Axar Patel: మిచెల్ స్టార్క్తో చర్చ.. ఆసక్తికర సమాధానం చెప్పిన అక్షర్ పటేల్!
- కీలక విజయాన్ని అందుకున్న ఢిల్లీ క్యాపిటల్స్
- డీసీ ప్లేఆఫ్స్ ఆశలు సజీవం
- ఆర్ఆర్ ప్లేఆఫ్స్ అవకాశాలు మరింత సంక్లిష్టం
- Follow Us :
-
-
Add as a preferred
source on google
Axar Patel Reveals Interesting Chat With Mitchell Starc: ఇండియన్ ప్రీమియర్ లీగ్ (ఐపీఎల్) 2026లో ఢిల్లీ క్యాపిటల్స్ (డీసీ) మరో కీలక విజయాన్ని అందుకుంది. ఆదివారం అరుణ్ జైట్లీ స్టేడియం వేదికగా రాజస్థాన్ రాయల్స్ (ఆర్ఆర్)తో జరిగిన మ్యాచ్లో డీసీ 5 వికెట్ల తేడాతో ఘన విజయం సాధించింది. 194 పరుగుల లక్ష్యాన్ని ఢిల్లీ 19.2 ఓవర్లలో 5 వికెట్లు కోల్పోయి ఛేదించింది. ఈ విజయంతో డీసీ తన ప్లేఆఫ్స్ ఆశలను సజీవంగా ఉంచుకుంది. మరోవైపు వరుస ఓటములతో ఆర్ఆర్ ప్లేఆఫ్స్ అవకాశాలు మరింత క్లిష్టంగా మారాయి.
మ్యాచ్ అనంతరం ఢిల్లీ కెప్టెన్ అక్షర్ పటేల్ మాట్లాడుతూ.. ‘వరుస పరాజయాల తర్వాత సొంత మైదానంలో విజయం సాధించడం చాలా సంతోషంగా ఉంది. ఈ సీజన్లో ఇది మా చివరి హోమ్ మ్యాచ్ కావడంతో మరింత ప్రత్యేకంగా అనిపిస్తోంది. అభిమానులు మాకు మద్దతుగా ఉన్నారు. ఈ విజయం ఎంతో ఆనందాన్ని ఇస్తుంది. ఈరోజు ఓపెనింగ్ భాగస్వామ్యం బాగుండటంతో తర్వాత వచ్చిన బ్యాటర్లు మ్యాచ్ను ఫినిష్ చేయగలిగారు. ఇంతకుముందు ఓటముల్లో వికెట్లు వరుసగా పడిపోవడం మాకు పెద్ద సమస్యగా మారింది. కానీ ఈ మ్యాచ్లో ఒక్కో వికెట్ పడిన తర్వాత మరో భాగస్వామ్యం ఏర్పడింది. అదే విజయానికి కారణమైంది’ అని తెలిపాడు.
Also Read
- IPL 2027-SRH: నకిలీ బౌలింగ్తో ఇన్నాళ్లు కొనసాగాడు.. తుది జట్టులోకి ఎలా వస్తాడో అర్థం కావడం లేదు!
- IPL 2027: ఆల్ క్యాష్ ట్రేడ్.. సగం ధరకే రెండుసార్లు పర్పుల్ క్యాప్ విజేతను వదులుకున్న ఎస్ఆర్హెచ్!
- IPL 2027: సన్రైజర్స్తో సీఎస్కే భారీ ట్రేడ్ డీల్.. లివింగ్స్టోన్తో పాటు మరో ఆల్రౌండర్ జట్టులోకి..?
- SRHకి నటరాజన్ రీఎంట్రీ.. రూ.10.75 కోట్ల నుంచి రూ.5 కోట్లకు తగ్గి మరీ..!
డీసీ బౌలింగ్ యూనిట్పై కూడా అక్షర్ పటేల్ ప్రశంసలు కురిపించాడు. ‘పవర్ప్లేలో పరుగులు ఇచ్చినా.. మిడిల్ ఓవర్లలో బౌలర్లు అద్భుతంగా పుంజుకున్నారు. ఈ సీజన్లో చాలా మ్యాచ్ల్లో మేము బలమైన కంబ్యాక్ ఇచ్చాం. పవర్ప్లేలో పరుగులు వచ్చినా.. ఆ తర్వాత మా బౌలర్లు బాగా బౌలింగ్ చేశారు. స్ట్రాటజిక్ టైమ్అవుట్ సమయంలో కూడా మ్యాచ్ ఇప్పుడే మొదలైందని, ఎప్పుడైనా ప్రత్యర్థి ఎదురుదాడి చేయొచ్చని మాట్లాడుకుంటాం. ఆ తర్వాత ఒకే ఓవర్లో మూడు వికెట్లు పడడం మ్యాచ్ను మలుపు తిప్పింది. ముఖ్యంగా 14వ ఓవర్ తర్వాత బౌలర్లు చెలరేగారు. మా బౌలర్లు పరిస్థితులకు తగ్గట్టు ప్రణాళికలను మార్చుకుని సక్సెస్ అయ్యారు’ అని అక్షర్ వివరించాడు.
మిచెల్ స్టార్క్తో జరిగిన చర్చల గురించి అడగగా అక్షర్ పటేల్ ఆసక్తికర సమాధానం ఇచ్చాడు. ‘ఆ సమయంలో కొత్త బ్యాటర్కు ఏ ఫీల్డ్ సెట్ చేయాలన్నదే ప్రధాన చర్చ. నేను స్టార్క్ను అభినందించాను. తర్వాత కొత్త బ్యాటర్కు ఎలాంటి బంతులు వేయాలనుకుంటున్నాడో అడిగి దానికి అనుగుణంగా ఫీల్డింగ్ సెట్ చేశాం. ఆ తర్వాత నేను చాలా దూరంగా వెళ్లాను. నా అదృష్టం క్యాచ్ అక్కడే వచ్చింది’ అని తెలిపాడు. మొత్తానికి ఈ విజయంతో ఢిల్లీ మళ్లీ ప్లేఆఫ్స్ రేసులోకి వచ్చింది. చివరి హోమ్ మ్యాచ్లో అభిమానులకు అద్భుతమైన గిఫ్ట్ ఇచ్చిన డీసీ.. ఇప్పుడు మిగిలిన మ్యాచ్లపై పూర్తి దృష్టి పెట్టనుంది.
తాజావార్తలు
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!
-
OTR : బంగారం, వెండి ధరలు ఎందుకు తగ్గుతున్నాయి? విలువైన లోహాల భవిష్యత్తు ఎలా ఉండబోతోంది?
-
Warangal Projects : వరంగల్కు భారీ ప్రాజెక్టులు.. సీఎం రేవంత్ కీలక సమీక్ష
-
Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!