Bangladesh Cricket: ఆసీస్ గడ్డపై ఆస్ట్రేలియానే సుస్సు పోయించిన బంగ్లాదేశ్.. క్రికెట్ ప్రపంచం షాక్!
- Follow Us :
-
-
Add as a preferred
source on google
Bangladesh Create Test Cricket History: బంగ్లాదేశ్ పురుషుల క్రికెట్ జట్టు క్రికెట్ ప్రపంచాన్ని ఒక్కసారిగా షాక్కు గురిచేసింది. ఆసీస్ గడ్డపై ఆస్ట్రేలియాకే సుస్సు పోయించింది. డార్విన్లో జరిగిన తొలి టెస్టులో బంగ్లా ఏకంగా 9 వికెట్ల తేడాతో ఆస్ట్రేలియాను ఓడించింది. బంగ్లా బౌలర్ల అద్భుత ప్రదర్శన, బ్యాటర్ల పోరాటంతో.. బంగ్లాదేశ్ క్రికెట్ చరిత్రలోనే చిరస్మరణీయ టెస్ట్ విజయంను అందుకుంది. ఈ విజయంతో ఆస్ట్రేలియా గడ్డపై తొలిసారి టెస్టు విజయాన్ని రుచి చూసింది. ఈ విజయం బంగ్లాదేశ్ క్రికెట్ చరిత్రలో మరింత ప్రత్యేకమైనది. ఆసీస్ గడ్డపై ఆస్ట్రేలియానే ఓడించిన తొలి టెస్టు విజయంగా ఇది ఎప్పటికీ గుర్తుండిపోనుంది.
అవకాశం ఇవ్వని బంగ్లా బ్యాటర్లు:
57 పరుగుల లక్ష్యంతో బరిలోకి దిగిన బంగ్లాదేశ్ ఒక్క వికెట్ను మాత్రమే కోల్పోయి సునాయాస విజయాన్ని అందుకుంది. సెంచరీ హీరో తన్జిద్ (0) త్వరగా అవుట్ అవ్వడంతో ఆస్ట్రేలియా ఏదైనా సంచలనం చేస్తుందా? అని అందరూ అనుకున్నారు. కానీ ఓపెనర్ షాద్మన్ ఇస్లామ్ (25), మోమినల్ హక్ (30) ఆ అవకాశం ఇవ్వలేదు. ఈ ఇద్దరు మరో వికెట్ పడనీయకుండా అద్భుతంగా ఆడుతూ.. బంగ్లాకు చరిత్రాత్మక విజయాన్ని అందించారు. ఫాస్ట్ బౌలర్ హసన్ మహ్ముద్ ‘ప్లేయర్ ఆఫ్ ది మ్యాచ్’గా ఎంపికయ్యాడు. అతడు 9 వికెట్లు, 14 పరుగులు చేశాడు.
Also Read
- IPL Retentions 2027: నరైన్ కోసం టాప్ ట్రేడ్.. ఆర్ఆర్ ఆఫర్ను తిరస్కరించిన కేకేఆర్!
- IPL Retentions 2027: సన్రైజర్స్కు బిగ్ షాక్.. ఐపీఎల్ 2027కు ఇద్దరు స్టార్స్ దూరం.. ఇక అంతే సంగతులు!
- IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
- IPL 2027 Retention Live: రిటెన్షన్ లిస్ట్ ఎప్పుడు ప్రకటిస్తారు?.. లైవ్ స్ట్రీమింగ్ డీటెయిల్స్ ఇవే!
ఆరు వికెట్లు పడగొట్టిన హసన్:
తొలి ఇన్నింగ్స్లో ఆస్ట్రేలియాను కేవలం 198 పరుగులకే ఆలౌట్ చేయడంలో పేసర్ హసన్ మహ్ముద్ కీలక పాత్ర పోషించాడు. అతడు ఏకంగా ఆరు వికెట్లు పడగొట్టాడు. ఆస్ట్రేలియా బ్యాటర్లలో స్టీవ్ స్మిత్ 109 బంతుల్లో 71 పరుగులు చేశాడు. అయితే అతడికి మిగతా బ్యాటర్ల నుంచి తగిన సహకారం లభించలేదు. అనంతరం బ్యాటింగ్కు దిగిన బంగ్లాదేశ్ అద్భుతంగా ఆడింది. తన కెరీర్లో రెండో టెస్టు ఆడుతున్న తంజీద్ తమీమ్ శతకం సాధించాడు. 101 పరుగులు చేసి జట్టును పటిష్ట స్థితిలో నిలిపాడు. మొమినుల్ హక్ 49, నజ్ముల్ హుస్సేన్ శాంటో 84, మెహిదీ హసన్ మిరాజ్ 65 పరుగులు చేశారు. బంగ్లా తొలి ఇన్నింగ్స్లో 426 పరుగులు చేసి.. ఆస్ట్రేలియాపై ఏకంగా 228 పరుగుల తొలి ఇన్నింగ్స్ ఆధిక్యం సాధించింది.
కంగారో గడ్డపై తొలి టెస్టు విజయం:
రెండో ఇన్నింగ్స్లో ఆస్ట్రేలియా కొంత మెరుగ్గా బ్యాటింగ్ చేసింది. కామెరాన్ గ్రీన్ 201 బంతుల్లో 104 పరుగులు చేశాడు. అతడి సెంచరీతో ఆస్ట్రేలియా రెండో ఇన్నింగ్స్లో 284 పరుగులకు చేరింది. తొలి ఇన్నింగ్స్లో భారీ ఆధిక్యం కారణంగా బంగ్లాదేశ్ లక్ష్యం 57 పరుగులుగా మారింది. నాలుగో రోజు స్వల్ప లక్ష్యాన్ని ఛేదించేందుకు బంగ్లా బరిలోకి దిగింది. రెండో ఓవర్లోనే తంజీద్ హసన్ తమీమ్ పరుగులేమీ చేయకుండానే ఔటవడంతో కాసేపు ఆందోళన కనిపించినా.. ఆ తర్వాత బంగ్లా బ్యాటర్లు లక్ష్యాన్ని పూర్తి చేశారు. ఈ విజయంతో బంగ్లాదేశ్కు ఆస్ట్రేలియాపై చారిత్రాత్మక మైలురాయి దక్కింది. స్వదేశంలో ఆస్ట్రేలియాను ఓడించిన బంగ్లా.. ఇప్పుడు కంగారో గడ్డపై తొలి టెస్టు విజయం అందుకుంది.
ఆస్ట్రేలియా ఐదు విజయాలు:
రెండు జట్ల మధ్య ఇప్పటివరకు జరిగిన ఏడు టెస్టుల్లో ఆస్ట్రేలియా ఐదు విజయాలు సాధించగా.. ఒక మ్యాచ్ డ్రాగా ముగిసింది. ఇప్పుడు బంగ్లాదేశ్ ఖాతాలో తొలి విజయం అందుకుంది. ఇరు జట్ల మధ్య గతంలో మూడు ద్వైపాక్షిక టెస్టు సిరీస్లు జరిగాయి. వాటిలో ఆస్ట్రేలియా రెండు సిరీస్లు గెలిచింది. మరో సిరీస్ డ్రాగా ముగిసింది. 2017లో బంగ్లాదేశ్ స్వదేశంలో ఆస్ట్రేలియాను ఓడించినప్పటికీ.. తర్వాతి మ్యాచ్లో ఓడిపోవడంతో సిరీస్ 1-1తో సమమైంది. ఇప్పుడు డార్విన్లో సాధించిన ఈ విజయంతో బంగ్లా మరో చరిత్రకు చేరువైంది. ఆస్ట్రేలియాపై తొలి టెస్టు సిరీస్ విజయం సాధించాలంటే.. మిగిలిన మ్యాచ్లోనూ గెలవాల్సి ఉంది.
తాజావార్తలు
-
Dhanush : ‘పొగరు’ అన్న ట్రోల్స్కు ధనుష్ కౌంటర్.. అసలు నిజం చెప్పి షాకిచ్చిన స్టార్ హీరో!
-
IPL Retentions 2027: నరైన్ కోసం టాప్ ట్రేడ్.. ఆర్ఆర్ ఆఫర్ను తిరస్కరించిన కేకేఆర్!
-
Missile Attack on LPG Tanker: హార్మూజ్ జలసంధిలో గ్యాస్ ట్యాంకర్పై క్షిపణి దాడి.. నౌకలో 24 మంది భారతీయులు..!
-
క్యాబ్ డ్రైవర్ ముసుగులో మిక్సింగ్ లిక్కర్ దందా.. ఇద్దరి అరెస్ట్.!
-
Mahindra XEV 9S: మహీంద్రా XEV 9S కు భారత్ NCAPలో 5 స్టార్ సేఫ్టీ రేటింగ్.. 7 సీటర్ SUVలో సరికొత్త రికార్డు!
ట్రెండింగ్
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..