Vaibhav suryavanshi: 2026 “వైభవ్” నామ సంవత్సరం.. వామ్మో 7 నెలల్లో ఇన్ని రికార్డులా?
- Follow Us :
-
-
Add as a preferred
source on google
Vaibhav Suryavanshi: ఒక ఆటగాడి కెరీర్ మొత్తంలో సాధించలేని విజయాలను కేవలం ఆరు నెలల్లోనే సాధిస్తే ఎలా ఉంటుంది. ఒక టోర్నమెంట్ లో మెరిసి కనిపించడం ఒకటి. ఒక సీజన్ లో రికార్డు సృష్టించడం మరోటి. కానీ అంతర్జాతీయ జూనియర్ క్రికెట్ నుంచి ఐపీఎల్ వరకు, అక్కడి నుంచి ఇండియా ఎ జట్టు వరకు ఎక్కడ ఆడినా తన ముద్ర వేస్తూ, వరుసగా రికార్డులు బద్దలు కొడుతూ ముందుకు వెళ్తే అది సాధారణ ప్రతిభ కాదు. ప్రస్తుతం భారత క్రికెట్ లో అలాంటి చర్చకు కేంద్రబిందువుగా మారిన పేరు వైభవ్ సూర్యవంశీ.
2026 సంవత్సరం ఇంకా పూర్తికాలేదు. కానీ ఈ ఒక్క ఏడాదిలో వైభవ్ ఇప్పటికే సాధించిన విజయాలు చూస్తే ఆశ్చర్యం కలగక మానదు. అండర్ 19 ప్రపంచకప్ లో భారత జట్టును విజయపథంలో నడిపించిన అతడు టోర్నమెంట్ మొత్తం మీద అత్యుత్తమ ఆటగాడిగా నిలిచాడు. ఫైనల్లో 175 పరుగుల తుఫాను ఇన్నింగ్స్ ఆడి ప్లేయర్ ఆఫ్ ది మ్యాచ్ అవార్డును సొంతం చేసుకున్నాడు. అదే ఇన్నింగ్స్ అండర్ 19 ప్రపంచకప్ ఫైనల్ చరిత్రలో అత్యధిక వ్యక్తిగత స్కోరుగా నిలిచింది. టోర్నమెంట్ మొత్తం మీద 30 సిక్సర్లు బాది మరో రికార్డును తన పేరుతో నమోదు చేసుకున్నాడు. ఒకే మ్యాచ్ లో 15 సిక్సర్లు కొట్టి మరో చరిత్ర సృష్టించాడు.
Also Read
- Pakistan Cricket: పీసీబీ కొత్త సెంట్రల్ కాంట్రాక్టుల ప్రకటన.. 13 మంది స్టార్ ఆటగాళ్లకు షాక్..
- Sarfaraz Khan: ఆ ఆరోపణలు వచ్చినప్పుడు నా భార్య ఏడ్చింది, నాన్న కుమిలిపోయారు.. సర్ఫరాజ్ ఖాన్ ఆవేదన..
- Travis Head: ట్రావిస్ హెడ్ను SRH కావాలనే వదిలేసిందా? అసలు ట్విస్ట్ బయటపెట్టిన టీమిండియా మాజీ కెప్టెన్..
- KL Rahul: గ్లెన్ ఫిలిప్స్కు డ్రింక్స్ కొనిస్తా.. రివ్యూపై రాహుల్ ఫన్నీ కామెంట్స్!
అక్కడితో కథ ముగియలేదు. ఐపీఎల్ వేదికగా అడుగుపెట్టిన తర్వాత వైభవ్ తన దూకుడును మరింత పెంచాడు. 440 బంతుల్లోనే వెయ్యి ఐపీఎల్ పరుగులు పూర్తి చేసి అత్యంత వేగంగా ఈ మైలురాయిని అందుకున్న ఆటగాడిగా నిలిచాడు. పవర్ ప్లేలోనే 500కు పైగా పరుగులు చేసిన తొలి ఆటగాడిగా మరో ప్రత్యేక రికార్డును నెలకొల్పాడు. నాకౌట్ మ్యాచ్ లో కేవలం 16 బంతుల్లో అర్ధశతకం పూర్తి చేసి ఐపీఎల్ ప్లేఆఫ్స్ చరిత్రలో అత్యంత వేగవంతమైన అర్ధశతకాల జాబితాలో చోటు సంపాదించాడు.
2026 ఐపీఎల్ సీజన్ గురించి మాట్లాడితే వైభవ్ పేరు లేకుండా కథ పూర్తికాదు. ఆరెంజ్ క్యాప్ గెలిచాడు. అత్యంత విలువైన ఆటగాడి అవార్డు అందుకున్నాడు. ఎమర్జింగ్ ప్లేయర్ ఆఫ్ ది సీజన్ అవార్డు గెలిచాడు. సూపర్ స్ట్రైకర్ ఆఫ్ ది సీజన్ అవార్డును కూడా తన ఖాతాలో వేసుకున్నాడు. అంటే ఒకే సీజన్ లో బ్యాటింగ్, ప్రభావం, దూకుడు, స్థిరత్వం అన్న నాలుగు విభాగాల్లోనూ అగ్రస్థానంలో నిలిచాడని అర్థం.
రికార్డుల విషయానికి వస్తే సంఖ్యలు మరింత సంచలనంగా కనిపిస్తున్నాయి. ఒకే ఐపీఎల్ సీజన్ లో 72 సిక్సర్లు కొట్టి కొత్త బెంచ్ మార్క్ ను సెట్ చేశాడు. అన్ క్యాప్డ్ ప్లేయర్ గా ఒక సీజన్ లో అత్యధికంగా 776 పరుగులు సాధించాడు. ఒక ఐపీఎల్ మ్యాచ్ లో భారత ఆటగాడిగా అత్యధికంగా 12 సిక్సర్లు బాదాడు. పవర్ ప్లేలోనే 8 సిక్సర్లు కొట్టి మరో రికార్డు నెలకొల్పాడు. ప్లేఆఫ్ మ్యాచ్ లో 12 సిక్సర్లు కొట్టి మరోసారి తన పేలుడు బ్యాటింగ్ ను ప్రపంచానికి చూపించాడు.
ఐపీఎల్ తర్వాత ఇండియా ఎ జట్టులోకి వచ్చినా అదే దూకుడు కొనసాగింది. లిస్ట్ ఏ క్రికెట్ చరిత్రలో కేవలం 11 బంతుల్లో అర్ధశతకం పూర్తి చేసి ప్రపంచ దృష్టిని ఆకర్షించాడు. తాజాగా శ్రీలంక ఎ జట్టుతో జరిగిన ట్రై సిరీస్ ఫైనల్లో కేవలం 29 బంతుల్లో 94 పరుగులు చేసి మ్యాచ్ ను ఒంటిచేత్తో మలుపు తిప్పాడు. ఆ ప్రదర్శనకు ప్లేయర్ ఆఫ్ ది మ్యాచ్ అవార్డు అందుకున్నాడు.
ఇక్కడ ఒక విషయం ప్రత్యేకంగా చెప్పుకోవాలి. ఈ రికార్డులన్నీ సాధించిన ఆటగాడి వయసు కేవలం 15 సంవత్సరాలు మాత్రమే. చాలా మంది క్రికెటర్లు ఈ వయసులో రాష్ట్ర స్థాయిలో అవకాశాల కోసం ఎదురుచూస్తుంటారు. కానీ వైభవ్ మాత్రం ప్రపంచకప్ రికార్డులు, ఐపీఎల్ రికార్డులు, లిస్ట్ ఏ రికార్డులు, ఇండియా ఎ జట్టు విజయాలు అంటూ ఒకే ఏడాదిలో ఎన్నో మైలురాళ్లు దాటుతున్నాడు.
2026 సంవత్సరం ఇంకా ముగియలేదు. కానీ ఇప్పటివరకు వైభవ్ సూర్యవంశీ ఖాతాలో చేరిన అవార్డులు, రికార్డులు, వ్యక్తిగత ఘనతలు లెక్కపెడితే అది ఒక పూర్తి కెరీర్ లా కనిపిస్తోంది. అందుకే ఇప్పుడు భారత క్రికెట్ అభిమానులు ఒక్క ప్రశ్న అడుగుతున్నారు. 15 ఏళ్ల వయసులోనే ఇన్ని రికార్డులు సాధించిన ఈ కుర్రాడు తన కెరీర్ ముగిసే సమయానికి ఇంకెన్ని శిఖరాలు అధిరోహిస్తాడు?
తాజావార్తలు
-
Bangladesh Violence: బంగ్లాదేశ్లో హింసాకాండ.. హసీనా పార్టీ నేతల ఆస్తులకు నిప్పు!
-
Fire Accident : హఫీజ్పేట్లో భారీ అగ్నిప్రమాదం.. రూ.కోటి బూడిద
-
Baby Kidnapping : గాంధీ ఆసుపత్రిలో పసికందు కిడ్నాప్.. గంటల వ్యవధిలోనే ఛేదించిన పోలీసులు
-
Tirumala Tirupati: తిరుమల శ్రీవారికి కళ్లుచెదిరే విరాళం.. ఏకంగా 160 కిలోల బంగారు ఆభరణాలు..
-
Nitish Setu: గంగానదిపై “నితీశ్ సేతు”ను ప్రారంభించిన మోదీ!
ట్రెండింగ్
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!
-
Ambati Rayudu: పని చేయాలంటే కోహ్లీలా.. పని చేయించాలంటే ధోనీలా ఉండాలి.!
-
Couple Attacked: పార్కులో ఫొటోలు దిగుతున్న జంటపై కర్రలతో దాడి.. అదుపులోకి 8 మంది మైనర్లు..!
-
Viral Video: ఛీ.. ఛీ.. వ్యూస్ కోసం ఇంతకు దిగజారాలా..? బస్సులో ప్రయాణికుడితో యువతి వికృత చేష్టలు..!