OTR: కడపలో టీడీపీ, వైసీపీ మిలాఖత్ అయిపోయాయా?
- Follow Us :
-
-
Add as a preferred
source on google
రాజకీయాలదేముంది బ్రో….! మనం మనం లోకల్. నిద్రలేస్తే ముఖముఖాలు చూసుకోవాల్సిన వాళ్ళం. పరస్పరం అవసరాలుండే వాళ్ళం. అందుకే కలిసి పంచుకుందామని అక్కడి నేతలు అనుకుంటున్నారా? అందులోనూ… రాయలసీమలో, అదీ టీడీపీ, కాంగ్రెస్ నాయకులు మిలాఖత్ అయిపోయారా? ముందంతా…రచ్చ చేసుకుని, నామినేషన్ పత్రాలను కూడా చించేసుకుని సడన్గా వాతావరణం మారిపోయింది ఎక్కడ? ఎందుకలా? ఏపీ స్థానిక సంస్థల ఎన్నికల పర్వంలో కొన్ని చోట్ల యుద్ధకాండ నడుస్తోంది. అందునా కొన్ని రాయలసీమ జిల్లాల్లో ఈ తరహా వాతావరణం ఎక్కువగా కనిపిస్తోంది. అయితే…నంద్యాల జిల్లాలో మాత్రం వ్యవహారం కాస్త డిఫరెంట్గా ఉందట. మామూలుగానే ఇక్కడి పాలిటిక్స్ డిఫరెంట్. ఎప్పుడు హీటెక్కుతాయో..ఎప్పుడు చప్పున చల్లారిపోతాయో చెప్పడం కష్టం. ఉన్నట్టుండి మీసం మెలేస్తారు…తొడలు కొడతారు….సవాల్ విసురుతారు. అంతలోనే పాల పొంగులా చప్పున చల్లారిపోతారు. అందుకే చాలామంది సీమ నేతలే మీ నంద్యాల పాలిటిక్స్ వేరప్పా అని సరదాగా అంటుంటారు. ఇప్పుడు మున్సిపల్ ఎన్నికల్లో ఇది మరోసారి ఇది ఋజువైందట. నామినేషన్ల గడువు ముగిసే వరకు నంద్యాల జిల్లాలో పలుచోట్ల కూటమి, వైసీపీ వర్గాల గొడవలు, ఆందోళనలతో రాజకీయం హీటెక్కింది. ఎప్పుడేం జరుగుతుందోనన్న టెన్షన్ వాతావరణం కనిపించింది. నంద్యాల జిల్లాలో 5 మున్సిపాలిటీలు, ఒక నగర పంచాయతీ ఉన్నాయి. అందులో రెండు మున్సిపాలిటీల ఎన్నికలు ఇప్పుడు ఆసక్తి రేపుతున్నాయి. ఆ రెండు చోట్ల రొటీన్కు భిన్నంగా, ఎవ్వరూ ఊహించని విధంగా… కూటమి, వైసీపీ నేతలు ఒక్కటై మున్సిపల్ చైర్మన్ సహా అన్ని వార్డుల్లో కౌన్సిలర్ పదవులను పంచేసుకున్నారట. టీడీపీ, జనసేన, బీజేపీ, వైసీపీ మధ్యేమార్గంలో పదవుల పంపకాలతో ఏకగ్రీవాలు చేసుకున్నట్టు తెలుస్తోంది. దీనికి సంబంధించిన అధికారిక ప్రకటనలు రావాల్సి ఉంది. ఆత్మకూరు మున్సిపాలిటీలో 32 వార్డులు ఉండగా చైర్మన్ టీడీపీకి, వైస్ చైర్మన్ వైసీపీకి ఇచ్చేలా మాట్లాడుకున్నారట. మొత్తం 32 వార్డులకుగాను 18 టీడీపీ, 12 వైసీపీకి పంచుకున్నాయట.
జనసేన, బీజేపీకి చెరొకటి చొప్పున దక్కినట్టు తెలిసింది. వైస్ చైర్మన్గా ఒక వార్డులో ప్రస్తుత వైసీపీ చైర్మన్ అభ్యర్థి ప్రియాంకబాయికి అవకాశం కల్పించేలా ఒప్పందం కుదిరిందట. ఈ విధంగా కూటమి, వైసీపీ ఒక్కటై ఆత్మకూరు మున్సిపల్ చైర్మన్గా టీడీపీ అభ్యర్థి డాక్టర్ గోవిందరాజులును ఓకే చేశాయంటున్నారు. అలాగే 32 మంది కౌన్సిలర్లు ఏకగ్రీవ ఎన్నికకు లైన్ క్లియర్ అయిందట. ఇక ఆళ్లగడ్డ మున్సిపాలిటీలోనూ… కూటమి, వైసీపీ మధ్య రాజీ ఒప్పందం కుదిరిందంటున్నారు. దీంతో చైర్మన్ సహా వార్డులన్నిటిలో సింగిల్ నామినేషన్లే మిగిలాయి. ఇక్కడ చైర్మన్, 32 వార్డులకు ఒకే నామినేషన్ ఉన్నాయి. అందులో టీడీపీకి మున్సిపల్ చైర్మన్తోపాటు 22 వార్డులు, వైసీపీకి 8 వార్డులు, జనసేనకి 2 దక్కాయి. ఆళ్లగడ్డ మున్సిపల్ చైర్ పర్సన్గా షేక్ అనీషా , వైస్ చైర్మన్ కూడా టీడీపీ నుంచి ఏకగ్రీవం అయ్యేలా ఒప్పందం కుదిరిందట.
Also Read
దీంతో… మున్సిపల్ ఎన్నికల తరహాలోనే… పరిషత్ ఎలక్షన్స్ కూడా ఏకగ్రీవం అయ్యేలా కొన్ని నియోజకవర్గాల్లో కూటమి, వైసీపీ మధ్య చర్చలు జరుగుతున్నాయట. నిన్నటిదాకా తిట్టుకుంటూ, సవాళ్లు విసురుకున్న వాళ్ళు ఒక్కసారిగా రాజీమార్గంలో పంపకాలు చేసుకోవడంతో… నంద్యాల జిల్లా రాజకీయం ఇప్పుడు రాష్ట్ర వ్యాప్తంగా చర్చనీయాంశమైందంటున్నారు. ఎన్నికలు జరిగితే కోట్లు ఖర్చవుతాయని, అల్లర్లతో పరస్పరం కేసులు పెట్టుకుని కోర్టుల చుట్టూ తిరగాలని, కక్షలు పెంచుకునే బదులు…ఇలా రాజీ మార్గాన్ని ఎంచుకున్నామని కొందరు నేతలు సమర్థించుకుంటుంటే మరికొందరు మాత్రం విభేదిస్తున్నారట. పోటీ చేయాల్సిందేనని ఒకవైపు పార్టీ అధ్యక్షుడు జగన్ అంటుంటే… మరోవైపు ఇక్కడ ఈ రాజీ ఫార్ములాలు ఏంటంటూ కొందరు వైసీపీ నాయకులు ప్రశ్నిస్తున్నట్టు చెప్పుకుంటున్నారు. మరోవైపు పోలింగ్ జరిగితే డబ్బులు పంచేవారని, ఇపుడు వాళ్ళు వాళ్ళు మిలాఖత్ అయిపోయి…. మా నోళ్ళు కొట్టారంటూ లబోదిబోమనే బ్యాచ్ కూడా తయారైందట నంద్యాల జిల్లాలో. ఎవరి గోల వాళ్ళది.
- Tags
- Kadapa
- nandyala
- NTV Telugu
- OTR
- tdp
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
Viral Video: క్వాడ్ సమావేశంలో జాతీయ జెండాకు గౌరవం.. మోడీ చేసిన పని వైరల్..
-
Jimmy Tata: టాటా గ్రూప్లో అసలైన ట్విస్ట్.. రతన్ టాటా తమ్ముడి ఎంట్రీతో మారిన లెక్కలు!
-
Dosa Making Tips : దోస వేసే ముందు పెనంపై నీళ్లు ఎందుకు చల్లుతారు?.. దీని వెనుక ఉన్న అసలు సీక్రెట్ ఇదే!
-
Vijay Antony : లక్షల విలువైన స్మార్ట్ వాచ్లు విసిరేసి చనిపోయిన కూతురి వాచ్తో విజయ్ ఆంటోనీ
-
IPL Retention: లక్నో సూపర్ జెయింట్స్ జట్టులోకి సామ్ కర్రన్.. DC నుంచి ముగ్గురు స్టార్ ఆటగాళ్లు ఔట్..
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!