Aroori Ramesh: పిచ్చిగా మాట్లాడితే దళిత వర్గాలు ఊరుకోరు.. కడియంపై ఆరూరి కీలక వ్యాఖ్యలు

Aroori Ramesh: పిచ్చి పిచ్చిగా మాట్లాడితే దళిత వర్గాలు చూస్తూ ఊరుకోదని, తగిన బుద్ధి చెబుతామని హెచ్చరిస్తున్నా అని బీజేపీ వరంగల్ ఎంపీ అభ్యర్థి అరూరి రమేష్ సంచలన వ్యాఖ్యలు చేశారు. జనగామ జిల్లాలో బీజేపీ వరంగల్ ఎంపీ అభ్యర్థి అరూరి రమేష్ పై కడియం శ్రీహరి చేసిన వ్యాఖ్యలపై ఆరూరి స్పందించారు. వరంగల్ బీజేపీ ఎంపీ అభ్యర్థి ఆరూరి రమేష్ మాట్లాడుతూ.. కడియం శ్రీహరి ఈ మధ్య ఆగం ఆగం చేస్తున్నారని తెలిపారు, ఏం మాట్లాడుతుండో అర్థం కావడం లేదన్నారు. నేను వ్యాపారవేత్తగా రాజకీయాల్లోకి వచ్చి నలుగురికి సహాయం చేశా అన్నారు. కడియం నువ్వు ఏం చేశావని నీకు సంపాదన ఎక్కడిది అన్నారు. కబ్జాలు చేసింది మేము కాదు,కబ్జాలు చేసింది నువ్వు అంటూ ధ్వజమెత్తారు.

Read also: Naveen Patnaik: హింజిలి అసెంబ్లీ స్థానానికి సీఎం నామినేషన్ దాఖలు

టీడీపీలో, బీఆర్ఎస్ లో మా దళితుల ఎమ్మెల్యే సీట్లను కబ్జా చేసింది నువ్వు అంటూ కీలక వ్యాఖ్యలు చేశారు. ఇప్పుడు వరంగల్ పార్లమెంట్ లో మా దళితులకు రావాల్సిన సీటు కబ్జా చేసింది నువ్వన్నారు. మా రాజకీయ భవిష్యత్తును దెబ్బకొట్టి, నీ బిడ్డను ఎంపీ చేయాలనే ప్రయత్నం చేస్తున్నావ్ అని కీలక వ్యాఖ్యలు చేశారు. నేను వ్యాపారాలు చేసి రాజకీయాలు చేస్తున్న అని బల్లగుద్ది చెప్తున్న అని తెలిపారు. ఏం వ్యాపారాలు చేసావని ధర్మసాగర్ లో భూములు, అద్దాల భవనం,హైదరాబాదులో విల్లాలు, బెంగళూరులో ఆస్తులు ఎక్కడివి? అని ప్రశ్నించారు. పిచ్చి పిచ్చిగా మాట్లాడితే దళిత వర్గాలు చూస్తూ ఊరుకోదని,తగిన బుద్ధి చెబుతామని హెచ్చరించారు.
Uttarpradesh : విడాకులు తీసుకున్న కూతురిని బ్యాండ్ భాజాలతో ఇంటికి తెచ్చుకున్న తండ్రి