Objection My Lord Review: ‘అబ్జెక్షన్ మై లార్డ్’ రివ్యూ
- Follow Us :
-
-
Add as a preferred
source on google
Rating : 2.75 / 5
- MAIN CAST: శ్రీకాంత్, ముఖేష్ రుషి, అనన్య శర్మ, సమీర్, తులసి తదితరులు
- DIRECTOR: రాజ్ కుమార్ ఆకెళ్ల
- MUSIC: అరుణ్ చిలువేరు
- PRODUCER: సంతోష్ అయ్యప్పన్
న్యాయం కోసం జరిగే పోరాటాలు, కోర్ట్ రూమ్ డ్రామాలు ఎప్పుడూ ప్రేక్షకులను విశేషంగా ఆకట్టుకుంటాయి. అలాంటి జానర్లోనే సీనియర్ హీరో శ్రీకాంత్ లీడ్ రోల్లో నటించిన లేటెస్ట్ వెబ్ సిరీస్ ‘అబ్జెక్షన్ మై లార్డ్’. ప్రముఖ ఓటీటీ వేదిక జీ5 (ZEE5) లో జూలై 31 నుంచి ఈ సిరీస్ స్ట్రీమింగ్ అవుతోంది. ముఖేష్ రుషి, అనన్య శర్మ కీలక పాత్రల్లో నటించిన ఈ సిరీస్కు సంతోష్ అయ్యప్పన్ దర్శకత్వం వహించగా, రాజ్ కుమార్ ఆకెళ్ల నిర్మించారు. మరి ఈ కోర్ట్ రూమ్ థ్రిల్లర్ ప్రేక్షకులను ఏమేరకు మెప్పించిందో ఈ రివ్యూలో చూద్దాం.
కథేంటంటే..
పరశురామ్ (శ్రీకాంత్) ఓ ప్రతిభావంతుడైన లాయర్. న్యాయశాస్త్రంలోని ప్రతి సెక్షన్పై పట్టు ఉన్నప్పటికీ, కొన్ని వ్యక్తిగత కారణాల వల్ల కోర్టులో వాదనలకు దూరంగా ఉంటాడు. కోర్టు బయట నోటరీలు రాసుకుంటూ కుటుంబాన్ని పోషిస్తుంటాడు. ఈ క్రమంలో కోర్టుకు జూనియర్ లాయర్గా వచ్చిన వేద (అనన్య శర్మ).. పరశురామ్ వద్ద అసిస్టెంట్గా చేరుతుంది. ఇదే సమయంలో నారాయణ అనే వ్యక్తి తన కూతురు సమీర (స్నేహాల్ కామత్) కిడ్నాప్ అయ్యిందని, పోలీసులను, లాయర్లను ఆశ్రయించినా ఎవరూ పట్టించుకోలేదన్న మనస్తాపంతో కోర్టు ఎదుట ఆత్మహత్య చేసుకుంటాడు. ఈ ఘటన పరశురామ్ను తీవ్రంగా కలచివేస్తుంది. మరోవైపు తన తండ్రిని ఫెయిల్యూర్ లాయర్గా కొడుకు అసహ్యించుకోవడం కూడా పరశురామ్లో మార్పు తెస్తుంది. నారాయణ చావుకు కారణమైన వారిని నిలదీయాలని, ఆయన కూతురికి న్యాయం చేయాలని భావించి ఈ కేసును టేకప్ చేస్తాడు. ఈ కేసు ఇన్వెస్టిగేషన్లో పరశురామ్కు ఎలాంటి నిజాలు తెలిశాయి? సమీరను కిడ్నాప్ చేసింది ఎవరు? ఈ కోర్టు పోరులో పరశురామ్కు ఎదురైన అడ్డంకులు ఏంటి? అతనికి వ్యతిరేకంగా వాదించిన ఫేమస్ లాయర్ విశ్వనాథ్ (ముఖేష్ రుషి)ని పరశురామ్ ఎలా ఎదుర్కొన్నాడు? అసలు పరశురామ్ గతం వెనుక ఉన్న రహస్యం ఏంటి? లాంటి విషయాలు తెలియాలంటే ఈ సిరీస్ చూడాల్సిందే!
Also Read
విశ్లేషణ
చెట్టు కింద ప్లీడర్ కాన్సెప్ట్ తో, ఎలాంటి పెద్ద ఆధారాలు లేని కేసును ఒక సాధారణ నోటరీ లాయర్ ఎలా సాల్వ్ చేశాడనే పాయింట్తో దర్శకుడు సంతోష్ అయ్యప్పన్ ఈ సిరీస్ను తెరకెక్కించారు. మొత్తం 7 ఎపిసోడ్లుగా సాగే ఈ వెబ్ సిరీస్.. ఓ వైపు క్రైమ్ ఇన్వెస్టిగేషన్, మరోవైపు కోర్టు వాదనలతో చివరి వరకు ఎంగేజింగ్గా సాగుతుంది. సినిమాల్లో మాదిరిగా గట్టిగట్టిగా అరుచుకోవడం, కుర్చీలు తన్నడం వంటి కమర్షియల్ హంగులకు దూరంగా చాలా రియలిస్టిక్ అప్రోచ్తో ఈ కోర్టు రూమ్ డ్రామాను నడిపించారు. హీరో పాత్ర పరిచయం, నారాయణ కేసును టేకప్ చేసే సీన్ నుంచి కథ ఆసక్తికరంగా మారుతుంది. అయితే, పరశురామ్ కోర్టు మెట్లెక్కనని భీష్మించడం వెనుక బలమైన కారణాన్ని చూపించడంలో కొద్దిగా లోపం కనిపిస్తుంది. అలాగే విలన్ పాత్రను మరింత బలంగా మలచాల్సింది. క్లైమాక్స్ కొద్దిగా ప్రిడిక్టబుల్గా అనిపించినా, కథనాన్ని నడిపించిన తీరు ప్రేక్షకులను కట్టిపడేస్తుంది.
నటీనటుల విషయానికి వస్తే శ్రీకాంత్ తన సెటిల్డ్ పెర్ఫార్మెన్స్తో పరశురామ్ పాత్రకు పూర్తిన్యాయం చేశారు. ఫైట్లు, బిల్డప్లు లేకుండా ఒక సామాన్యుడిలా కనిపించే లాయర్గా ఆయన అభినయం ఆకట్టుకుంటుంది. జూనియర్ లాయర్ వేద పాత్రలో అనన్య శర్మ తన నటనతో మెప్పించారు. ఆమె పాత్రకు మంచి ప్రాధాన్యత దక్కింది. అనుభవజ్ఞుడైన నటుడు ముఖేష్ రుషి ప్రత్యర్థి లాయర్ విశ్వనాథ్గా తన పరిధి మేరకు రాణించారు. స్నేహాల్ కామత్, సమీర్, జెమిని సురేష్ తదితరులు తమ పాత్రల పరిధిలో చక్కగా నటించారు.
సాంకేతిక నిపుణుల పనితీరు విషయానికి వస్తే దర్శకుడు సంతోష్ అయ్యప్పన్ కేవలం దర్శకుడిగానే కాకుండా రైటర్గా కూడా మంచి ప్రతిభ కనబరిచారు. అనవసరమైన కన్ఫ్యూజన్ లేకుండా కథను నడిపించిన తీరు బాగుంది. అరుణ్ చిలువేరు అందించిన నేపథ্য సంగీతం సన్నివేశాల తీవ్రతను పెంచింది. ఎడిటర్ కిషోర్ తన కత్తెర పనితనంతో ఎపిసోడ్లను ఆసక్తికరంగా కట్ చేశారు. నిర్మాణ విలువలు ఓ వెబ్ సిరీస్ స్థాయిని మించి సినిమా రిచ్నెస్తో ఉన్నాయి.
ఫైనల్ గా కమర్షియల్ హంగులు లేకుండా బోర్ కొట్టించకుండా సాగే డీసెంట్ కోర్ట్ రూమ్ థ్రిల్లర్ ‘అబ్జెక్షన్ మై లార్డ్’.
తాజావార్తలు
-
CM Revanth: మూడు టిమ్స్ ఆసుపత్రులకు ఒకే రిక్రూట్మెంట్ విధానం.. సీఎం రేవంత్ రెడ్డి కీలక వ్యాఖ్యలు..
-
Food Safety Raids: హైదరాబాద్లోని కేఎఫ్సీ, డొమినోస్ అవుట్లెట్లపై ఫుడ్ సేఫ్టీ మెరుపు దాడులు.. 9 బ్రాంచీల లైసెన్సులు సస్పెండ్!
-
Nvidia CEO: ఎన్విడియాకు టిమ్ కుక్ ఒక్కరే సరైనోడు.. ట్రంప్ ఆసక్తికర వ్యాఖ్యలు.!
-
Siddu Jonnalagadda: ఏడాది గ్యాప్ తర్వాత రూట్ మార్చిన సిద్ధు జొన్నలగడ్డ!
-
Iran Crisis: కిడ్నీ నుంచి వృషణాల వరకు.. శరీర అవయవాలను అమ్ముకుంటున్న ఇరాన్ ప్రజలు!
ట్రెండింగ్
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?
-
Moringa Soup: ఖరీదైన స్కిన్ కేర్ ప్రొడక్ట్స్ వద్దు.. వింటర్లో బుగ్గలపై సహజమైన ఎరుపుదనం తెచ్చే సూప్ ఇదే..
-
Cigarette Prices Hike: ధూమపాన ప్రియులకు షాక్.. మరోసారి సిగరెట్ల ధరల బాదుడు..! ఒక్క ప్యాకెట్పై ఏకంగా..
-
Kusal Mendis: విమర్శకుల నోళ్లు మూయించిన కుశాల్ మెండిస్.. 13,000 పరుగుల మైలురాయిని అందుకున్న ఆటగాడిగా ఘనత..!