LSG Unwanted IPL Record: మొన్ననే ఎంట్రీ ఇచ్చి.. అప్పుడే చెత్త రికార్డు ఖాతాలో వేసుకున్న లక్నో!

LSG Unwanted IPL Record: ఇండియన్ ప్రీమియర్ లీగ్ (ఐపీఎల్)లో ప్రతి జట్టుకు సొంత మైదానం ఉంటుందన్న విషయం తెలిసిందే. ప్రతి టీమ్ లీగ్ దశలో 7 మ్యాచ్‌లను హోమ్ గ్రౌండ్‌లో ఆడుతుంది. సాధారణంగా హోమ్ గ్రౌండ్ అంటే ఏ జట్టుకైనా అదనపు బలం. అందుకే హోమ్ అవేలో పరాజయాలు చవిచూసినా.. హోమ్ గ్రౌండ్‌లో రెచ్చిపోతుంటాయి. అయితే లక్నో సూపర్‌ జెయింట్స్‌కు మాత్రం సొంత మైదానం బలహీనతగా మారింది. వరుస పరాజయాలు చవిచూస్తున్న లక్నో.. ఓ చెత్త రికార్డును ఖాతాలో వేసుకుంది.

హోమ్ గ్రౌండ్‌లో అత్యధికసార్లు వరుస పరాజయాలు చవిచూసిన జట్టుగా లక్నో సూపర్‌ జెయింట్స్‌ రికార్డులో నిలిచింది. 2025-26 సీజన్‌లో లక్నో 7 వరుస పరాజయాలను ఎదుర్కొంది. మిగతా జట్లు కూడా సొంత మైదానాల్లో వరుస ఓటములు ఎదురుకొన్నా.. చాలా ఏళ్లుగా టోర్నీలో కొనసాగుతున్నాయి. 202లో ఐపీఎల్‌లో ఎంట్రీ ఇచ్చిన లక్నో.. అప్పుడే ఈ చెత్త రికార్డు ఖాతాలో వేసుకోవడం విశేషం. ఈ జాబితాలో అగ్రస్థానంలో ఢిల్లీ క్యాపిటల్స్ నిలిచింది. 2013 నుంచి 2015 మధ్య ఢిల్లీ వరుసగా 9 మ్యాచ్‌లు ఓడింది. ఇది ఇప్పటికీ అత్యధిక వరుస హోమ్ పరాజయాల రికార్డుగా ఉంది.

రెండో స్థానంలో మాజీ టీమ్ డెక్కన్ ఛార్జర్స్ ఉంది. హైదరాబాద్‌లో 2008-2011 మధ్య 8 మ్యాచ్‌లు వరుసగా ఓడింది. ఇదే డీసీ 2011-12 మధ్య మరోసారి 7 వరుస పరాజయాలు నమోదు చేసింది. ఐపీఎల్‌ మాజీ జట్టు పూణే వారియర్స్ ఇండియా 2012-13 మధ్య పుణేలో 7 మ్యాచ్‌లు వరుసగా ఓడింది. తాజాగా లక్నో కూడా ఈ జాబితాలో చేరింది. 2025-26 మధ్య లక్నోలో వరుసగా 7 మ్యాచ్‌లు ఓడుతూ చెత్త రికార్డు నమోదు చేసింది. ఈ వరుస పరాజయాలు జట్టుకు ఆందోళన కలిగించే అంశంగా మారింది. ఈ స్టాట్స్ చూస్తే.. హోమ్ గ్రౌండ్ అనేది ఎప్పుడూ అడ్వాంటేజ్‌గా ఉండకపోవచ్చు. సరైన ఫామ్ లేకపోతే, పరిస్థితులు కలిసిరాకపోతే..మైదానం ఏదైనా ఓడాల్సి వస్తుంది.