Off The Record: మంత్రి పదవి కోసం కోటంరెడ్డి కొత్త డ్రామా మొదలుపెట్టారా?
- మంత్రి పదవి కోసం కోటంరెడ్డి కొత్త డ్రామా మొదలుపెట్టారా?..
- ఇటీవల ఎమ్మెల్యే చేసిన కామెంట్స్ చుట్టూ సరికొత్త చర్చలు..
- వచ్చే ఎన్నికల్లో తన తమ్ముడు గిరిధర్రెడ్డి పోటీ చేస్తారని ప్రకటన..
- ఎమ్మెల్యే నాటకీయ పరిణామాలు సృష్టిస్తున్నారా అన్న డౌట్స్..
- కేబినెట్ పునర్వ్యవస్థీకరణ మాటల టైంలో ఎమోషనల్ డ్రామా?..
- చంద్రబాబు తనను మోసం చేశారని ఆఫ్ ద రికార్డ్లో చెబుతున్నారా?..
- ఎత్తుగడలు తెలుసుకాబట్టే అట్నుంచి రియాక్షన్ లేదా?..
- జీవితాశయం నెరవేరకుండానే కోటంరెడ్డి రిటైర్ అవుతారా?
- Follow Us :
-
-
Add as a preferred
source on google
Off The Record: ప్రతికూల పరిస్థితుల్లో కూడా… తన మెలో డ్రామాతో సానుభూతి సంపాదించుకోవడంలో నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి దిట్ట. వైసీపీ నుంచి రెండు సార్లు గెలిచిన ఆయన.. గత ఎన్నికల సమయంలో టీడీపీలోకి జంప్ కొట్టి హ్యాట్రిక్ విజయాన్ని తన ఖాతాలో వేసుకున్నారు. పార్టీలో చేరే సమయంలో మంత్రి పదవి ఇస్తామని కోటంరెడ్డికి హామీ ఇచ్చారట. దీంతో కూటమి ప్రభుత్వం కొలువుతీరిన వెంటనే తనకు మంత్రి పదవి వస్తుందని, జీవితాశయం నెరవేరబోతోందని అనుచరులకు తెగ చెప్పేసుకున్నారట. తీరా చూస్తే…. ఇప్పుడా వాతావరణమే కనిపించకపోతుండటంతో…. కొత్త డ్రామా మొదలుపెట్టినట్టు గుసగుసలాడుకుంటున్నాయి సింహపురి రాజకీయవర్గాలు.ఇటీవల పొట్టిపాలెం కలుజుపై వంతెన నిర్మాణానికి శంకుస్థాపన చేసిన సందర్భంగా… ఎమ్మెల్యే అన్న మాటల చుట్టూ సరికొత్త చర్చలు మొదలయ్యాయి. వచ్చే ఎన్నికల్లో తన తమ్ముడు గిరిధర్ రెడ్డి నెల్లూరు రూరల్ నుంచి పోటీ చేస్తారని ప్రకటించారు శ్రీధర్రెడ్డి. పార్టీ నేతలు సహకరించాలని కూడా కోరేశారు.
దీంతో సడన్గా కోటంరెడ్డి నోటి నుంచి ఈ రిటైర్మెంట్ మాట ఎందుకు వచ్చిందని కూపీ లాగితే కొత్త కోణాలు వెలుగు చూస్తున్నాయంటున్నారు పరిశీలకులు. ఎప్పటికప్పుడు నాటకీయ పరిణామాలు సృష్టించడంలో దిట్ట అయిన కోటంరెడ్డి శ్రీధర్రెడ్డి… మరోసారి తన కౌశలాన్ని ప్రదర్శిస్తున్నట్టు చెప్పుకుంటున్నారు. ప్రస్తుతం ఆంధ్రప్రదేశ్లో కేబినెట్ పునర్ వ్యవస్థీకరణ చర్చలు జోరుగా నడుస్తున్నందున ఇప్పుడు మొదలుపెడితేగానీ… అప్పటికి వర్కౌట్ అవదన్న ఉద్దేశ్యంతో.. తమ్ముడి పొలిటికల్ కెరీర్, నా రిటైర్మెంట్ అంటూ ఎమోషనల్ డ్రామా పండించే ప్రయత్నం చేస్తున్నట్టు అంచనా వేస్తున్నారు పరిశీలకులు. మైక్ ముందు సెంటిమెంట్ డైలాగ్స్ చెబుతున్నా… వెనక మాత్రం… తనను చంద్రబాబు మోసం చేశారంటూ అడిగిన వాళ్ళకు, అడగని వాళ్ళకు చెప్పేస్తున్నారట. అందుకే… ఇలా మరోసారి పోటీ చేయబోనని ప్రకటిస్తే… అది పార్టీ పెద్దలకు చేరి రేపు పునర్ వ్యవస్థీకరణలో తనకు ఛాన్స్ దక్కుతుందన్నది ఆయన లెక్కగా అంచనా వేస్తున్నారు కొందరు. ఈ ఎత్తుగడల గురించి చంద్రబాబుకు ఫుల్ క్లారిటీ ఉన్నందునే…. ఈయన ఎంత సెంటిమెంట్ పండిస్తున్నా… అట్నుంచి మాత్రం నో రియాక్షన్ అన్న మాటలు వినిపిస్తున్నాయి.
Also Read
ఈ పరిస్థితుల్లో… కోటంరెడ్డి శ్రీధర్రెడ్డి తన జీవితాశయం నెరవేరకుండానే పొలిటికల్ రిటైర్మెంట్ తీసేసుకుంటారా? లేక ఎన్నికలకు ఇంకా మూడున్నరేళ్ల టైం ఉంది కాబట్టి…. అప్పటికి మనసు మార్చుకుంటారా అని మాట్లాడుకుంటున్నాయి నెల్లూరు రాజకీయవర్గాలు. నెల్లూరు రూరల్లో వైసీపీ బలహీనంగా ఉందని, ఈసారి తన తమ్ముడిని నిలబెట్టి మరోసారి గెలిపిస్తానని టీడీపీ పెద్దలకు ఇప్పటికే చెప్పారట కోటంరెడ్డి. మొత్తం మీద అమాత్యా అనిపించుకోవాలన్న కోటంరెడ్డి కోరిక చుట్టూ… కొత్త చర్చలు మాత్రం మొదలైపోయాయి.
తాజావార్తలు
-
OTR : బంగారం, వెండి ధరలు ఎందుకు తగ్గుతున్నాయి? విలువైన లోహాల భవిష్యత్తు ఎలా ఉండబోతోంది?
-
Warangal Projects : వరంగల్కు భారీ ప్రాజెక్టులు.. సీఎం రేవంత్ కీలక సమీక్ష
-
Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
-
Telangana Congress : MLA రాజగోపాల్ రెడ్డి అసంతృప్తి వెనుక అసలు కారణమేంటి?
-
Tandoor Congress Rift: తాండూరు కాంగ్రెస్లో ఫ్లెక్సీ వార్.. బయటపడ్డ వర్గ విభేదాలు!
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!