హైదరాబాద్ శివారు మున్సిపాలిటీలలో రగడ…
- Follow Us :
-
-
Add as a preferred
source on google
అవన్నీ హైదరాబాద్ శివారు మున్సిపాలిటీలు.. మున్సిపల్ కార్పొరేషన్. ప్రజాప్రతినిధులు అక్కడ పగ్గాలు చేపట్టిన ఏడాదికే గిల్లికజ్జాలు. వ్యూహం లోపిస్తుందో.. లేక ఒకరిపై ఒకరు పైచెయ్యి సాధించాలనే పట్టుదలో కానీ నిత్యం గొడవలే. శ్రుతి మించి రోడ్డుకెక్కుతున్నారు.
మీర్పేట్లో మేయర్ భర్తదే పెత్తనం.. సెటిల్మెంట్లు!
Also Read
రంగారెడ్డి జిల్లా మహేశ్వరం నియోజకవర్గంలోని మీర్పేట్ మున్సిపల్ కార్పొరేషన్ ఏడాదిగా చర్చల్లో ఉంటోంది. ఇప్పుడు మేయర్ దీప భర్త దీప్లాల్ తీరుతో ఇంకోసారి అక్కడి యవ్వారాలు హాట్ టాపిక్గా మారాయి. మీర్పేట్లో దీప మేయరైనా.. పెత్తనం మొత్తం ఆమె భర్తదే. సమస్యల పరిష్కారం కోసం వచ్చే సాధారణ జనమైనా.. కార్పొరేటర్లయినా ఆయన ముందు ఒకటే. దీప్లాల్ చెప్పిందే ఫైనల్. ఏకంగా మేయర్ కుర్చీలో కూర్చునే సెటిల్మెంట్లు చేయడం ఆయన ప్రత్యేకత. సాక్షాత్తూ పురపాలక మంత్రి ఆదేశించినా.. వాటిని పట్టించుకోకుండా సొంత విషయాలు చక్కబెట్టుకోవడానికి ప్రాధాన్యం ఇస్తారట. దానికి సంబంధించి వెలుగులోకి వచ్చిన తాజా గొడవ ఇప్పుడు సోషల్ మీడియాలో వైరల్ అవుతోంది. టీఆర్ఎస్లోనూ మేయర్ భర్త తీరు చర్చకు దారితీసింది.
కాంగ్రెస్ ఛైర్పర్సన్లు ఉన్నచోట్ల అధికారులు సహాయ నిరాకరణ?
టీఆర్ఎస్ చేతిలో ఉన్న మీర్పేటలో సెటిల్మెంట్ల పంచాయితీ అలా ఉంటే.. రంగారెడ్డిజిల్లాలోనే ఉన్న ఆదిభట్ల, తుర్కయంజాల్ మున్సిపాలిటీలలో రగడ మరో ఎత్తు. ఈ రెండు మున్సిపాలిటీలలో కాంగ్రెస్ ఛైర్పర్సన్లు ఉన్నారు. దీంతో ఈ పురపాలక సంఘాలల్లో పెత్తనం.. ఎన్నికల్లో గెలిచిన వారికంటే.. అధికార పార్టీ నేతలదే అన్నది ఓపెన్ సీక్రెట్. ఛైర్ పర్సన్ చెప్పిన విషయాలను మున్సిపల్ అధికారులు పట్టించుకోరట. ఈ అంశంపైనే అధికారుల తీరును నిరసిస్తూ ఛైర్పర్సన్లు ధర్నాలకు దిగిన ఉదంతాలు అనేకం ఉన్నాయి.
ఆదిభట్లలో కమిషనర్ తీరుపై ఛైర్పర్సన్ నిరసన
మంత్రి కేటీఆర్ పుట్టిన రోజు సందర్భంగా మొక్కలు నాటాలని ఆదిభట్ల మున్సిపల్ కమీషనర్ సర్క్యులర్ ఇచ్చారు. ఆ విషయం కాంగ్రెస్ పార్టీకి చెందిన ఛైర్పర్సన్ హార్ధిక్ గౌడ్కు తెలియదట. దీంతో ఆమె కమిషనర్ను పట్టుకుని.. మీరు టీఆర్ఎస్ కార్యకర్తా? లేక ప్రభుత్వ అధికారా అని సర్రున లేచారు. కమిషనర్ ఛాంబర్లో కింద కూర్చుని నిరసన తెలియజేశారు. ఆ మధ్య కమిషనర్ తీరును నిరసిస్తూ కాంగ్రెస్ ఎంపీ వచ్చి రోడ్డుపై భైఠాయించిన పరిస్థితి. ఇక ఇదే మున్సిపాలిటీలో ఛైర్పర్సన్ భర్తదే పెత్తనం అనే టాక్ కూడా ఉంది. ఛైర్పర్సన్ భర్తకు తెలియకుండా ఏ పనిచేసినా ఆయన కోపాగ్నికి బలి కావాల్సిందేనని చెవులు కొరుక్కుంటారు.
తుర్కయంజాల్లో ఛైర్పర్సన్, కమిషనర్ల మధ్య నిత్యం రణమే!
తుర్కయంజాల్ మున్సిపాలిటీలోనూ కాంగ్రెస్ ఛైర్పర్సనే ఉన్నారు. ఇక్కడ ఛైర్ పర్సన్ అనురాధారెడ్డికి, కమిషనర్కు ఎప్పుడూ పడదు. ఒకరిపై ఒకరు పోలీసులకు ఫిర్యాదు చేసుకున్నారు కూడా. అధికారులకు.. కాంగ్రెస్ ప్రజాప్రతినిధులకు మధ్య మున్సిపాలిటీలో నిత్యం రణరంగమే. రాజకీయ ఎత్తుగడలు వేయడంలో విఫలం అవుతున్నారో లేక.. వ్యూహాలు లేవో ఏమో.. నేరుగా ఢీకొట్టేందుకు చేస్తున్న పనులు గిల్లికజ్జాలకు దారితీస్తోంది. మరి.. పదవీకాలం ముగిసేలోగా ఈ మూడుచోట్లా రాజకీయాలు.. అధికారులతో రగడలు ఇంకెలాంటి మలుపు తీసుకుంటాయో?
తాజావార్తలు
-
Supreme Court: హైవేలపై వీధి పశువుల సమస్య పరిష్కారానికి రూ.5 వేల కోట్లు.. చేతులెత్తేసిన ఎన్హెచ్ఏఐ
-
Mohammed Siraj: తప్పించేందుకు కుట్రలు చేశారు.. ఇది ట్రైలర్ మాత్రమే.. సిరాజ్ భవిష్యత్తుపై అశ్విన్ సంచలన వ్యాఖ్యలు!
-
Satvika Veeravalli: ఒకవైపు డెబ్యూ మూవీ రిలీజ్.. మరోవైపు నాగచైతన్య సినిమాలో ఫిక్స్! అసలు ఎవరీ లక్కీ హీరోయిన్?
-
Volkswagen T-Roc R: 328HP పవర్తో Volkswagen T-Roc R SUV.. 250kmph టాప్ స్పీడ్తో అదరగొట్టే ఫీచర్లు!
-
Gold Silver Rates Today: బంగారం ధరలు ఒక్కసారిగా భారీగా పతనం.. వెండి కూడా డౌన్.. నేటి ధరలివే!
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!