Ruturaj Gaikwad: “అలా చేసినందుకు నాకేమీ పశ్చాత్తాపం లేదు”.. చెన్నై ఘోర పరాజయంపై కెప్టెన్ రియాక్షన్..
- Follow Us :
-
-
Add as a preferred
source on google
Ruturaj Gaikwad: ఐపీఎల్ 2026 సీజన్ చెన్నై సూపర్ కింగ్స్(CSK)కు నిరాశగా మారింది. నిన్న(గురువారం) గుజరాత్ టైటాన్స్ చేతిలో ఘోర పరాజయం పాలైంది. ఈ మ్యాచ్లో ముందుగా బ్యాటింగ్ చేసిన గుజరాత్ టైటాన్స్ 20 ఓవర్లలో 4 వికెట్లకు 229 పరుగులు చేసింది. ఛేజింగ్ బరిలోకి దిగిన చెన్నై 140 పరుగులకే కుప్పకూలింది. ఇక ఈ మ్యాచ్ అనంతరం చెన్నై సూపర్ కింగ్స్ (CSK) కెప్టెన్ రుతురాజ్ గైక్వాడ్ తమ జట్టు ఓటమిపై ఎంతో పరిణతితో, నిజాయితీగా స్పందించాడు. 230 పరుగుల భారీ లక్ష్యాన్ని చేధించే క్రమంలో వీలైనంత త్వరగా ఆ టార్గెట్ను రీచ్ అవ్వాలనేదే తమ వ్యూహమని గైక్వాడ్ చెప్పాడు. ప్రత్యర్థి జట్టుకున్న బలమైన బౌలింగ్ దాడిని తట్టుకుని 20 ఓవర్లలో 230 పరుగులు చేయడం ఎలాగూ అంత సులువు కాదని తమకు తెలుసని, అందుకే భయం లేకుండా మైదానంలోకి వెళ్లి స్వేచ్ఛగా బ్యాటింగ్ చేస్తూ ఒక ప్రయత్నం చేయాలని అనుకున్నట్లు తెలిపాడు. అయితే ఈ మ్యాచ్లో గుజరాత్ టైటాన్స్ అన్ని బ్యాటింగ్, బౌలింగ్లో తమ కంటే మెరుగ్గా రాణించి గెలిచిందని, ఆ క్రెడిట్ అంతా వారికే దక్కుతుందని రుతురాజ్ ఒప్పుకున్నాడు.
టాస్ గెలిచి మొదట ఫీల్డింగ్ ఎంచుకున్నందుకు తనకేమీ పశ్చాత్తాపం లేదని గైక్వాడ్ స్పష్టం చేశాడు. మ్యాచ్ ప్రారంభంలో పిచ్ కొద్దిగా స్పాంజీగా (బంతి కాస్త నెమ్మదిగా రావడం) అనిపించిందని చెప్పాడు. అయితే ప్రత్యర్థి ఓపెనర్లు ఇద్దరూ అద్భుతమైన ఫామ్లో ఉండి ఒక్కసారి జోరు అందుకుంటే వారిని ఆపడం చాలా కష్టమని, తాము పవర్ప్లేలో బౌలింగ్ పరంగా కొన్ని తప్పులు చేసి ప్రణాళికలను సరిగ్గా అమలు చేయలేకపోయామని అన్నాడు. అయినప్పటికీ మ్యాచ్ మధ్యలో వారిని కట్టడి చేసేందుకు కొన్ని అవకాశాలు వచ్చాయని, సరిగ్గా ప్లాన్ చేసి ఉంటే వారిని 200 పరుగుల లోపే పరిమితం చేయగలిగేవారమని, కానీ ఆ పని చేయడంలో ఈరోజు విఫలమయ్యామని అంగీకరించాడు.
Also Read
- Angry On Vaibhav: ‘వెళ్లి ఐపీఎల్ ఆడుకోపో.. నీకు అంతర్జాతీయ క్రికెట్ అనవసరం’.. వైభవ్పై తీవ్ర ఆగ్రహం..
- NKR: ‘చిన్న మార్పు చేశాను.. సక్సెస్ అయ్యాను’.. నితీష్ కుమార్ రెడ్డి సంచలన వ్యాఖ్యలు..
- Vaibhav Batting: ఎట్టకేలకు వైభవ్ బ్యాటింగ్ సీక్రెట్ రివీల్ చేసిన కోచ్.. అందరూ ఇది ఫాలో అవుతారేమో ఇక..
- Kane Williamson: ఆరెంజ్ ఆర్మీ గుండెల్లో ‘కేన్ మామ’.. ఒంటిచేత్తో SRHను ఫైనల్కు చేర్చిన క్షణాలు..
ఈ ఐపీఎల్ సీజన్ మొత్తాన్ని విశ్లేషిస్తూ.. తమకు ఇదొక కఠినమైన ప్రయాణమని గైక్వాడ్ పేర్కొన్నాడు. ముఖ్యంగా సీజన్ ఆరంభంలోనే వరుసగా మూడు మ్యాచ్ల్లో ఓడిపోవడం దెబ్బతీసిందన్నాడు. జట్టును గాయాల సమస్యలు పదే పదే వేధించాయని ఆవేదన వ్యక్తం చేశాడు. ముఖ్యంగా జేమీ ఓవర్టన్, అలాగే ఆల్రౌండర్ రామకృష్ణ ఘోష్ లాంటి కీలక ఆటగాళ్లు గాయాల వల్ల దూరం కావడం తమ ప్లేయింగ్ 12 సమతుల్యతను పూర్తిగా దెబ్బతీసిందని చెప్పాడు. దీనివల్ల గత మూడు మ్యాచ్ల్లో తాము ఒక బ్యాటర్ తక్కువగానో లేదా ఒక బౌలర్ తక్కువగానో ఆడాల్సి వచ్చిందని వివరించాడు. ప్రస్తుతం తమది ఒక యువ జట్టు అని, ఒక ట్రాన్సిషన్ (మార్పు) దశలో ఉన్నామనే వాస్తవాన్ని చాలామంది ఒప్పుకోరని రుతురాజ్ వ్యాఖ్యానించాడు. ఇలాంటి అత్యంత కఠినమైన లీగ్లో ఆడేందుకు తమ జట్టులో ఎక్కువ మందికి తగినంత అనుభవం లేదని చెప్పాడు. జట్టులోని దాదాపు ఎనిమిది నుంచి పది మంది ఆటగాళ్లు కనీసం 20 ఐపీఎల్ మ్యాచ్లు కూడా ఆడలేదని, అయితే ఈ సీజన్ ద్వారా వారికి లభించిన ఎక్స్పోజర్ (అనుభవం) చాలా మంచిదని అభిప్రాయపడ్డాడు. తాము ఏయే విభాగాల్లో వెనుకబడి ఉన్నామో తెలుసుకోవడానికి ఇది ఉపయోగపడిందన్నాడు. ఇన్ని సవాళ్లు ఉన్నప్పటికీ హోమ్ గ్రౌండ్ బయట ఆరు మ్యాచ్లు గెలవడం, అందులో కొన్ని అద్భుతమైన విజయాలు సాధించడం పట్ల గైక్వాడ్ సంతోషం వ్యక్తం చేశాడు. తమ జట్టు ప్రదర్శన పట్ల తనకు ఎంతో గర్వంగా ఉందన్నాడు.
తాజావార్తలు
-
Koti Deepotsavam 2026 : కోటి దీపోత్సవంలో మరో అద్భుత ఘట్టం.. కనులపండువగా లక్ష్మీనృసింహుడి కల్యాణం
-
Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
-
‘RAPO23’ లో ఊహించని ట్విస్ట్ ఇదేనట! విలన్గా ఆ సీనియర్ స్టార్?
-
TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
-
CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!