సరికొత్త కలర్స్, అబ్బురపరిచే డిజైన్, 200MP కెమెరాతో మార్కెట్ ను షేక్ చేయడానికి సిద్దమైన Huawei Pura 90 సిరీస్..!

Huawei Pura 90 Series: ప్రముఖ టెక్ దిగ్గజం హువాయ్ (Huawei) సంస్థ నుండి స్మార్ట్‌ఫోన్ సిరీస్ అయిన Pura 90 లాంచ్‌ను అధికారికంగా ప్రకటించింది. కంపెనీ సోషల్ మీడియా హ్యాండిల్ ద్వారా వెల్లడించిన సమాచారం ప్రకారం Huawei Pura 90 Pro, Huawei Pura 90 Pro Max మోడల్స్ ఏప్రిల్ 20న చైనాలో విడుదల కానున్నాయి. ఇప్పటికే ఈ రెండు ఫోన్లకు ప్రీ-బుకింగ్స్ కూడా మొదలయ్యాయి.

Avakaya Pulihora Recipe: పుల్లపుల్లగా.. కారంకారంగా.. అదిరిపోయే రుచితో ‘ఆవకాయ పులిహోర’ చేసేయండి ఇలా.!

లాంచ్‌కు ముందే కంపెనీ ఈ ఫోన్ల డిజైన్‌ను కూడా విడుదల చేసింది. కొత్త Pura 90 సిరీస్‌లో గ్రాడియెంట్ ఫినిష్‌తో బోల్డ్ లుక్ ఇవ్వనున్నారు. రంగులపై ఆసక్తి లేని వినియోగదారుల కోసం క్లాసిక్ బ్లాక్, వైట్ కలర్ ఆప్షన్లు కూడా అందుబాటులో ఉంటాయి. గతంలో P20, P30 సిరీస్‌లలో గ్రాడియెంట్ డిజైన్‌ను ఉపయోగించిన కంపెనీ, ఇప్పుడు అదే ట్రెండ్‌ను మరింత మోడర్న్ టచ్‌తో తీసుక వస్తుంది.

డిజైన్ పరంగా చూస్తే ఈ ఫోన్ల వెనుక భాగంలో రౌండెడ్ ట్రయాంగిల్ ఆకారంలో కెమెరా మాడ్యూల్ ప్రత్యేక ఆకర్షణగా నిలుస్తోంది. ఫ్లాట్ ఎడ్జెస్‌తో ఫోన్‌కు మరింత స్టైలిష్, ప్రీమియం లుక్ ఇచ్చారు. ఈ ‘ప్రో’ మోడల్స్ రెండింటిలో కూడా ఇదే డిజైన్ కొనసాగనుంది. హార్డ్‌వేర్ విషయానికి వస్తే ఈ స్మార్ట్‌ఫోన్లు Kirin 9030 లేదా Kirin 9030 Pro చిప్‌సెట్‌తో రానున్నాయని సమాచారం. అలాగే ఇవి HarmonyOS 6.1 పై పనిచేసే అవకాశం ఉంది. Huawei కొత్తగా HyperSpace Memory టెక్నాలజీని కూడా ఈ సిరీస్‌లో ప్రవేశపెట్టనుంది. ఈ టెక్నాలజీ ద్వారా 16GB RAM ఉన్న ఫోన్ కూడా 20GB RAM పనితీరును అందించగలదని చెబుతున్నారు.

Pakistan: పాక్‌లో అంతా రివర్స్.. రక్షణ మంత్రిని మందలించిన ఆర్మీ చీఫ్ అసిమ్ మునీర్..

కెమెరా విషయానికి వస్తే, Huawei Pura 90 సిరీస్‌లో రెండో తరం ‘మాపిల్ ఇమేజింగ్ సిస్టం’ ఇవ్వనున్నారు. అలాగే 200MP పెరిస్కోప్ టెలిఫోటో లెన్స్ కూడా ఉండే అవకాశం ఉంది. దీని ద్వారా లాంగ్-రేంజ్ ఫోటోగ్రఫీ మరింత మెరుగవుతుంది. రాబోయే Huawei Pura 90 Pro సిరీస్ కొత్త డిజైన్, శక్తివంతమైన ఫీచర్లు, అడ్వాన్స్‌డ్ కెమెరాతో మార్కెట్లో మంచి ఆసక్తిని రేకెత్తిస్తోంది. లాంచ్‌కు ముందు మరిన్ని వివరాలు బయటకు వచ్చే అవకాశం ఉంది.