SRH vs GT: చితక్కొడుతున్న జీటీ.. 10 ఓవర్లలో స్కోరు ఇది!

Gujarat Titans Scored 103 In First 10 Overs Against SRH: సన్‌రైజర్స్ హైదరాబాద్‌తో జరుగుతున్న మ్యాచ్‌లో గుజరాత్ టైటాన్స్ దుమ్మురేపుతోంది. నరేంద్ర మోడీ స్టేడియంలో పరుగుల వర్షం కురిపిస్తోంది. తొలి 10 ఓవర్లు ముగిసే సమయానికి ఒక వికెట్ నష్టానికి 103 పరుగులు చేసింది. టాస్ ఓడి బ్యాటింగ్‌కు దిగిన జీటీకి మొదట్లో పెద్ద ఝలక్ తగిలింది. తొలి ఓవర్‌లోనే వృద్ధిమాన్ సాహా వికెట్ కోల్పోయింది. కానీ.. శుభ్మన్ గిల్ పుణ్యమా అని జీటీ స్కోరు పరుగులు పెట్టింది. అతడు వచ్చి రావడంతోనే హైదరాబాద్ బౌలర్లపై విరుచుకుపడటం మొదలుపెట్టాడు. పవర్ ప్లేని పూర్తిగా సద్వినియోగపరచుకున్నాడు. సరైన గ్యాప్‌లు వెతుక్కుని మరీ అతడు బౌండరీల మీద బౌండరీలు బాదేశాడు.

Ex-Girlfriend Intimate Photos: మాజీ గర్ల్‌ఫ్రెండ్ నగ్న ఫోటోల్ని వైరల్ చేశాడు.. అరెస్ట్ అయ్యాడు

అటు.. సాహా ఔట్ అయ్యాక వచ్చిన సాయి సుదర్శన్ నిదానంగా రాణిస్తున్నాడు. గిల్ దుమ్మురేపుతుండటంతో, అతనికి స్టాండ్ ఇస్తూ, తాను ఆచితూచి ఆడుతున్నాడు. బంతులు అనుకూలంగా వచ్చినప్పుడల్లా బౌండరీలు కొడుతూ, గిల్‌కి స్ట్రైక్ రొటేట్ చేస్తున్నాడు. ఇక గిల్ మొదటి నుంచే దూకుడు మీదే ఉన్నాడు కాబట్టి.. అదే జోష్ కొనసాగించాడు. ఈ క్రమంలోనే అతడు అర్థశతకం పూర్తి చేసుకున్నాడు. కేవలం 21 బంతుల్లో 52 పరుగులు చేశాడంటే.. ఏ రేంజ్‌లో అతడు విజృంభించాడో అర్థం చేసుకోవచ్చు. జీటీ దూకుడు చూస్తుంటే.. ఈరోజు సన్‌రైజర్స్‌కి వాళ్లు భారీ టార్గెట్ ఇచ్చేలా కనిపిస్తోంది. అదే జరిగితే మాత్రం.. సన్‌రైజర్స్‌కి పెద్ద కష్టమే. అలా జరగకుండా ఉండాలంటే, కట్టుదిట్టమైన బౌలింగ్ వేసి, గుజరాత్‌ని కట్టడి చేయాల్సి ఉంటుంది.

Akhil Akkineni : ఏజెంట్ సినిమా రిజల్ట్‌పై స్పందించిన అఖిల్ అక్కినేని