Cameron Green Trolls: 18, 2, 4.. 25 కోట్లు బొక్క.. కామెరూన్‌ గ్రీన్‌ను ఎలిమినేట్ చేయండి సర్!

ఆస్ట్రేలియా ఆల్‌రౌండర్‌ కామెరూన్‌ గ్రీన్‌ ఐపీఎల్ 2026 సీజన్‌లో విఫలమవుతున్నాడు. కోల్‌కతా నైట్ రైడర్స్ (కేకేఆర్) తరఫున ఆశించిన స్థాయిలో ప్రదర్శన ఇవ్వలేకపోతున్నాడు. భారీ అంచనాల మధ్య జట్టులోకి వచ్చిన గ్రీన్.. తక్కువ స్కోర్లకే పెవిలియన్ చేరుతూ పూర్తిగా నిరాశపరుస్తున్నాడు. ముంబై ఇండియన్స్‌పై జరిగిన మొదటి మ్యాచ్‌లో 10 బంతుల్లో 18 పరుగులు చేశాడు. సన్‌రైజర్స్ హైదరాబాద్‌పై 2 బంతుల్లో 2 పరుగులు మాత్రమే చేసి అవుట్ అయ్యాడు. ఈరోజు పంజాబ్ కింగ్స్‌పై 2 బంతుల్లో 4 పరుగులు చేసి పెవిలియన్ చేరాడు.

వరుసగా మూడు మ్యాచ్‌ల్లో కామెరూన్‌ గ్రీన్‌ ప్రదర్శన చెత్తగా ఉంది. దాంతో కేకేఆర్ అభిమానులు సోషల్ మీడియాలో గ్రీన్‌పై తీవ్ర అసంతృప్తి వ్యక్తం చేస్తున్నారు. జట్టుకు కీలక సమయాల్లో రాణించలేకపోతున్నాడని విమర్శిస్తున్నారు. రూ.25 కోట్లు భారీ ధరకు కొనుగోలు చేసిన ఆటగాడు.. జట్టుకు ఏమాత్రం ఉపయోగపడడం లేదని అభిమానులు సోషల్ మీడియాలో కామెంట్స్ చేస్తున్నారు. 25 కోట్లు బొక్క, గ్రీన్‌ను ఎలిమినేట్ చేయండి సర్ అంటూ తీవ్ర అసంతృప్తి వ్యక్తం చేస్తున్నారు.

Also Read: AP Weather Forecast: ఏపీలో విభిన్న వాతావరణ పరిస్థితులు.. రెండు రోజులు వర్షాలు, వడగాలులు!

ఐపీఎల్‌ 2026 మినీ వేలంలో కామెరూన్‌ గ్రీన్‌కు కాసుల వర్షం కురిసింది. అతడు బేస్‌ ప్రైస్‌ రూ.2 కోట్లు కాగా.. రూ.25.20 కోట్లు వెచ్చించి కేకేఆర్ దక్కించుకుంది. దీంతో అత్యధిక ధర పలికిన విదేశీ ఆటగాడిగా రికార్డు సృష్టించాడు. ఎన్నో అంచనాల మధ్య గ్రీన్‌ ఐపీఎల్ 2026లో అడుగుపెట్టాడు. ఇప్పటివరకు ఆడిన మూడు మ్యాచ్‌ల్లో 18, 2, 4 రన్స్ చేశాడు. దాంతో అతడిపై ట్రోల్స్ మొదలయ్యాయి. కొంతమంది అభిమానులు గ్రీన్‌ను ప్లేయింగ్ ఎలెవన్ నుంచి తప్పించాలని డిమాండ్ చేస్తున్నారు. అతని స్థానంలో యువ ఆటగాళ్లకు అవకాశం ఇవ్వాలని కోరుతున్నారు. చూడాలి మరి కేకేఆర్ మేనేజ్మెంట్ ఏ నిర్ణయం తీసుకుంటుందో.