IND vs NZ 1st Test: తొలి టెస్టుకు టీమిండియా ప్లేయింగ్ కాంబినేషన్ ఖరారు.. గిల్ కీలక వ్యాఖ్యలు!
- Follow Us :
-
-
Add as a preferred
source on google
India Playing XI: న్యూజిలాండ్తో ఈ నెల 19 నుంచి ప్రారంభం కానున్న తొలి టెస్టు కోసం టీమిండియా ప్లేయింగ్ కాంబినేషన్పై కెప్టెన్ శుభ్మన్ గిల్ స్పందించాడు. వెల్లింగ్టన్లోని బేసిన్ రిజర్వ్ వేదికగా జరగనున్న ఈ మ్యాచ్లో భారత్ ఏడుగురు బ్యాటర్లు, నలుగురు ఫాస్ట్ బౌలర్లతో బరిలోకి దిగనున్నట్లు వెల్లడించాడు. ఈ మేరకు మంగళవారం నిర్వహించిన ప్రెస్ కాన్ఫరెన్స్లో జట్టు వ్యూహాన్ని గిల్ వివరించాడు. ఇప్పటికే టీ20, వన్డే సిరీస్లను గెలుచుకున్న భారత్.. టెస్టు సిరీస్ను కూడా సొంతం చేసుకుని న్యూజిలాండ్ పర్యటనలో హ్యాట్రిక్ విజయాలు నమోదు చేయాలని భావిస్తోంది.
‘న్యూజిలాండ్తో టెస్టు సిరీస్లో ఏడుగురు పూర్తిస్థాయి బ్యాటర్లతో ఆడాలని నిర్ణయించుకున్నాం. నలుగురు ఫాస్ట్ బౌలర్లతో బరిలోకి దిగుతాం. ఇటీవల ముగిసిన వన్డే సిరీస్లో యువ భారత పేసర్లు అద్భుతంగా రాణించారు. బౌలర్లందరూ మంచి ప్రదర్శన చేయడం వల్ల తుది జట్టును ఎంపిక చేసుకోవడం మాకు తలనొప్పిగా మారింది’ అని శుభ్మన్ గిల్ చెప్పాడు. ఇటీవల ముగిసిన వన్డే సిరీస్ను భారత్ 3-1తో గెలుచుకున్న విషయం తెలిసిందే. టెస్ట్ జట్టులో సీనియర్ పేసర్ జస్ప్రీత్ బుమ్రా తిరిగి చేరడం బౌలింగ్ విభాగానికి మరింత బలాన్నివ్వనుంది. మరోవైపు వన్డే సిరీస్లో ఆకట్టుకున్న యువ పేసర్ గుర్నూర్ బ్రార్ను టెస్టు జట్టులో కొనసాగిస్తూ.. స్పిన్నర్ కుల్దీప్ యాదవ్ను విడుదల చేశారు.
Also Read
- IPL 2027-SRH: నకిలీ బౌలింగ్తో ఇన్నాళ్లు కొనసాగాడు.. తుది జట్టులోకి ఎలా వస్తాడో అర్థం కావడం లేదు!
- IPL 2027: ఆల్ క్యాష్ ట్రేడ్.. సగం ధరకే రెండుసార్లు పర్పుల్ క్యాప్ విజేతను వదులుకున్న ఎస్ఆర్హెచ్!
- IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
- Virat Kohli: విరాట్ కోహ్లీకి ఏమైంది..11 ఏళ్లలో తొలిసారి ఇలా..
అయితే తుది జట్టులో ఏ నలుగురు పేసర్లకు అవకాశం కల్పిస్తారనే విషయంపై శుభ్మన్ గిల్ ఇంకా స్పష్టత ఇవ్వలేదు. ‘నలుగురు ఫాస్ట్ బౌలర్లు కావాలి. కానీ ఎవరిని ఎంపిక చేయాలనేది ఇంకా నిర్ణయించలేదు. మూడో రోజు నుంచి పిచ్ ఫ్లాట్గా మారుతుంది. కాబట్టి పిచ్పై బంతిని గట్టిగా వేయగల బౌలర్ అవసరం’ అని గిల్ వివరించాడు. ఇక వికెట్ కీపర్ బ్యాటర్ రిషభ్ పంత్ ఫామ్, ఫిట్నెస్పై వస్తున్న సందేహాలకు గిల్ తెరదించాడు. పంత్ విషయంలో తమకు ఎలాంటి సందిగ్ధత లేదని స్పష్టం చేశాడు. ‘పంత్ 50 టెస్టులు ఆడాడు. ప్రపంచంలోని వివిధ దేశాల్లో పరుగులు సాధించాడు. ఆస్ట్రేలియాలో కూడా సెంచరీ చేసిన వికెట్ కీపర్ అతడు. అలాంటి ఆటగాడి విషయంలో మాకు ఎలాంటి సందేహం లేదు’ అని పంత్కు మద్దతుగా నిలిచాడు.
భారత్, న్యూజిలాండ్ మధ్య తొలి టెస్టు నవంబర్ 19 నుంచి 23 వరకు వెల్లింగ్టన్లో జరగనుంది. రెండో టెస్టు నవంబర్ 27 నుంచి క్రైస్ట్చర్చ్లో ప్రారంభం కానుంది. టెస్టు సిరీస్లోనూ విజయాలు సాధించి వరల్డ్ టెస్ట్ ఛాంపియన్షిప్ పట్టికలో తమ స్థానాన్ని మెరుగుపర్చుకోవాలని టీమిండియా లక్ష్యంగా పెట్టుకుంది. శుభ్మన్ గిల్ ప్రకటించిన నాలుగు పేసర్ల వ్యూహం ఈ సిరీస్లో భారత విజయావకాశాలపై ఎలాంటి ప్రభావం చూపుతుందో చూడాలి.
తాజావార్తలు
-
IND vs NZ 1st Test: తొలి టెస్టుకు టీమిండియా ప్లేయింగ్ కాంబినేషన్ ఖరారు.. గిల్ కీలక వ్యాఖ్యలు!
-
CM Chandrababu Delhi Tour: మరోసారి ఏపీ సీఎం హస్తిన బాట.. కేంద్ర మంత్రులతో కీలక సమావేశాలు
-
Sai Pallavi & Sreeleela Dance: స్టేజ్పై డాన్స్ తో సందడి చేసిన స్టార్ హీరోయిన్స్.. వైరల్ వీడియో..!
-
Koti Deepotsavam 2026: కన్నుల పండుగగా కోటి దీపోత్సవం.. నాలుగో రోజు ప్రత్యేక కార్యక్రమాలు ఇవే..
-
Edible Oil Imports Surge: వంట నూనెల దిగుమతుల కోసం రూ.2 లక్షల కోట్లు ఖర్చు.. 24 శాతం పెరిగిన బిల్లు!
ట్రెండింగ్
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!