MI vs KKR: ఇషాన్, సూర్యకుమార్ యాదవ్ మెరుపులు.. కేకేఆర్‌పై ముంబై ఇండియన్స్ గెలుపు

MI vs KKR: ముంబై బ్యాటర్ల ముందు కోల్‌కతా నైట్ రైడర్స్ విధించిన లక్ష్యం చాలలేదు. ఇషాన్ కిషన్, సూర్య కుమార్ యాదవ్ మెరుపులతో కేకేఆర్ బ్యాటర్ వెంకటేష్ అయ్యర్ అద్భుత శతకం మరుగునపడింది. ఫలితంగా కేకేఆర్ నిర్దేశించిన 186 పరుగుల లక్ష్యాన్ని కేవలం 5 వికెట్లు కోల్పోయిన 17.4 ఓవర్లలోనే ముంబై ఛేదించింది. ఇషాన్ కిషన్ కేవలం 25 బంతుల్లోనే 5 ఫోర్లు, 5 సిక్సులతో విరుచుకుపడ్డాడు. దీనికి తోడు ఫామ్ లేక తంటాలు పడుతున్న సూర్య కుమార్ యాదవ్ మళ్లీ ఫామ్ లోకి వచ్చాడు. కేవలం 25 బాల్స్ లోనే 43 పరుగులు చేశాడు. తిలక్ వర్మ 30, టిమ్ డేవిడ్ 24, రోహిత్ శర్మ 20 పరుగులు చేయడంతో ముంబై సులభంగా విజయం సాధించింది. కేకేఆర్ బౌలర్లలో సుయాస్ శర్మ రెండు వికెట్లు తీయగా.. ఠాకూర్, వరణ్ చక్రవర్తి, ఫెర్గూసన్ తలో వికెట్ తీశారు.

Read Also: Vikram: అన్నా.. నీకు పెళ్లీడు కొచ్చిన కొడుకు ఉన్నాడు.. నువ్వే ఇలా ఉంటే ఎలా..?

అంతకుముందు టాస్ ఓడి బ్యాటింగ్ కు దిగిన కేకేఆర్ భారీ స్కోర్ సాధించింది. యంగ్ బ్యాటర్ వెంకటేష్ అయ్యర్ ఆకాశమే హద్దుగా చెలరేగాడు. ముంబై బౌలర్లకు చుక్కలు చూపించాడు. ఈ ఏడాది ఐపీఎల్ సీజన్ లో ఫాస్టెస్ట్ సెంచరీ నమోదు చేశాడు. కేవలం 51 బంతుల్లో 6 ఫోర్లు, 9 సిక్సర్లతో 104 పరుగులు చేశాడు. అండ్రూ రస్సెల్ 21 పరుగులు చేశాడు. అయితే కేకేఆర్ బ్యాటర్లలో మిగతా వారంతా చెప్పుకోదగ్గ స్కోర్ చేయలేదు. ముంబై బౌలర్లలో హృతిక్ షోకీన్ 2 వికెట్లు పడగొట్టగా, కామెరూన్ గ్రీన్, డ్యూన్ జాన్ సెన్, పీయూష్ చావ్లా, మెరిడిత్ ఒక్కో వికెట్ తీశారు.