Apple Watch Series 12 launched: యాపిల్ తన నెక్స్ట్-జనరేషన్ స్మార్ట్వాచ్ Apple Watch Series 12ను లాంచ్ చేసింది. అమెరికాలోని యాపిల్ పార్క్ క్యాంపస్ వేదికగా నిర్వహించిన ‘సర్ప్రైజ్ అండ్ షైన్’ ఈవెంట్లో దీన్ని విడుదల చేశారు. ఈ వాచ్ ఇప్పటి వరకు వచ్చిన వాటిల్లో కంటే ప్రత్యేకంగా ఉండనుంది. హెల్త్ ట్రాకింగ్, ఫిట్నెస్ విశ్లేషణలు, ఏఐ సామర్థ్యాలపై ప్రధానంగా దృష్టి పెట్టి ఈ వాచ్ను రూపొందించారు. కొత్త S11 చిప్సెట్, watchOS 27 సాఫ్ట్వేర్తో ఇది మరింత వేగవంతంగా పనిచేస్తుంది.
ధర, రంగుల వివరాలు..
భారత్లో యాపిల్ వాచ్ సిరీస్ 12 (Apple Watch Series 12) ప్రారంభ ధర రూ. 56,900గా నిర్ణయించారు. దీనికి సంబంధించిన ప్రి-ఆర్డర్లు ఇప్పటికే ప్రారంభమవ్వగా, సెప్టెంబర్ 18 నుంచి విక్రయాలు ప్రారంభమవుతాయి. ఇది 42mm, 46mm సైజుల్లో అల్యూమినియం, టైటానియం, సిరామిక్ ఆప్షన్లలో లభిస్తుంది. అల్యూమినియంలో డార్క్ బ్రాంజ్, బ్లాక్, లైట్ గోల్డ్, స్పేస్ గ్రే రంగులు ఉండగా.. టైటానియంలో రేడియంట్ గోల్డ్, నేచురల్ టైటానియం షేడ్స్ అందుబాటులో ఉన్నాయి.
హెల్త్ డేటా..
ఈ వాచ్లో అందించిన కొత్త హెల్త్ సెన్సింగ్ సిస్టమ్ (Health Sensing System) అతిపెద్ద అప్గ్రేడ్గా నిలుస్తుంది. అప్గ్రేడ్ చేసిన ఆప్టికల్, ఎలక్ట్రికల్ హార్ట్ సెన్సార్లు S11 చిప్తో కలిసి రోజంతా ప్రతి 5 సెకన్లకు ఒకసారి గుండె వేగాన్ని అత్యంత ఖచ్చితత్వంతో కొలుస్తాయి. అంతేకాకుండా, ‘హార్ట్ రేట్ వేరియబిలిటీ (HRV)’ని మునుపటి కంటే 24 రెట్లు ఎక్కువ తరచుగా రికార్డ్ చేస్తూ వ్యక్తిగత హెల్త్ బేస్లైన్ను విశ్లేషిస్తుంది. ఫిట్నెస్ ప్రియుల కోసం ఇందులో కొత్తగా Readiness ఫీచర్ను తీసుకొచ్చారు. ఇది ఇటీవలి శారీరక శ్రమ, ట్రైనింగ్ లోడ్, నిద్ర, ఇతర హెల్త్ డేటాను విశ్లేషించి 0 నుంచి 10 వరకు ఒక స్కోర్ను ఇస్తుంది. ఈ స్కోర్ను బట్టి ఆ రోజు వర్కవుట్స్ ఎంత తీవ్రంగా చేయాలో (Recover, Pace Yourself, Ready లేదా Go For It) సూచనలు అందిస్తుంది. రీడిజైన్ చేసిన మెషిన్ లెర్నింగ్ అల్గారిథమ్స్ ద్వారా స్టెప్ ట్రాకింగ్ అక్యురసీ మరింత పెరిగింది.
ప్రత్యేకంగా నిలవనున్న Siri Recap..
S11 చిప్ ఆధారంగా పనిచేసే వాయిస్ ఇంటెలిజెన్స్ (Audio Intelligence) ఫీచర్లు ఇందులో ప్రత్యేక ఆకర్షణగా నిలుస్తాయి. మాటల్లోని చివరి 15 సెకన్ల సంభాషణను టెక్స్ట్ రూపంలో చూపే ‘Live Rewind’, సంభాషణల ముఖ్య విషయాలను టెక్స్ట్ సమరీగా ఇచ్చే ‘Siri Recap’, ‘Sound Recognition’ వంటి ఫీచర్లు ఉన్నాయి. వీటిలో ఏవీ ఆడియో రికార్డింగ్లను స్టోర్ చేయకుండా ప్రైవసీకి అత్యంత ప్రాధాన్యతనిస్తాయి. watchOS 27లో భాగమైన సిరి AI వినియోగదారుల పర్సనల్ కాంటెక్స్ట్ను సులభంగా అర్థం చేసుకుంటుంది.
బ్యాటరీ లైఫ్..
ఈ వాచ్ సాధారణ వినియోగంలో 24 గంటల బ్యాటరీ లైఫ్ ఇస్తుంది. అలాగే అవుట్డోర్ వర్కవుట్స్ సమయంలో 10 గంటల వరకు నిరంతర పర్యవేక్షణ (continuous trackin) అందిస్తుంది. వేగవంతమైన ఛార్జింగ్ సపోర్ట్ ద్వారా కేవలం 15 నిమిషాల ఛార్జింగ్తో సుమారు 12 గంటల అదనపు బ్యాటరీ లైఫ్ లభిస్తుంది.