రూ. 19,499లకే 50MP సోనీ కెమెరా, 6500mAh బ్యాటరీ, 120Hz డిస్‌ప్లేతో iQOO Z11 Lite 5G లాంచ్..!

iQOO Z11 Lite 5G Launched: ఐక్యూ (iQOO) భారత మార్కెట్లో iQOO Z11 Lite 5G స్మార్ట్‌ఫోన్‌ను అధికారికంగా లాంచ్ చేసింది. బడ్జెట్ 5G సెగ్మెంట్‌ను లక్ష్యంగా తీసుకొచ్చిన ఈ ఫోన్‌లో 120Hz రిఫ్రెష్ రేట్ డిస్‌ప్లే, MediaTek Dimensity 6300 ప్రాసెసర్, 50MP సోనీ కెమెరా, 6500mAh బ్యాటరీ వంటి ఫీచర్లను అందించింది. వీటితోపాటు AI ఫీచర్లు, మిలిటరీ-గ్రేడ్ డ్యూరబిలిటీ వంటి ఫీచర్స్ కూడా ఇందులో ఉన్నాయి.

డిస్‌ప్లే & చిప్‌సెట్:

iQOO Z11 లైట్ లో 6.74 అంగుళాల HD+ LCD డిస్‌ప్లేను అందించారు. ఈ స్క్రీన్ 120Hz రిఫ్రెష్ రేట్, 1200 నిట్స్ HBM బ్రైట్‌నెస్ తో వస్తుంది. దీంతో ఎండలో కూడా స్క్రీన్ స్పష్టంగా కనిపించే అవకాశం ఉంటుంది. ఈ ఫోన్‌కు MediaTek Dimensity 6300 (6nm) ఆక్టా-కోర్ ప్రాసెసర్ శక్తినిస్తుంది. గ్రాఫిక్స్ కోసం Mali-G57 MC2 GPUను అందించారు. 4GB, 6GB LPDDR4X ర్యామ్ ఆప్షన్లతో పాటు 128GB, 256GB స్టోరేజ్ వేరియంట్లు ఉన్నాయి. అవసరమైతే మైక్రోSD కార్డ్ ద్వారా 1TB వరకు స్టోరేజ్‌ను పెంచుకోవచ్చు. ఈ ఫోన్ ఆండ్రాయిడ్ 16 ఆధారిత OriginOS 6పై పనిచేస్తుంది. 6GB RAM వేరియంట్‌కు 2 సంవత్సరాల OS అప్‌డేట్లు, 4 సంవత్సరాల సెక్యూరిటీ అప్‌డేట్లు అందించనున్నట్లు కంపెనీ తెలిపింది.

AI ఫీచర్స్:

ఈ కొత్త స్మార్ట్ ఫోన్లో Non-Stop Intelligence పేరుతో అనేక AI ఫీచర్లను అందించింది. AI క్రియేషన్ ద్వారా కంటెంట్ రాయడం, టెక్స్ట్ సమరీలు రూపొందించడం వంటి పనులు చేయవచ్చు. AI క్యాప్షన్స్ సహాయంతో ఆడియో లేదా వీడియోలను రికార్డ్ చేసి వెంటనే టెక్స్ట్ రూపంలో సారాంశాన్ని పొందే అవకాశం ఉంటుంది. ఈ AI ఫీచర్లు రోజువారీ పనులను మరింత సులభతరం చేస్తాయని కంపెనీ చెబుతోంది.

50MP సోనీ కెమెరా & బ్యాటరీ:

ఫోటోగ్రఫీ కోసం ఈ ఫోన్‌లో 50MP సోనీ IMX852/LYT505C ప్రైమరీ కెమెరాను అందించారు. దీనికి 0.08MP సెకండరీ సెన్సార్ తోడుగా ఉంటుంది. అలాగే సెల్ఫీలు, వీడియో కాల్స్ కోసం ముందు భాగంలో 5MP ఫ్రంట్ కెమెరాను ఏర్పాటు చేశారు. ఇక ఇందులో 6500mAh భారీ బ్యాటరీను అందించారు. దీనికి 44W ఫాస్ట్ ఛార్జింగ్ కు మద్దతు ఇస్తుంది. కంపెనీ తెలిపిన వివరాల ప్రకారం.. కేవలం 37 నిమిషాల్లో బ్యాటరీ 50% వరకు ఛార్జ్ అవుతుంది.

మిలిటరీ-గ్రేడ్ డ్యూరబిలిటీ:

ఈ స్మార్ట్‌ఫోన్‌కు MIL-STD-810H మిలిటరీ-గ్రేడ్ డ్యూరబిలిటీ సర్టిఫికేషన్ లభించింది. అలాగే IP65 డస్ట్ అండ్ స్ప్లాష్ రెసిస్టెన్స్ ఉండటంతో నీటి చినుకులు, ధూళి నుంచి రక్షణ లభిస్తుంది. అదనంగా సైడ్-మౌంటెడ్ ఫింగర్‌ప్రింట్ సెన్సార్, 3.5mm ఆడియో జాక్, బ్లూటూత్ 5.4, 5G, USB టైపు-C పోర్ట్ వంటి ఫీచర్లు కూడా ఉన్నాయి.

ధరలు:

* 4GB + 128GB – రూ. 19,499.
* 6GB + 128GB – రూ. 21,499.
* 6GB + 256GB – రూ. 24,499.
iQOO Z11 Lite మిడ్‌నైట్ బ్లూ, సోలార్ ఫ్లేమ్ రంగుల్లో అందుబాటులోకి రానుంది. లాంచ్ సందర్భంగా ICICI బ్యాంక్, HDFC బ్యాంక్ కార్డులతో రూ. 1,500 ఇన్‌స్టంట్ డిస్కౌంట్ లభిస్తుంది. అలాగే 3 నెలల వరకు No Cost EMI సదుపాయం కూడా ఉంది. జూలై 30 నుంచి అమెజాన్ ఇండియా, వివో ఇండియా ఆన్‌లైన్ స్టోర్స్ లో.. అలాగే దేశవ్యాప్తంగా ఉన్న ఆఫ్‌లైన్ రిటైల్ స్టోర్లలో అమ్మకాలకు అందుబాటులోకి రానుంది.