ఐపీఎల్ 2026లో భాగంగా బుధవారం రాత్రి చిదంబరం స్టేడియంలో రాయల్ ఛాలెంజర్స్ బెంగళూరు (ఆర్సీబీ), లక్నో సూపర్ జెయింట్స్ (ఎల్ఎస్జీ) మధ్య మ్యాచ్ జరిగింది. ఈ మ్యాచ్లో ఓ ఆసక్తికర ఘటన చోటుచేసుకుంది. మ్యాచ్ మధ్యలో టీమిండియా ఆల్రౌండర్ కృనాల్ పాండ్య, దేశవాళీ సంచలనం ముకుల్ చౌదరి మధ్య మాటల యుద్ధం జరిగింది. నువ్వా-నేనా అన్నట్లు ఇద్దరు మాటలు కొనసాగించారు. ఇందుకు సంబంధించిన వీడియో సోషల్ మీడియాలో వైరల్ అయింది.
కృనాల్ పాండ్య బౌలింగ్లో ముకుల్ చౌదరి ఓ భారీ షాట్ కొట్టాడు. దాంతో కొంత అసహనం వ్యక్తం చేసిన కృనాల్.. స్లెడ్జింగ్కు దిగాడు. ‘తర్వాతి బంతిని కొట్టి చూపించు చూద్దాం’ అని ముకుల్ను సవాల్ చేశాడు. ముకుల్ కూడా వెనక్కి తగ్గలేదు. కృనాల్ వేసిన తర్వాతి బంతిని బౌండరీకి తరలించాడు. అనంతరం కృనాల్ వైపు చూసి ‘మళ్లీ కొట్టా చూశావా’ అంటూ ఘాటుగా స్పందించాడు. ఈ సంఘటనతో మైదానంలో ఉద్రిక్తత మరింత పెరిగింది. కృనాల్ అక్కడితో ఆగకుండా ‘తర్వాతి ఓవర్లోనే నిన్ను అవుట్ చేస్తా’ అంటూ హెచ్చరించాడు. ఇలా ఇద్దరు మధ్య ఒకరిపై మరొకరు ఫైర్ అయ్యారు.
కృనాల్ పాండ్య, ముకుల్ చౌదరి మధ్య ఘర్షణ మ్యాచ్లో మరింత ఉత్కంఠను తీసుకొచ్చింది. అభిమానులు కూడా ఈ సన్నివేశాన్ని ఆసక్తిగా వీక్షించారు. మ్యాచ్ మొత్తానికి ఈ సంఘటన మ్యాచ్ హైలైట్గా నిలిచింది. ఆటలో పోటీ, ఉత్సాహం ఎంతగా ఉందో ఈ చిన్న ఘర్షణే చెబుతోంది. ఐపీఎల్ వంటి పెద్ద టోర్నీలో ఇలాంటి హీట్ మోమెంట్స్ ప్రేక్షకులకు మరింత ఎంటర్టైన్మెంట్ను అందిస్తాయి. ఇందుకు సంబంధించిన వీడియో నెట్టింట వైరల్ కాగా.. నెటిజెన్స్ తమదైన శైలిలో కామెంట్ల వర్షం కురిపిస్తున్నారు.
Things are heating up between krunal pandya and mukul 🥶#RCBvsLSG pic.twitter.com/dKwwo242v2
— Nafees (@Nafees_22) April 15, 2026