ఆస్ట్రేలియా టెస్ట్ కెప్టెన్ గా పాట్ కమిన్స్…
- Follow Us :
-
-
Add as a preferred
source on google
ఆస్ట్రేలియా జట్టు వచ్చే నెల 8 నుండి ఇంగ్లాండ్ జట్టుతో ఎంతో ముఖ్యమైన యాషెస్ సిరీస్ లో పాల్గొననున్న విషయం తెలిసిందే. అయితే ఈ సిరీస్ కు జట్టును కూడా ప్రకటించిన తర్వాత కొన్ని ఆరోపణల కారణంగా టిమ్ పైన్ జట్టు కెప్టెన్సీ బాధ్యతల నుండి తప్పుకున్నాడు. దాంతో జట్టు తర్వాతి కెప్టెన్ ఎవరు అనే దానిపైన చాలా చర్చలు జరిగాయి. మళ్ళీ స్టీవ్ స్మిత్ కే కెప్టెన్సీ భాధ్యతలు ఇస్తారు అని కూడా వార్తలు వచ్చాయి.
కానీ తాజాగా క్రికెట్ ఆస్ట్రేలియా తమ టెస్ట్ జట్టుకు కెప్టెన్ గా పాట్ కమిన్స్ ను నియమించినట్లు అధికారికంగా ప్రకటించింది. అయితే కమిన్స్ ఆస్ట్రేలియా టెస్ట్ జట్టుకు 47వ కెప్టెన్. ఇక టిమ్ పైన్ కెప్టెన్ గా ఉన్నప్పుడు కమిన్స్ జట్టుకు వైస్ కెప్టెన్ గా వ్యవరించేవాడు. కానీ ఇప్పుడు అతను కెప్టెన్సీ బాధ్యతలు తీసుకోవడంతో… వైస్ కెప్టెన్ గా స్టీవ్ స్మిత్ ను ఎంపిక చేసింది క్రికెట్ బోర్డు. వీరిరువురు వచ్చే నెలలో జరగనున్న యాషెస్ సిరీస్ లో జట్టుకు మార్గ నిర్ధేశం చేయనున్నారు.