Samsung Galaxy S24 Ultra: ఫ్యాబ్ గ్రాబ్ ఫెస్ట్ సేల్‌లో శాంసంగ్ ఫోన్‌పై భారీ ఆఫర్..

శాంసంగ్ వెబ్‌సైట్‌లో జరుగుతున్న ఫ్యాబ్ గ్రాబ్ ఫెస్ట్ సేల్‌లో భారీ ఆఫర్ నడుస్తుంది. ఈ ఆఫర్‌లో భారీ తగ్గింపు ధరతో శాంసంగ్ గెలాక్సీ S24 అల్ట్రా (Samsung Galaxy S24 Ultra)ని కొనుగోలు చేయవచ్చు. 12 జీబీ ర్యామ్, 256 జీబీ ఇంటర్నల్ స్టోరేజ్ ఉన్న ఈ ఫోన్ ధర కంపెనీ వెబ్‌సైట్‌లో రూ.1,21,999 ఉంది. ఈ ఆఫర్‌లో రూ. 12,000 తగ్గింపుతో సొంతం చేసుకోవచ్చు. దాదాపు అన్ని ప్రధాన బ్యాంకుల క్రెడిట్ కార్డ్‌ల ద్వారా చేసే చెల్లింపులకు ఈ తగ్గింపు వర్తిస్తుంది.

ఈ ఫోన్ కొనుగోలుకు యాక్సిస్ బ్యాంక్ కార్డ్‌పై 10% క్యాష్‌బ్యాక్ లభిస్తుంది. అంతేకాకుండా.. 70% హామీతో కూడిన బైబ్యాక్ స్కీమ్ కింద కూడా కొనుగోలు చేయవచ్చు. ఎక్స్ఛేంజ్ ఆఫర్‌లో ఈ ఫోన్ ధర రూ.70 వేలు తగ్గుతుంది. ఎక్స్ఛేంజ్ ఆఫర్‌లో లభించే తగ్గింపు మీ పాత ఫోన్, బ్రాండ్, కంపెనీ యొక్క మార్పిడి పాలసీ స్థితిపై ఆధారపడి ఉంటుంది.

Israel Hezbollah War: హిజ్బుల్లాకు మరో చావుదెబ్బ.. నస్రల్లా వారసుడిని హతం..

ఫీచర్లు, స్పెసిఫికేషన్లు
ఈ ఫోన్‌లో 1440×3120 పిక్సెల్ రిజల్యూషన్‌తో 6.8″ డైనమిక్ LTPO AMOLED 2x డిస్‌ప్లేను కలిగి ఉంది. ఈ డిస్ప్లే 120Hz రిఫ్రెష్ రేట్‌కు మద్దతు ఇస్తుంది. ఈ డిస్‌ప్లే గరిష్ట బ్రైట్‌నెస్ లెవల్ 2600 నిట్‌లు. ఫోన్ గరిష్టంగా 12 GB RAM, గరిష్టంగా 1 TB ఇంటర్నల్ స్టోరేజ్‌తో వస్తుంది. ప్రాసెసర్‌గా ఈ ఫోన్‌లో స్నాప్‌డ్రాగన్ 8 జెన్ 3 చిప్‌సెట్‌ను చూడవచ్చు.

ఫోటోగ్రఫీ కోసం LED ఫ్లాష్‌తో కూడిన నాలుగు కెమెరాలు ఉన్నాయి. వీటిలో 10-మెగాపిక్సెల్ టెలిఫోటో సెన్సార్‌తో 200-మెగాపిక్సెల్ ప్రధాన కెమెరా, 50-మెగాపిక్సెల్ టెలిఫోటో సెన్సార్, OIS మద్దతుతో 12-మెగాపిక్సెల్ అల్ట్రా-వైడ్ యాంగిల్ సెన్సార్ ఉన్నాయి. ఫోన్‌లో సెల్ఫీ కోసం 12 మెగాపిక్సెల్ ఫ్రంట్ కెమెరాను పొందుతారు. ఫోన్‌కు ఛార్జింగ్ కోసం 5000mAh బ్యాటరీని అందిస్తోంది. ఈ బ్యాటరీ 45 వాట్ల ఫాస్ట్ ఛార్జింగ్‌కు మద్దతు ఇస్తుంది. OS విషయానికి వస్తే, ఫోన్ Android 14 ఆధారిత OneUI 6.1.1పై పనిచేస్తుంది.