IND vs BAN: నేడు టీమిండియాకు కీలక మ్యాచ్.. గెలవకుంటే ఇంటికే.. కొడితే గట్టిగా కొట్టాల్సిందే!
- నేడు బంగ్లాదేశ్తో భారత్ కీలక పోరు
- కొడితే గట్టిగా కొట్టాల్సిందే
- బంగ్లాపై గెలవకుంటే టీమిండియా ఇంటికే
- Follow Us :
-
-
Add as a preferred
source on google
India’s Semi-Final Hopes on the Line as Bangladesh Challenge Awaits: మహిళల టీ20 ప్రపంచకప్ 2026లో భారత జట్టు కీలక మ్యాచ్ ఆడేందుకు సిద్దమైంది. దక్షిణాఫ్రికాపై ఓటమి పాలై సెమీస్ అవకాశాలను సంక్లిష్టం చేసుకున్న హర్మన్ప్రీత్ సేన.. ఈరోజు బంగ్లాదేశ్ను ఢీకొనబోతోంది. సెమీస్ చేరాలంటే భారత్ మిగతా రెండు మ్యాచ్ల్లోనూ గెలవాలి. చివరి మ్యాచ్ పటిష్ట ఆస్ట్రేలియాతో భారత్ ఆడాల్సి ఉంది. ఆసీస్ జట్టును ఓడించడం అంత తేలిక కాదు. ఒకవేళ గెలిచినా భారీ తేడాతో విజయం అంటే ఇంకా కష్టమే. కాబట్టి ఈరోజు బంగ్లాదేశ్ను బలంగా కొట్టాల్సిన పరిస్థితి ఏర్పడింది. భారీ తేడాతో గెలిచి నెట్ రన్రేట్ను మెరుగుపరుచుకోవడం ఇప్పుడు హర్మన్ప్రీత్ సేనకు తప్పనిసరి.
మిడిల్ ఆర్డర్ ఆందోళన:
ఈరోజు భారత జట్టు కొన్ని బలహీనతలను అధిగమించి పూర్తి స్థాయి ప్రదర్శన చేయాల్సిన అవసరం ఉంది. నెదర్లాండ్స్పై మినహాయిస్తే బ్యాటర్లు ఆశించిన స్థాయిలో రాణించలేదు. ఓపెనర్లు స్మృతి మంధాన, షెఫాలీ వర్మ అద్భుత ఆరంభాలు అందిస్తున్నారు. ఈ ఇద్దరూ పవర్ప్లేలో వేగంగా పరుగులు సాధిస్తూ జట్టుకు బలమైన పునాది వేస్తున్నారు. అయితే ఆ తర్వాత వచ్చే మిడిల్ ఆర్డర్ ప్రదర్శన మాత్రం ఆందోళన కలిగిస్తోంది. మంచి ఆరంభాలను భారీ స్కోర్లుగా మలచడంలో భారత బ్యాటర్లు విఫలమవుతున్నారు. మధ్య ఓవర్లలో పరుగుల వేగం తగ్గిపోవడంతో చివర్లో రిచా ఘోష్, దీప్తి శర్మలపై అధిక భారం పడుతోంది. బలమైన జట్లపై ఈ బలహీనత భారత్కు ప్రమాదకరంగా మారే అవకాశం ఉంది. హర్మన్ప్రీత్, జెమీమా జోరందుకోవాల్సి ఉంది.
Also Read
- IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
- IND vs NZ 1st Test: తొలి టెస్టుకు టీమిండియా ప్లేయింగ్ కాంబినేషన్ ఖరారు.. గిల్ కీలక వ్యాఖ్యలు!
- IPL 2027-SRH: నకిలీ బౌలింగ్తో ఇన్నాళ్లు కొనసాగాడు.. తుది జట్టులోకి ఎలా వస్తాడో అర్థం కావడం లేదు!
- IPL 2027: ఆల్ క్యాష్ ట్రేడ్.. సగం ధరకే రెండుసార్లు పర్పుల్ క్యాప్ విజేతను వదులుకున్న ఎస్ఆర్హెచ్!
తెలుగమ్మాయిపై భారీ అంచనాలు:
దక్షిణాఫ్రికాతో జరిగిన మ్యాచ్లో భారత జట్టు మరో సమస్య కూడా బయటపడింది. 25 పరుగులకే రెండు వికెట్లు తీసినా.. ఫీల్డింగ్లో కీలక అవకాశాలను చేజార్చుకోవడంతో మ్యాచ్పై పట్టు కోల్పోయింది. నాకౌట్ దశకు చేరువవుతున్న ఈ సమయంలో ఇలాంటి తప్పిదాలు ఏమాత్రం ఆమోదయోగ్యం కావు. పేస్ బౌలింగ్లో భారత్ మెరుగుపడాల్సిన అవసరముంది. తెలుగమ్మాయి శ్రీ చరణి అద్భుత స్పిన్ బౌలింగ్పై మరోసారి భారీ అంచనాలు ఉన్నాయి. మరోవైపు బంగ్లాదేశ్ జట్టు ఆత్మవిశ్వాసంతో బరిలోకి దిగుతోంది. పాకిస్థాన్, డిఫెండింగ్ ఛాంపియన్ న్యూజిలాండ్లపై విజయాలు సాధించడం ద్వారా తమ సామర్థ్యాన్ని నిరూపించింది. ఒకరిపై ఆధారపడకుండా సమష్టి కృషితో విజయాలు అందుకోవడం ఆ జట్టు ప్రత్యేకతగా నిలిచింది.
భారత్కు ఎంతో కీలకం:
భారత్కు ఈ మ్యాచ్ ఎంతో కీలకం. ఈ పోరులో విజయం సాధిస్తే సెమీఫైనల్ బెర్త్ దిశగా మరింత ముందడుగు వేయడంతో పాటు ఆస్ట్రేలియాతో జరగనున్న కీలక మ్యాచ్కు ముందు ఆత్మవిశ్వాసాన్ని పెంచుకుంటుంది. మరోవైపు బంగ్లాదేశ్ మరో సంచలన విజయం నమోదు చేస్తే గ్రూప్-ఏ సమీకరణాలు పూర్తిగా మారిపోయే అవకాశం ఉంది. భారత్ బ్యాటింగ్ విభాగంపైనే అందరి దృష్టి ఉన్నప్పటికీ..ఈ మ్యాచ్ ఫలితాన్ని ఒత్తిడి పరిస్థితులను ఎవరు మెరుగ్గా ఎదుర్కొంటారన్నదే నిర్ణయించే అవకాశముంది.
మ్యాచ్ వివరాలు:
సమయం: జూన్ 25, సాయంత్రం 7:00 గంటలకు (భారత కాలమానం ప్రకారం)
వేదిక: ఓల్డ్ ట్రాఫోర్డ్, మాంచెస్టర్
లైవ్ స్ట్రీమింగ్: స్టార్ స్పోర్ట్స్ నెట్వర్క్
లైవ్ స్ట్రీమింగ్ యాప్: జియోహాట్స్టార్
జట్లు:
భారత్: హర్మన్ప్రీత్ కౌర్ (కెప్టెన్), స్మృతి మంధాన (వైస్ కెప్టెన్), యస్తిక భాటియా, భారతి ఫుల్మాలి, రిచా ఘోష్, షెఫాలీ వర్మ, జెమీమా రోడ్రిగ్స్, దీప్తి శర్మ, క్రాంతి గౌడ్, ప్రేమా రావత్, అరుంధతి రెడ్డి, రేణుకా సింగ్ ఠాకూర్, రాధా యాదవ్, నందిని శర్మ, శ్రీ చరణి.
బంగ్లాదేశ్: నిగర్ సుల్తానా (కెప్టెన్), నహిదా అక్తర్ (వైస్ కెప్టెన్), దిలారా అక్తర్, జువైరియా ఫిర్దౌస్, శోభనా మోస్తారీ, తేజ్ నెహార్, షర్మిన్ అక్తర్, రబేయా ఖాన్, రితు మోని, షోర్నా అక్తర్, ఫహిమా ఖాతున్, ఫరీహా త్రిస్నా, మారుఫా అక్తర్, సంజిదా అక్తర్ మేఘ్లా, సుల్తానా ఖాతున్.
తాజావార్తలు
-
Dhanush-Mammootty: మమ్ముట్టి సర్.. మరోసారి ఇలా రాకండి ప్లీజ్.. ధనుష్ కామెంట్స్ వైరల్!
-
ZP Chairman Elections: జెడ్పీ చైర్మన్ పదవులపై ఉత్కంఠ.. టీడీపీ, జనసేన, బీజేపీ మధ్య ఇంకా రాని క్లారిటీ..!
-
Electric Shock: విద్యుత్ తీగ తగిలి విద్యార్థిని మృతి, మరో బాలికకు గాయాలు..!
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
AP Panchayat Elections: తొలి దశ పంచాయతీ ఎన్నికలు.. నేటితో నామినేషన్లకు తెర
ట్రెండింగ్
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!