారు. ఈ స్థానం నుంచి కాంగ్రెస్ తరుపున పోటీ చేస్తున్న వివేక్ వెంటకస్వామి భారీ ఆధిక్యతను కనబరుస్తున్నారు. కనుచూపు మేరలో కూడా బాల్క సుమన్ కనిపించడం లేదు. కౌంటింగ్ ప్రారంభమైన తొలి 5 రౌండ్లలోనే వివేక్‌కి 26,122 ఓట్లు రాగా.. బాల్క సుమన్‌కి కేవలం 14,083 ఓట్లు వచ్చాయి. తొలి 5 రౌండ్లలోనే కాంగ్రెస్ అభ్యర్థి వివేక్ 12039 ఓట్ల ఆధిక్యంలో ఉన్నారు. కాంగ్రెస్ శ్రేణులు వివేక్ విజయం ఖరారైందని ఆనందం వ్యక్తం చేస్తున్నాయి.