IPL 2026 Playoffs Scenario: ప్లేఆఫ్స్ రేసు మరింత హీట్.. టాప్లో ఆర్సీబీ.. 8 జట్ల అవకాశాలు ఇలా!
- ఐపీఎల్ 2026 ప్లేఆఫ్స్ రేసు మరింత హీట్
- ప్లేఆఫ్స్ రేసు నుంచి తప్పుకున్న ముంబై, లక్నో
- టాప్-4 కోసం పోటీలో ఇంకా 8 జట్లు
- Follow Us :
-
-
Add as a preferred
source on google
IPL 2026 Playoffs Scenario: ఇండియన్ ప్రీమియర్ లీగ్ (ఐపీఎల్) 2026 సీజన్లో ప్లేఆఫ్స్ రేసు మరింత ఉత్కంఠభరితంగా మారింది. ఆదివారం ముంబై ఇండియన్స్పై ఉత్కంఠభరిత విజయంతో రాయల్ ఛాలెంజర్స్ బెంగళూరు (ఆర్సీబీ) పాయింట్ల పట్టికలో అగ్రస్థానానికి ఎగబాకింది. వరుసగా మూడు మ్యాచ్లు ఓడిపోయే పరిస్థితి నుంచి బయటపడింది. ముంబైపై చివరి ఓవర్లో 15 పరుగులు చేసి గెలిచిన ఆర్సీబీ.. ప్లేఆఫ్స్కు మరింత చేరువైంది. వరుస ఓటములను ఎదుర్కొన్న ముంబై, లక్నో సూపర్ జెయింట్స్ జట్లు అధికారికంగా ప్లేఆఫ్స్ రేసు నుంచి తప్పుకున్నాయి. అయినప్పటికీ ఇంకా 8 జట్లు టాప్-4 కోసం పోటీలో ఉన్నాయి.
అగ్రస్థానంలో ఆర్సీబీ:
ప్రస్తుతం 11 మ్యాచ్ల్లో 14 పాయింట్లతో ఆర్సీబీ అగ్రస్థానంలో ఉంది. +1.103 నెట్ రన్రేట్తో ఇతర జట్ల కంటే మెరుగైన స్థితిలో నిలిచింది. అయితే అధికారికంగా ప్లేఆఫ్స్ బెర్త్ ఖరారు కావాలంటే ఇంకా రెండు విజయాలు అవసరం. సాధారణంగా 16 పాయింట్లు ప్లేఆఫ్స్కు సరిపోతాయి కాబట్టి ఒక విజయం కూడా సరిపోతుంది. ఇక ఆర్సీబీ మిగిలిన మ్యాచ్లన్నీ గెలిస్తే టాప్-2లో నిలిచి క్వాలిఫయర్-1కు నేరుగా అర్హత సాధించే అవకాశం ఉంది.
Also Read
- IPL 2027: సన్రైజర్స్తో సీఎస్కే భారీ ట్రేడ్ డీల్.. లివింగ్స్టోన్తో పాటు మరో ఆల్రౌండర్ జట్టులోకి..?
- SRHకి నటరాజన్ రీఎంట్రీ.. రూ.10.75 కోట్ల నుంచి రూ.5 కోట్లకు తగ్గి మరీ..!
- Yuvraj Singh: సిక్సర్ల రాజు యువీ రీఎంట్రీ.. బ్యాటింగ్ కోచ్గా బాధ్యతలు!
- CSK కొత్త హెడ్ కోచ్గా మాజీ టీమిండియా పేసర్.. IPL 2027కు కీలక మార్పు
హైదరాబాద్ రెండు గెలిస్తే:
సన్రైజర్స్ హైదరాబాద్ కూడా 14 పాయింట్లతోనే ఉన్నప్పటికీ నెట్ రన్రేట్ (+0.737)లో ఆర్సీబీ కంటే వెనుకబడి ఉంది. చివరి మూడు మ్యాచ్ల్లో రెండు గెలిస్తే.. ప్లేఆఫ్స్ బెర్త్ ఖాయం అవుతుంది. మే 22న ఆర్సీబీతో జరిగే మ్యాచ్ టాప్-2 స్థానాలపై కీలక ప్రభావం చూపే అవకాశముంది. గుజరాత్ టైటాన్స్ కూడా 14 పాయింట్లతో పోటీలో ఉంది. అయితే వారి నెట్ రన్రేట్ (+0.228) తక్కువగా ఉండటంతో మరో రెండు విజయాలు అవసరం. మే 12న ఎస్ఆర్హెచ్తో జరిగే మ్యాచ్ గుజరాత్కు కీలకంగా మారనుంది.
అనుకూల స్థితిలో పంజాబ్:
పంజాబ్ కింగ్స్ ప్రస్తుతం అత్యంత అనుకూల స్థితిలో ఉన్న జట్టుగా కనిపిస్తోంది. 10 మ్యాచ్ల్లోనే 13 పాయింట్లు సాధించిన పంజాబ్.. ఇంకా నాలుగు మ్యాచ్లు ఆడాల్సి ఉంది. అందులో రెండు గెలిస్తే 17 పాయింట్లతో ప్లేఆఫ్స్ దాదాపు ఖాయం చేసుకుంటుంది.
చెన్నైకి కనీసం రెండు విజయాలు:
ఐదుసార్లు ఛాంపియన్ అయిన చెన్నై సూపర్ కింగ్స్ మాత్రం కఠిన పరిస్థితుల్లో ఉంది. సీఎస్కే ప్రస్తుతం 12 పాయింట్లతో ఉంది. మిగిలిన మూడు మ్యాచ్ల్లో కనీసం రెండు గెలవాల్సిన అవసరం ఉంది. అయితే వారి నెట్ రన్రేట్ (+0.185) పెద్దగా మెరుగ్గా లేకపోవడంతో అన్ని మ్యాచ్లు గెలిస్తేనే అవకాశం ఉంది.
ఒత్తిడిలో రాజస్థాన్:
రాజస్థాన్ రాయల్స్ కూడా 12 పాయింట్లతో సీఎస్కేతో సమానంగా ఉన్నప్పటికీ.. నెట్ రన్రేట్ (+0.082) తక్కువగా ఉంది. గత నాలుగు మ్యాచ్ల్లో మూడు ఓటములు చవిచూడడంతో ఆ జట్టుపై ఒత్తిడి పెరిగింది. సీఎస్కేతో కలిసి నాలుగో ప్లేఆఫ్స్ స్థానం కోసం రాజస్థాన్ పోరాడే అవకాశం ఉంది. ఇక కోల్కతా నైట్ రైడర్స్ పరిస్థితి మరింత క్లిష్టంగా మారింది. మిగిలిన నాలుగు మ్యాచ్లన్నీ గెలిస్తేనే 17 పాయింట్లతో ప్లేఆఫ్స్ ఆశలు నిలుస్తాయి. ఒక్క ఓటమి ఎదురైనా కేకేఆర్ దాదాపు ఇంటికి వచ్చేస్తుంది.
కఠినంగా ఢిల్లీ పరిస్థితి:
ఢిల్లీ క్యాపిటల్స్ పరిస్థితి గణితపరంగా మాత్రమే ఆశాజనకంగా ఉంది. ప్రస్తుతం వారి నెట్ రన్రేట్ (-1.154) దారుణంగా ఉంది. మిగిలిన అన్ని మ్యాచ్లు భారీ తేడాతో గెలవడంతో పాటు ఇతర జట్ల ఫలితాలు కూడా తమకు అనుకూలంగా రావాలి.
ముంబై, లక్నో అవుట్:
ముంబై ఇండియన్స్, లక్నో సూపర్ జెయింట్స్ జట్లు ఇప్పటికే ప్లేఆఫ్స్ రేసు నుంచి నిష్క్రమించాయి. దీంతో ఐపీఎల్ 2026 ప్లేఆఫ్స్ పోరు ఇప్పుడు మరింత రసవత్తరంగా మారింది.
తాజావార్తలు
-
David Warner: “పాపం.. పాట్ కమిన్స్ అతడిని బలిపశువును చేశాడు”.. కెప్టెన్పై వార్నర్ సంచలన ఆరోపణలు
-
IND vs NZ 4th ODI: టీమిండియాకు వరుస షాక్స్.. మొదటి ఓవర్లోనే ముగ్గురు స్టార్ బ్యాటర్లు డకౌట్!
-
Pete Hegseth: రక్షణ మంత్రినే మందలించిన సైనికుడికి అరుదైన గౌరవం.. స్వయంగా మెడల్ అందజేత!
-
CII Partnership Summit 2026: ఏపీకి భారీ పెట్టుబడుల వెల్లువ.. రెండో రోజు రూ.1.41 లక్షల కోట్ల ఒప్పందాలు..
-
Rohit Sharma Record: 12 ఏళ్లయినా చెక్కుచెదరని హిట్మ్యాన్ రికార్డు.. చేరువలోనూ ఎవరూ లేరు!
ట్రెండింగ్
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?
-
Moringa Soup: ఖరీదైన స్కిన్ కేర్ ప్రొడక్ట్స్ వద్దు.. వింటర్లో బుగ్గలపై సహజమైన ఎరుపుదనం తెచ్చే సూప్ ఇదే..
-
Cigarette Prices Hike: ధూమపాన ప్రియులకు షాక్.. మరోసారి సిగరెట్ల ధరల బాదుడు..! ఒక్క ప్యాకెట్పై ఏకంగా..
-
Kusal Mendis: విమర్శకుల నోళ్లు మూయించిన కుశాల్ మెండిస్.. 13,000 పరుగుల మైలురాయిని అందుకున్న ఆటగాడిగా ఘనత..!