యావత్ భారతవని గర్వంతో సంతోషం వ్యక్తం చేస్తున్న క్షణాలివి. ఆర్ఆర్ఆర్ సినిమాకు ఆస్కార్ అవార్డ్ రావడంతో ఇండియన్స్ ఆనందంతో ఉప్పొంగిపొతున్నారు. ఎస్ఎస్ రాజమౌళి దర్శకత్వంలో తెరకెక్కి గతేడాది రికార్డుల ప్రభంజనం సృష్టించి ఇప్పుడు అవార్డులు కొల్లగొడుతున్న ఆర్ఆర్ఆర్ మూవీ.. ఆస్కార్ వేదికపై సగర్వంగా మెరిసింది. ఆర్ఆర్ఆర్ సినిమాలోని నాటు నాటు సాంగ్ కు ఆస్కార్ అవార్డు రావడంపై దేశమంతా సంబరాలు చేసుకుంటున్న వేళ టీమిండియా క్రికెటర్లు కూడా ఈ సంతోషాలలో భాగమవుతున్నారు. ఆర్ఆర్ఆర్ టీమ్ కు విషేస్ చెబుతున్నారు.
Also Read : PAPA: ముద్దు సన్నివేశం ఇబ్బంది పెట్టలేదు: మాళవిక నాయర్
సాధారణంగా టీవీ షోలలో పెద్దగా హంగామా చేయని టీమిండియా దిగ్గజం సునీల్ గవాస్కర్.. నాటు నాటు పాటకు ఆస్కార్ రావడంపై ఎగిరి చిందేశాడు. ఈ పాటకు కాలు కదిపి డాన్స్ కూడా చేశాడు. ఇందుకు సంబంధించిన వీడియో ఇప్పుడు నెట్టింట తెగ వైరల్ గా మారింది. భారత్-ఆస్ట్రేలియా మధ్య నాలుగో టెస్టు మ్యాచ్ ఐదో రోజు ఉదయం స్టార్ స్ట్పోర్ట్స్( తెలుగు ) కామెంటేటర్స్ నాటునాటు గురించి మాట్లాడుకుంటుండగా అక్కడికి సునీల్ గవాస్కర్ వచ్చారు. ఆర్ఆర్ఆర్ కు ఆస్కార్ అవార్డు వచ్చినందుకు తాను చాలా సంతోషంగా ఉన్నానంటు తెలిపారు. ఆర్ఆర్ఆర్ టీమ్ కు సునీల్ గవాస్కర్ శుభాభివందనాలు తెలిపారు.
Also Read : MLC ELECTIONS : ప్రశాంతంగా ముగిసిన టీచర్స్ ఎమ్మెల్సీ ఎన్నికలు
అయితే సునీల్ గవాస్కర్ సంగీత దర్శకుడు, రచయితతో ఆర్ఆర్ఆర్ టీమ్ మొత్తానికి కృతజ్ఞతలు తెలిపారు. తాను ఇటివలే ఆ మూవీని చూశాను.. చాలా అద్బుతంగా ఉంది.. ఇంటర్నేషన్ వేదికలపై మరిన్ని అవార్డులు గెలిచేందుకు ఇది పూనాది కావాలి అని గవాస్కర్ అన్నారు. తాను చెప్పిన తర్వాత.. నాటు నాటు సాంగ్ కు ఎన్టీఆర్, రాంచరణ్ సిగ్నేచర్ మూమెంట్ తో అలరించాడు. ఇందుకు సంబంధించిన వీడియోను స్టార్ స్పోర్ట్స్ తన ట్వీట్టర్ ఖాతాలో పోస్ట్ చేసింది. గవాస్కర్ తో పాటు భారత క్రికెటర్లు కూడా ఆర్ఆర్ఆర్ టీమ్ కు శుభాకాంక్షలు తెలిపారు. సచిన్, దినేశ్ కార్తీక్, హార్దిక్ పాండ్యా, వీవీఎస్ లక్ష్మణ్, వీరేంద్ర సెహ్వాగ్ లు ట్రీపుల్ ఆర్ టీమ్ కు కాంగ్రాట్స్ చెప్పారు. ఐపీఎల్ ఫ్రాంచైజీలు కూడా నాటునాటు పోస్టర్ లతో రచ్చ రచ్చ చేశారు.
Also Read : MLC Elections Fake Votes: ఎమ్మెల్సీ ఎన్నికల్లో అక్రమాలపై మరోసారి ఈసీకి టీడీపీ ఫిర్యాదు
