Vaibhav Vs GT: వైభవ్ను బోల్తా కొట్టించే ప్లాన్స్ రెడీ.. అద్భుత ప్రణాళికతో బరిలోకి గుజరాత్ టైటాన్స్..
- Follow Us :
-
-
Add as a preferred
source on google
ఐపీఎల్ 2026 సీజన్లో తన అద్భుతమైన బ్యాటింగ్తో అందరి దృష్టిని ఆకర్షించిన యువ సంచలనం వైభవ్ సూర్యవంశీ ఆటతీరుపై టీమిండియా ఆటగాడు ధ్రువ్ జురెల్ ఆసక్తికర వ్యాఖ్యలు చేశాడు. వైభవ్ సాధిస్తున్న విజయాల వెనుక ఉన్న అసలు రహస్యాన్ని జురెల్ బయటపెట్టాడు. వైభవ్ మైదానంలోకి వెళ్లేటప్పుడు ఎలాంటి ముందస్తు ప్రణాళికలు (ప్లాన్స్) వేసుకోడని, కేవలం తన సహజసిద్ధమైన ఆటపైనే ఆధారపడతాడని జురెల్ తెలిపాడు.
“వైభవ్ దేనికీ ప్రత్యేకంగా ప్లాన్ వేసుకోడు. ఎల్లప్పుడూ తనను తాను నమ్ముకుంటాడు. మ్యాచ్ పరిస్థితులకు తగ్గట్టుగా ఎలా ఆడాలో అతనికి బాగా తెలుసు. నెట్స్లో చాలా ఎక్కువగా, కఠినంగా ప్రాక్టీస్ చేస్తాడు. ఆ కష్టమే అతడిని మైదానంలో భయం లేకుండా ఆడేలా చేస్తోంది” అని జురెల్ పేర్కొన్నాడు.
మే 29న క్వాలిఫయర్ 2..
మరోవైపు, మే 29న జరగబోయే కీలకమైన క్వాలిఫయర్ 2 మ్యాచ్ కోసం గుజరాత్ టైటాన్స్ (GT) జట్టు సరికొత్త, ప్రత్యేక ప్రణాళికతో బరిలోకి దిగుతోంది. ఈ సీజన్లో సంచలన ఫామ్లో ఉన్న వైభవ్ సూర్యవంశీని వీలైనంత త్వరగా అవుట్ చేయడానికి జీటీ (GT) మేనేజ్మెంట్ పక్కా ప్లాన్ సిద్ధం చేసినట్లు క్రీడా వర్గాలు చెబుతున్నాయి.
వైభవ్ క్రీజులో సెట్ అయితే మ్యాచ్ను ఏకపక్షంగా మార్చేస్తాడని గుజరాత్ బౌలింగ్ విభాగం అప్రమత్తమైంది. అతడి బలహీనతలను టార్గెట్ చేస్తూ ప్రత్యేకమైన లైన్ అండ్ లెంగ్త్తో బౌలింగ్ చేయడానికి జీటీ వ్యూహకర్తలు ప్రణాళికలు రచిస్తున్నారు. వైభవ్ను త్వరగా పెవిలియన్ చేరిస్తేనే మ్యాచ్పై పట్టు సాధించవచ్చని గుజరాత్ భావిస్తోంది. ఈ నేపథ్యంలో, మే 29న జరగబోయే క్వాలిఫయర్ 2 పోరులో వైభవ్ సూర్యవంశీ సహజ ఆటతీరుకు, గుజరాత్ టైటాన్స్ వ్యూహాలకు మధ్య గట్టి పోటీ జరగడం ఖాయంగా కనిపిస్తోంది.
అంతే కాకుండా.. రాజస్థాన్ రాయల్స్ యువ సంచలనం వైభవ్ సూర్యవంశీని అడ్డుకునేందుకు గుజరాత్ టైటాన్స్ (GT) సహాయక కోచ్ పార్థివ్ పటేల్ ప్రత్యేక వ్యూహాలు సిద్ధం చేస్తున్నట్లు ప్రకటించారు. ఈ సీజన్లో 15 ఇన్నింగ్స్ల్లో 242.85 స్ట్రైక్ రేట్తో, 65 సిక్సర్లతో 680 పరుగులు చేసి వైభవ్ ఫామ్లో ఉన్నాడు.
అతడిని త్వరగా అవుట్ చేయడానికి తాము వీడియోలను నిశితంగా పరిశీలించామని, మైదానంలో ఆ ప్రణాళికలను అమలు చేస్తామని పార్థివ్ పటేల్ మీడియాకు తెలిపారు. మే 29న న్యూ చండీగఢ్లో డిఫెండింగ్ ఛాంపియన్ ఆర్సీబీ (RCB)తో ఫైనల్ పోరు కోసం గుజరాత్ టైటాన్స్, రాజస్థాన్ రాయల్స్ జట్లు క్వాలిఫయర్ 2లో తలపడనున్నాయి. వైభవ్ లాంటి ప్రతిభావంతుడైన ఆటగాడిని ఆపడమే తమ ప్రధాన లక్ష్యమని గుజరాత్ బౌలింగ్ విభాగం స్పష్టం చేసింది.