అల్ట్రా స్లిమ్ డిజైన్, 200MP కెమెరా, 5000mAh బ్యాటరీతో ఫోల్డబుల్ ఫ్లాగ్‌షిప్ Samsung Galaxy Z Fold8 Ultra లాంచ్.!

Samsung Galaxy Z Fold8 Ultra: శాంసంగ్ ఫోల్డబుల్ స్మార్ట్‌ఫోన్ సిరీస్‌లో భాగంగా గెలాక్సీ Z ఫోల్డ్8 అల్ట్రా (Galaxy Z Fold8 Ultra)ను లాంచ్ చేసింది. ఏడేళ్లుగా ఫోల్డబుల్ స్మార్ట్‌ఫోన్‌ల మార్కెట్ లో ఉన్నా, తొలిసారిగా అల్ట్రా (Ultra) బ్రాండింగ్‌ను ఫోల్డబుల్ విభాగంలోకి తీసుకొచ్చింది.

అల్ట్రా స్లిమ్ డిజైన్: 

Galaxy Z Fold8 Ultraను విప్పితే కేవలం 4.1mm మందం మాత్రమే ఉండి.. బరువు 215 గ్రా. ఉంది. ఇందులో 8 అంగుళాల QXGA+ Dynamic AMOLED 2X మెయిన్ డిస్‌ప్లే, 120Hz అడాప్టివ్ రిఫ్రెష్ రేట్, HDR10+ సపోర్ట్, గరిష్టంగా 3,000 నిట్స్ బ్రైట్‌నెస్ ఉన్నాయి. బయట భాగంలో 6.5 అంగుళాల FHD+ AMOLED కవర్ డిస్‌ప్లేను అందించారు.

అత్యుత్తమ పనితీరు:

ఈ ఫోల్డబుల్ ఫోన్‌కు Qualcomm Snapdragon 8 Elite Gen 5 (3nm) చిప్‌సెట్ శక్తినిస్తుంది. గ్రాఫిక్స్ కోసం Adreno 840 GPU ఉంది. ఫోన్ 12GB/16GB RAM, 256GB, 512GB, 1TB స్టోరేజ్ వేరియంట్లలో లభిస్తుంది.ఆండ్రాయిడ్ 17 ఆధారిత One UI 9పై పనిచేస్తుంది.

8K వీడియో రికార్డింగ్:

ఫోటోగ్రఫీ కోసం ఈ స్మార్ట్ ఫోన్లో ట్రిపుల్ రియర్ కెమెరా సెటప్‌ను అందించారు. ఇందులో 200MP మెయిన్ కెమెరా (OIS), 50MP అల్ట్రా వైడ్ కెమెరా, 10MP టెలిఫోటో కెమెరా (3x ఆప్టికల్ జూమ్, 30x స్పేస్ జూమ్), సెల్ఫీలు, వీడియో కాల్స్ కోసం.. లోపల, బయట 10MP ఫ్రంట్ కెమెరాలు ఉన్నాయి. ఈ ఫోన్‌లో నైటోగ్రఫీ, 8K వీడియో రికార్డింగ్, Cine LUT కలర్ గ్రేడింగ్ వంటి అధునాతన వీడియో ఫీచర్లు కూడా ఉన్నాయి.

AI ఫీచర్స్:

One UI 9తో వచ్చిన Galaxy Z Fold8 Ultraలో శాంసంగ్ పలు AI ఫీచర్లను అందించింది. Now Nudge ఫీచర్ స్క్రీన్‌పై జరుగుతున్న సంభాషణలను విశ్లేషించి, క్యాలెండర్ ఈవెంట్లు, లొకేషన్‌లు లాంటి చర్యలను సూచిస్తుంది. ఇంకా Gemini Notebook ద్వారా నోట్స్, ఫైల్స్, ఆడియో రికార్డింగ్స్, ఫోటోలను ఒకే వర్క్‌స్పేస్‌లో నిర్వహించవచ్చు. AI సహాయంతో మీటింగ్ సమ్మరీలు, ఆడియో ఓవర్వ్యూలు, ఇన్ఫోగ్రాఫిక్స్‌ను కూడా రూపొందించవచ్చు.

5,000mAh బ్యాటరీ:

Galaxy Z Fold8 Ultraలో 5,000mAh బ్యాటరీను అందించారు. ఇది 45W వైర్డ్ ఫాస్ట్ ఛార్జింగ్, 20W వైర్‌లెస్ ఛార్జింగ్ కు మద్దతు ఇస్తుంది. పెద్ద బ్యాటరీ ఉన్నప్పటికీ ఫోన్ స్లిమ్ డిజైన్‌ను అందించారు. గ్రాఫైట్ కూలింగ్ సిస్టమ్‌ను ఉండడం ద్వారా హీట్ మేనేజ్‌మెంట్‌ను కూడా మెరుగుపరిచారు.

ధరలు:

భారత్‌లో Galaxy Z Fold8 Ultra మూడు వేరియంట్లలో అందుబాటులోకి రానుంది. ఈ ఫోన్‌కు ప్రస్తుతం భారత్‌తో పాటు ఎంపిక చేసిన మార్కెట్లలో ప్రీ-ఆర్డర్లు ప్రారంభమయ్యాయి. అమ్మకాలు ఆగస్టు 8 నుంచి ప్రారంభం కానున్నాయి.

* 12GB + 256GB – రూ.1,99,999
* 12GB + 512GB – రూ.2,19,999
* 16GB + 1TB – రూ.2,59,999

ప్రీ-ఆర్డర్ చేసే వినియోగదారులకు రూ.10,000 అప్‌గ్రేడ్ బోనస్ లేదా రూ.9,000 బ్యాంక్/UPI క్యాష్‌బ్యాక్ అందిస్తున్నారు. అలాగే 30 నెలల వరకు నో-కాస్ట్ EMI (జీరో డౌన్ పేమెంట్) లేదా 9 నెలల జీరో డౌన్ పేమెంట్ EMI ఆప్షన్లు కూడా అందుబాటులో ఉన్నాయి.