Asia Cup 2026 Final: తప్పును అంగీకరించిన టీమిండియా పేసర్.. జరిమానాతో సరిపెట్టిన ఐసీసీ!
- Follow Us :
-
-
Add as a preferred
source on google
Kranti Gaud Fine: దుబాయ్లో జరిగిన ఆసియా కప్ 2026 ఫైనల్లో శ్రీలంకపై అద్భుత విజయం సాధించిన భారత మహిళల జట్టు టైటిల్ను సొంతం చేసుకున్న విషయం తెలిసిందే. కప్ గెలిచిన సంతోషంలో ఉన్న యువ పేసర్ క్రాంతి గౌడ్కు అంతర్జాతీయ క్రికెట్ మండలి (ఐసీసీ) షాక్ ఇచ్చింది. ఐసీసీ ప్రవర్తనా నియమావళి లెవల్-1 నిబంధనలను ఉల్లంఘించినందుకు ఆమెపై చర్యలు తీసుకుంది. మ్యాచ్ ఫీజులో 10 శాతం కోతతో పాటు ఒక డీమెరిట్ పాయింట్ను క్రాంతి ఖాతాలో చేర్చింది. టీమిండియా పేసర్ తన తప్పును అంగీకరించడంతో ఐసీసీ జరిమానాతో సరిపెట్టింది.
పెవిలియన్కు వెళ్లాలంటూ సైగలు:
ఆదివారం (సెప్టెంబర్ 13) ఆసియా కప్ 2026 ఫైనల్లో భారత్, శ్రీలంక జట్లు తలపడ్డాయి. ముందుగా బ్యాటింగ్ చేసిన టీమిండియా 5 వికెట్ల నష్టానికి 183 రన్స్ చేసింది. భారత్ నిర్దేశించిన 184 పరుగుల భారీ లక్ష్యంతో బరిలోకి దిగిన శ్రీలంకకు ఆదిలోనే షాక్ తగిలింది. ఓపెనర్ ఇమేషా దులానిని క్రాంతి గౌడ్ మొదటి ఓవర్లోనే అవుట్ చేసింది. క్రాంతి వేసిన తొలి బంతిని బౌండరీ బాదిన ఇమేషా.. మరో మూడు బంతుల తర్వాత క్లీన్ బౌల్డ్ అయింది. దీంతో క్రాంతి సంబరాలు చేసుకుంటూ.. ఇమేషా వైపు చూస్తూ పెవిలియన్కు వెళ్లాలని చేయితో సైగలు చేసింది. ఇదే ఆమెపై జరిమానాకు కారణమైంది.
Also Read
- Ravindra Jadeja: జడేజాను పక్కన పెట్టడానికి అసలు కారణం ఇదే.. కోచ్ క్లారిటీ!
- Jasprit Bumrah Record: టెస్టుల్లో మరో అరుదైన ఘనత.. టాప్-10లోకి జస్ప్రీత్ బుమ్రా!
- NZ vs IND 1st Test: నికోల్స్ సెంచరీ, ఫిలిప్స్ విధ్వంసం.. 70కే 5 వికెట్స్ కోల్పోయినా కివీస్దే పైచేయి!
- World Cup Final 2023: నవంబర్ 19.. భారత క్రికెట్ అభిమానులు ఎప్పటికీ మర్చిపోలేని చేదు జ్ఞాపకం..
మ్యాచ్ ఫీజులో 10 శాతం జరిమానా:
ఈ చర్య ఐసీసీ కోడ్ ఆఫ్ కండక్ట్లోని ఆర్టికల్ 2.5 పరిధిలోకి వచ్చినట్లు ఐసీసీ పేర్కొంది. ఓ ప్లేయర్ ఔటైన సమయంలో అతడిని కించపరిచేలా లేదా ప్రత్యర్థి బ్యాటర్ నుంచి ప్రతిస్పందన వచ్చేలా భాష, చర్యలు లేదా సైగలను ఉపయోగించడాన్ని ఆర్టికల్ 2.5 కిందికి వస్తుంది. ఈ నిబంధనను ఉల్లంఘించినట్లు నిర్ధారణ కావడంతో క్రాంతి గౌడ్కు మ్యాచ్ ఫీజులో 10 శాతం జరిమానాతో పాటు ఒక డీమెరిట్ పాయింట్ను మ్యాచ్ రెఫరీ సుప్రియ రాణి దాస్ కేటాయించారు. మ్యాచ్ రిఫరీ ప్రతిపాదించిన శిక్షను కూడా క్రాంతి అంగీకరించడంతో ప్రత్యేక విచారణ అవసరం లేకుండానే చర్యలు పూర్తయ్యాయి. అంపైర్లు సలీమా ఇమ్తియాజ్, షతీరా జాకిర్ జెసీ, థర్డ్ అంపైర్ రోకేయా సుల్తానా, ఫోర్త్ అంపైర్ హుమైరా ఫరా కలిసి క్రాంతిపై అభియోగాలు నమోదు చేశారు.
అధికారిక మందలింపు తప్పనిసరి:
ఐసీసీ నిబంధనల ప్రకారం.. లెవల్-1 ఉల్లంఘనలకు కనీసం అధికారిక మందలింపు, గరిష్ఠంగా ఆటగాడి మ్యాచ్ ఫీజులో 50 శాతం వరకు జరిమానా విధించవచ్చు. అలాగే ఒకటి లేదా రెండు డీమెరిట్ పాయింట్లు కూడా కేటాయించే అవకాశం ఉంటుంది. గత 24 నెలల్లో క్రాంతి గౌడ్కు ఇదే తొలి నేరం కావడంతో.. ఆమె రికార్డులో ఒక డీమెరిట్ పాయింట్ మాత్రమే చేరింది. మరోవైపు పాకిస్థాన్ మహిళల జట్టుపైనా ఐసీసీ చర్యలు తీసుకుంది. శ్రీలంకతో జరిగిన ఆసియా కప్ సెమీఫైనల్లో స్లో ఓవర్ రేట్ కారణంగా పాకిస్థాన్ ఆటగాళ్ల మ్యాచ్ ఫీజులో 5 శాతం కోత విధించింది. నిర్ణీత సమయంలో పాకిస్థాన్ ఒక ఓవర్ తక్కువగా వేసినట్లు తేలడంతో ఈ జరిమానా విధించారు. ఐసీసీ కోడ్ ఆఫ్ కండక్ట్లోని ఆర్టికల్ 2.22 ప్రకారం.. నిర్ణీత సమయంలో వేయాల్సిన ప్రతి ఓవర్ తక్కువైనందుకు ఆటగాళ్ల మ్యాచ్ ఫీజులో ఐదు శాతం జరిమానా విధిస్తారు.
తాజావార్తలు
-
CM Revanth Reddy: క్యూర్, ప్యూర్, రేర్.. తెలంగాణ సమగ్రాభివృద్ధికి సీఎం రేవంత్ రెడ్డి మూడు రీజియన్ల ఫార్ములా..
-
Ravindra Jadeja: జడేజాను పక్కన పెట్టడానికి అసలు కారణం ఇదే.. కోచ్ క్లారిటీ!
-
Nasha MuktBharat: డ్రగ్స్ మహమ్మారిపై సమరశంఖం.. ‘నషా ముక్త్ భారత్ యాత్ర’కు కింగ్ నాగార్జున మద్దతు..
-
PM Modi: 50 కోట్ల మంది పేదరికాన్ని జయించారు.. రాహుల్ గాంధీకి ప్రధాని మోడీ స్ట్రాంగ్ కౌంటర్!
-
Punjab: ఒక్కసారిగా కూలిన ఇనుప వంతెన.. కాలువపై చిక్కుకున్న రెండు భారీ లారీలు
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!